01-24-2014, 03:22 AM
|
#1 | |
 
|
شموس الوله
أقول وينك؟ولا القى غير وينك في سكوتي وصال
سؤالي.. غيب شموس الوله حتى انمحى ظلي ياليت القى عذر حتى ولو هذا العذر دجـــــــال عشان اقدر اطمن مابقى من مابقى بكلــــــــــي غيابك يزرع عيون البكا في ضيقة المــــــــوال و ينبت في طرف صوتي سؤال يقول انا من لي تروح وانطوي كلي مع الذكرى وسط هالبــال توديني التفاصيل الشقيه لك وترجـــــــع لــــي واقول الحال من بعدك ترى والله ماهي حــــال انا الكايد ولكني غديت الحيــــــــن يا سهـــــلي انا هذا الطريق المتعب المرهق من الترحـــال تعبت ابحث على راحه تمد كفوفها لحملـــــــي سفر هذا الطريق اللي قطع عمري من الاهوال خلصت ولا خلص هذا الطريق اللي كسر رجلي اقول لنفسي من تكثر جروحي حل ياحـــــــلال احل ولاحسبت اني ادور حل فـــــي حلــــــــي امر الناس في نهر النوايا وضحكة الاطفــــــال واصب كل النوايا البيض على من يستفز غلي عجزت استقبل الكره الملون من ورى الاشكال عجزت ازعل ولو مره ولو بس مره من اجلي اعيش بعقل واهديت المحبةللبشر بهبــــــــال واشوف ولا بقى حي ٍ يعيش الحين في عقلـــي بقيت انت وبقى ضو الكلام بداخلـــــــــي لازال ينادي يرتعش بأقصى عيوني يقول ياخلـــــــــي تعال ارسم على شمس السنين الحارقات ظــلال تعال اجمع بقاياي الجريحه وردها لأصلــــــــي انا ويني اذا راحت عيونك وانتهت أمــــــــــــال انا ويني ومن غيرك يشيل همومي../ بس قلــــي اقول وينك.؟ ويتشظى صدى صوتي بوادي البال يمر بين التفاصيل الحزينه ويختفـــــي ظلــــــــي |
|
 
|
|
02-15-2014, 03:32 PM
|
#2 | |
|
رد: شموس الوله
طرح في غايه آلروعه وآلجمال
سلمت آناملك على الانتقاء الاكثر من رائع ولاحرمنا جديدك القادم والشيق |
|
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
