03-13-2013, 03:53 PM
|
#1 | |
 
|
أعترف يا صاحب السيارة لوسمحت واجب على اسألتنا.
السلام عليكم ورحمة الله وبركاته
كل واحد يمر من هنا يجلس على كرسي الاعتراف ويجاوب على ها الأسئلة بصرااااحة.. .................................. ايش سيارتك وايش لونها..؟؟ نوع كفراتك..؟؟ تحب التعديل يعني كل مرة تغير صبغتها تسوي فيها شيء جديد..؟؟ اخر مرة غسلتها..؟؟ من علمك السواقة؟؟ كم مرة سرقت سيارة أبوك أو أخوك قبل ماتمتلك سيارة خاصة فيك؟ كم مرة حطيت حرتك في سيارة شخص آذاك وأنت صغير أذكر الموقف؟ اول سيارة سقتها..؟؟ اول سيارة لك ..؟؟ إيش المكان إللي أول مرة جربت السواقة فيه..؟؟ اول سفرة لك بالسيارة ..؟؟ اول حادث صار لك "الله يكفيكم شر الحوادث" ..؟؟ هل قمت بالتفحيط بسيارتك..؟؟ أول برميل خبطته بسيارتك..هع هع؟ اول مخالفة..؟؟ هل دخلت التوقيف بسبب سيارتك..؟؟ لو شفت احد يحك سيارتك بمفتاح..وش يتسوي؟؟ قمت الصبح ولقيت الزجاج مكسور والمسجل مسروق..؟؟وش بتسوي؟ صدمك واحد وانحاش ..؟؟ وش بتسوي؟ اذا واحد ركب معك السيارة وغثيث ونزل وردع باب السيارة.. ماشعورك..؟؟ ركب معك واحد وانت توك مغسل السيارة وقعد يفصفص لب..؟؟ ركب معك واحد مسوي فاهم ويعلمك مثلا يقول امسك اليمين لا اليسار ..؟؟ ركب معك واحد ملقوف يلمس ويحوس الاشرطة ويكب الطفاية واذا وقفت عند الاشارة يفتح ويصك توقف وتنزله من السيارة .. ولاتقول حلم الله وسيع وتسكت له..؟؟ وين توقف سيارتك ..؟؟ شخص ودك دايم يركب معك قدام..؟؟ اشخاص ودك دايم يركبون معك..؟؟ لو جا احد وطلب سيارتك بيروح فيها مشوار صغنون تعطيه أو لا..؟؟ وديت سيارتك للصيانة وتأخرت .. وش تسوي وانت عايش بدونها..؟؟ بنروح رحلة بسيارتك من تختار من الاعضاء يركبون معك..؟؟ من رفيقك وونيسك في مسك الخطوط ..؟؟ سيارة تتمناها.. وسيارة ماتحبها..؟؟ كلمة توصف فيها سيارتك..؟؟ مابداخل سيارتك..؟؟ صورة لسيارتك لو تكرمت اذا وجدت لديك او مقاربه لها من النت. اتمنى لكم التوفيق طبعاً نترك المجال مفتوح لمن اراد الاجابة عابرسبيل 
|
|
للتـوآصل      تَوَاضَعْ تَكُنْ كالنَّجْمِ لاح لِنَاظـِـــرِ . على صفحـات المــاء وَهْوَ رَفِيــعُ ولا تَكُ كالدُّخَانِ يَعْلُـــو بَنَفْسـِـــهِ . على طبقــات الجـوِّ وَهْوَ وَضِيــعُ (`*•.¸(`*•.¸ A ¸.•*´)¸.•*´) ˜”*°•˜..♥..(-->♥ عابرسبيل♥<-- )♥..˜ •°*”˜ (¸.•*´(¸.•*´ A `*•.¸)`*•.¸) تقييم منتديات قبيلة ال شراحيل بفيفاء   زوروني هنا 
•
رسالة لمن غابوا عنا اين انتم
• ██▓▒░( ♥-.♪¸ بوح ـآلنبضآتـ¸لـع ـابرسبيل♪.-♥ )░▒▓██ • طلباتكم وآرائكم أوامر قيد التنفيذ. 
|
|
06-23-2013, 08:24 PM
|
#2 | |
|
رد: أعترف يا صاحب السيارة لوسمحت واجب على اسألتنا.
وااو موضووع اكثير رائع ومشيق
وين الشبااب عنه نبي نشووف فتوتهم بالسيارات انا اقترح ترسل دعوى للشباب للاجابه على هااي الموضوع يسلموو وعوافي على الطرح الي اكثر من راائع |
|
|
|
|
06-24-2013, 12:01 AM
|
#3 | |
|
رد: أعترف يا صاحب السيارة لوسمحت واجب على اسألتنا.
اقتباس : المشاركة الأصلية كتبت بواسطة عابرسبيل [ مشاهدة المشاركة ] السلام عليكم ورحمة الله وبركاته
كل واحد يمر من هنا يجلس على كرسي الاعتراف ويجاوب على ها الأسئلة بصرااااحة.. .................................. ايش سيارتك وايش لونها..؟؟ ترسل 98 (لون احمر) نوع كفراتك..؟؟ لااعلم مالي في السيارات  تحب التعديل يعني كل مرة تغير صبغتها تسوي فيها شيء جديد..؟؟ لا لكن اضيف بعض العبارات يمكن اخر مرة غسلتها..؟؟ قبل شهرين  من علمك السواقة؟؟ خوي فقة كبده وهو يعلمني  كم مرة سرقت سيارة أبوك أو أخوك قبل ماتمتلك سيارة خاصة فيك؟ والله بحشو رجولي حش واقولكم سر تروني خواف بألامور هذي كم مرة حطيت حرتك في سيارة شخص آذاك وأنت صغير أذكر الموقف؟ ولامره اول سيارة سقتها..؟؟ ومن غيرها تسرسل اول سيارة لك ..؟؟ لس باقي في القريب العاجل ان شاءالله إيش المكان إللي أول مرة جربت السواقة فيه..؟؟ مافي الا الخرج شيبة فيهم  اول سفرة لك بالسيارة ..؟؟ من الخرج للرياض وصورني بعد ساهر هههههه امزح يبطي يصورني وفي لزقه اول حادث صار لك "الله يكفيكم شر الحوادث" ..؟؟ الحمد الله حتى الان ولا بعدين انشاءالله هل قمت بالتفحيط بسيارتك..؟؟ لا واكره شي عندي التفحيط أول برميل خبطته بسيارتك..هع هع؟ هع هع الحمدالله لس  اول مخالفة..؟؟ لس اللحمدالله مافيش حاجه هل دخلت التوقيف بسبب سيارتك..؟؟ لا والحمدالله لكن في المستقبل البعيد ان شاءالله لو شفت احد يحك سيارتك بمفتاح..وش يتسوي؟؟ بافقع وجه ببكس ولاكف له حرية الاختيار ههههه شديد من جد اذا كان طفل باسامحه واعلمه ان اللي سواه غلط شاب اعلمه واتفاهم بأدب وكل شي بالتفاهم يزين ان شاءالله قمت الصبح ولقيت الزجاج مكسور والمسجل مسروق..؟؟وش بتسوي؟ تخيلت الموقف: بأضحكـــ والقلب مغبون مقهور  صدمك واحد وانحاش ..؟؟ وش بتسوي؟ بأسامحه لله لكن اذا حصلته بعدين ياويله مني هههههه اذا واحد ركب معك السيارة وغثيث ونزل وردع باب السيارة.. ماشعورك..؟؟ بأعلمه بهدوء وقله سكر الباب بشويش موباب بيتكم ولا ماسمع لي تفاهم ثاني تروني شديد ركب معك واحد وانت توك مغسل السيارة وقعد يفصفص لب..؟؟ بأعلمه بنظامي اني ماحب انه يرميه في السياره واعطيه كيس يرمي فيه ركب معك واحد مسوي فاهم ويعلمك مثلا يقول امسك اليمين لا اليسار ..؟؟ هذا اللي يفقع راسي باعلمه اني مااحب حد يعلمني واذا ماسمع وقف وشوته والوجه من الوجه ابيض ركب معك واحد ملقوف يلمس ويحوس الاشرطة ويكب الطفاية واذا وقفت عند الاشارة يفتح ويصك توقف وتنزله من السيارة .. ولاتقول حلم الله وسيع وتسكت له..؟؟ بأكون حليم قدر الامكان وذا زودها باوقفه عند حده وين توقف سيارتك ..؟؟ قرب فوال الطايف اسهل لي لكي انزل واكل ع طول هم هم شخص ودك دايم يركب معك قدام..؟؟ خوي عبووووودي اشخاص ودك دايم يركبون معك..؟؟ اللي يبي حياه الله لو جا احد وطلب سيارتك بيروح فيها مشوار صغنون تعطيه أو لا..؟؟ بأعطيه اللي واثق من واذا ماثق بأعتذر منه بطريقه حلوة وديت سيارتك للصيانة وتأخرت .. وش تسوي وانت عايش بدونها..؟؟ الله يعين وش السواة الصبر مافي الاكذا بنروح رحلة بسيارتك من تختار من الاعضاء يركبون معك..؟؟ ماضنتي حد بيجي معي من رفيقك وونيسك في مسك الخطوط ..؟؟ يوسف كم مسقنا خط وساهر شغال تصوير فينا سيارة تتمناها.. وسيارة ماتحبها..؟؟ ماحبها (الجيب) احبها (سوناتا) كلمة توصف فيها سيارتك..؟؟ القلب  مابداخل سيارتك..؟؟ خراااابه وبس صورة لسيارتك لو تكرمت اذا وجدت لديك او مقاربه لها من النت. سمم حق انا اتمنى لكم التوفيق طبعاً نترك المجال مفتوح لمن اراد الاجابة عابرسبيل الف شكر اخوي عابر ع الموضوع الشيق والجميل ونتمنى التفاعل من الجميع |
|
|
(ابتسمت عندما لاحظت انى لم أحصل على ما أريد ~♥ وفهمت .. أن الله يريد لي ان أحصل على اكثر مما أريد ~♥ فصبرت و ابتسمت من جديد ~♥ ^_^ )
|
|
06-24-2013, 12:16 AM
|
#4 | |
|
رد: أعترف يا صاحب السيارة لوسمحت واجب على اسألتنا.
موضوع في قمة الروعه
لطالما كانت مواضيعك متميزة لا عدمنا التميز و روعة الاختيار دمت لنا ودام تالقك الدائم |
|
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
