-*™£ منتدى آل شراحيل بفيفاء£™*- - سلامة الحد الجنوبي من الطيش

- - سلامة الحد الجنوبي من الطيش (https://www.sh22r.com/vb/sh22r6149/)

سلامة الحد الجنوبي من الطيش

http://als7raa.com/vb/uploaded/3756_11257960050.jpg

http://www.up-00.com/h1files/ifg58285.jpg

السلام عليكم ورحمة الله وبركاته ...

ما تنتهي نشـرة علـوم المطاريـش
واللي معـه علـم ٍ جديـد ٍ يضيفـه

الغاويه جاء مـن وراهـا دراويـش
واحدهم أسود وجه .. وأسود صحيفه

تنكـروّا للجـار والملـح والعـيـش
ما عندهـم غيـر الخيانـه وظيفـه

سلامة الحدّ الجنوبـي مـن الطيـش
ومن العبـث والشرذمـات الضعيفـه

مدري فلول الشرّ تنقز علـى ويـش
وشيطانهـا الاكبـر يصيـح لحليفـه

روس الزيود اللي مافيهـا عراميـش
قامت تعرمـش بيـن جيفـه وجيفـه

يا الحوثي اللي معك رشـاش حتّيـش
هات الرصاصه وأخـذ عنهـا قذيفـه

غشّاش ما تحتـاج للزيـف تغشيـش
والواقع المشهـود مكشـوف زيفـه

المملكـه ماهيـب مرعـى كداديـش
اللـي تـزوزي بالحمـول الخفيفـه

مهبط وحي ربّي علـى سيّـد قريـش
نقدّسـه .. ومقدّسـاتـه شريـفـه

حبّه مثل وبـل المـزون المراهيـش
للمسلميـن أهـل القلـوب النظيفـه

ما فيه ضيفة قات .. وضيوف تحشيش
و الدين قاصـر والمذاهـب سخيفـه

لا والله إلاّ دار روس المـداغـيـش
يكرم معزّبهـا .. ومحشـوم ضيفـه

يا قايد الشرطـه ويـا قايـد الجيـش
أمانـة ٍ مـن بينـكـم بالنصيـفـه

حدّ الوطن ماهوب مسـرح تناويـش
وأنتـم كفـو للمعضـلات الكليـفـه

حطوّا عليه سيـاج وأبـراج تفتيـش
بيـن العيـون المبصـره والكفيفـه

و لا ترحمـون مكبريّـن الطرابيـش
أبـدوا لهـم فـوق الجبـال المنيفـه

تعيـش يـا دار المناعيـر ويعيـش
اللي وقف مـن دون حـدّك بسيفـه

مما راق لي

الساحل الشرقي