12-03-2009, 03:53 AM
|
#1 | |
 
|
قصه مبكيه لغرقى جده..وقصيده لابد من نشرها
السلام عليكم قرأت هذي القصه المبكية , و شعرت بوجوب مشاركتها معكم و لا نقول الا لاحول و لا قوة الا بالله و انا لله و انا الية راجعون حسبنا الله و نعم الوكيل السلام عليكم ورحمه الله وبركاته ..! فتااه تحكي قصتهاااا مع كاارثة جده,, بداية قصتي مأسأه ونهايتها مأآآآسي . بكل بساطه احكي قصتي ومن القصه بداخلها قصص ..! قصة كآرثة جدة وضحايآها مع العيد الأضحى العظيم .. كآنت أمطآر عآتية متلها متل أي منطقة بتجيهآ أمطآر .. بس قدرة قآدر طلعت هالمرة الأمطآر اقوى مما تخيلنآ .. وقبل كل شي نعرف ان ربنآ على كل شي قدير .. صآرت هالكآرثه في صبآح يوم الأربعآء بتآريخ 8/12 / 1430هـ بدآيتهآ غيوم وهوىء بآرد ونظيف ونقي وجو خيآآآآآآآآآآآل .. الكل حب هالجو وحآب يطلع يتمشى متله متل أي شخص فأي بلد .. واحنا ممن ضمن هالاشخآص وهالناس اللي حبوا الجو .. وقلنا بنطلع نتمشى مع امي وـآبوي واخواني .. أمي قالت انا بطلع مع ولدي وانتم الحقوني مع ابوكم .. عشان بتروح قبلنا وتكتشف المكان والاوضاع هي واخوي وخآلآتي قبلنآ .. فتصل عليها ابوي وسالها عن الجو وقالت مرة روعه وعندنا مطر خفيف عند البحر .. وانا واخواتي وبنات عمتي فرحنآ بالخبر وقلنا لأبوي يلآ نلحقهم ونكلم خالي وبنات خالي .. ونشيل فطورنآ معنآ عشان نتونس اكتر واكتر .. وكنآ مبسوطين مرررة مع الجو والسيارات والامطار يعني بصرآحة كآن المنظر رووووووووعه .. ولحقنآ أمي وشفنآها وكانت مبسوطه فينا وكنا نضحك من ورا شباك السيارة .. كنا متجهين ع البحر .. بس لقينآه زحمة مرررة .. فامي قالت خلينا نروح استرآحتنآ .. وابوي قال طيب .. واحنا راجعين من الخط السريع .. فجأة !! اتصل صاحب خالي عليه وقاله إلحقني السيل وصلني وغطى علي .. وكنا قلقانين عليه وخالي قال انا بروح له .. وبعدين واحنا عند الجآمعه وقف علينا الخط .. وجلسنا سآعتين ننتظر ... ملينا من الانتظار وبس طالعنا على يسارنا لقينا خط الخدمات معدوم والسيل وصله وقدامنا شفنا الحدث .. سيارات ورجال كبار وصغار مسحوبين بالسيل محد قادر يساعدهم لأنهم لو سحبوا واحد يمكن راح ينسحبون الكل .. لأن السيل كان قوي وأقوى مما تتصورون .. وقتها خفنا وابوي قال لا تخافون دامني معكم .. بس ماتوقعنا اللي بيصير .. الموت لاجا مايعرف كبير ولآ صغير .. كل شي تحول بتواني .. وكل شي صار بلمحة بصر .. السيل اللي كان بخط الخدمات وصل لعندنا بلحظة .. وقتها ماعرفنا وش نسوي .. ابوي يصيح انزلوا من السيارة .. وشفنا الناس كلهم نازلين من السيارات .. والكل يجري وربي وربي كأنه يوم قيامه .. االناس بكل اجناسهم قدآمي يجرون .. محد قادر يساعد احد .. الكل قدامه الموت .. مافي يمه ارحميني .. ناس تصرخ باعلى صووووت .. بس محد سامعها غير الواحد الأحد .. واحنا ناس منهم .. نجري بكل قوتنا .. لين سوور الجآمعه .. شفتوا سور الجآمعه وشلوون طويل ؟؟!! بس على طوله قدرنا نطلعه .. مدري والله كيف جاتنا قوة وطلعناه .. اختي التآنيه قدآمي وبنات عمتي ثنتين منهم.. وبعدهم أختي وبعدها اخوي بدر .. وطيف اختي عشان جسمهآ صغير قدروا الشباب يطلعوهآ بسرعه .. فجيت انا بطلع ماقدرت من ذهول المنظر جاني تبلد .. وثقل مو طبيعي ماقدرت اطلع ابوي الله يسعده شافني ابكي واصرخ يبي يساعدني بس ماقدر .. فإثنين من الشباب ربي يستر عليهم طلعوني وساعدوني بالطلوع .. فجلست ع السور ماقدرت انزل اطالع بأختي الكبيرة وخالتي بعد ماقدروا يطلعوا .. كلهم يطلبوا مني المساعدة .. وانا متشتته بينهم واطالع بعيون امي وهي بدموعها تطالع فيني .. منظر مو رآضي روح عن بآلي .. قالت لي بصوتهآ الحزين وصيتي اخواااااااانك انتبهي عليهم وخذي بالك منهم .. فصرت اطالع بالعالم اللي حولي ماأدري وش اسوي او وش بيدي اساعدهم ناس صوتها بإذني تصرخ .. وناس تموت قدامي .. سيآرآت بعوايلها تتقلب ويشيلهآ السيل متل الورقة .. وشباب الغربيه والله ماقصروا اثبتوا وجودهم بصرآحه .. سحبوا اختي الكبيرة وخالتي ونزلوني من على السور .. وجلسنا نجري والناس تجري معانا والسيل على يسارنا اطالع فيه شايل ناااس وسياراات وقمامات ووسآخآت" الله يكرمكم " وناس قدامي تطيح ماتقوم .. وربي المسافه كانت طويله واحنا نجريها بس ذهول المنظر ماحسينا بالتعب لأن الكل معنا .. وكان معي اخوي واختي الصغار ماسكتهم كان علي ثقل مو طبيعي .. كان في سيل قدامي ابي اقطعه ماقدرت سحبني انا واخواني .. ذقت المووووت واصرخ باعلى صوت بس مين يسمعني واخواني الباقين يصرخون يبون يساعدوني وبعد مابيدهم شي .. سحبنا السيل بأقوى قوته .. كأنه نهر يجري .. مسكت بشجرة بس الشجرة انسحبت معي وبوسط السيل ساعدوني شباب اخذو اخواني الصغار عني .. وقلت لهم خلوني اموت خلآص بس عليكم اخواني .. فقال واحد منهم وحتى انتي ***** الله معهم وسحبني .. وربي ماقدرت.. انسدحت من التعب ع التراب . والناس باقي تجري .. قلت خلآآآآآص ماعآآآآآآآآآد فيني حيييييييييل .. خلوني اموت .. جآني اخوي اللي كان مع امي وجلس يبكي يترجآني يبيني اقوم .. واخواني الصغار معي يبكون .. قمت وانا ميته من التعب واجري .. لين وصلنا سكن الجآمعه واحنا مهلوكين .. البرد كان ذابحنا ابي ادفي اخواني الصغار ابي مكآن يحفظهم وآمآن .. فكآن جبنآ شبآك ومن صوت الناس العالي انفتح الشبآك وسألتني وحدة وش فيكم ؟؟ قلت لها السيل غرقنا وغرق العآلم قالت وش جآيب هالعآلم عندنآ ؟؟ وانتم بيت مين ؟؟ وش ترجعون ؟؟ وآحد عصب عليها وقال ياحرمة هذا وقته افتحي لنا بيتك ودخلي الصغار قالت معليش !! هنا احنا وقفنا طالعت وش هالناس اقولك سيل غرقنآ ونبي منك المساعدة تقولين معليش ؟؟.. ورحنآ لبيت تآني فتحوآ لنآ اسرة أجنبية ضيفونآ وجلسونآ عندهم .... بصرآحة الاجآنب ماقصروآ حافظوآ علينآ واهتموا فينآ كأننا من بلدهم .. ابوي اتصل يبي يطمن علينا انا واخواني وقال لنآ إن امكم توفت .. بسبب إهمآآآآآآآآآآآل الحكومه رآحت أغلى النآآآآس .. اللي كآنت بحيآآآآتي,,, صديقه واخت وام واب وكل شي .. ونآس بعوآيلهآ رآآآآآآآآآآحت .. ونآس ضآعت .. وناس للحين مفقودين جثث تحت الترآآآآآآآآآب تحللت ومحد قآدر يوصلها .. وهذآآآآ كله شوووووووية من اللي شفته وصآر لجدة وشعبهآ .. ومآ خفيآ أعظم ...} وعلى فكرة اللي شفنآهم احنا وقسم بالله يمكن فووووق 2000 شخص متوفي .. هذا بس اللي احنا شفنآه .. غير البآآقي .. وغير اللي تحت الترآآآب .. وكله كوووم وبحيرة المسك بكوم .. ادعوا لنآ بالرحمة .. ماافي تصريف للمياه وللامطار..... مناطق عشوائية !!!!! وادي قوس والصواعد وشارع جاك وقويزة والمخططات بصكوك شرعية كلها عشوائية وفي مجرى السيل يعني جامعة الملك عبدالعزيز بكبرها عشوائية ×عشوائية الدول الغربيه كل يوم فيها امطار ولا مره جات فيها سيول وفيها ضحايا بسبب المطر احنا بجده يوم واحد جأنا مطر ماتو اهلنا وسيل بكل حي والحين احتمال بحيره المسك تنفجر وجده تغرق بس ياليت الكل يسامحني محد يدري متى يومه .. والهيلوكبتر تمر من فوقنا والله ماأنقذت ولا شخص وااحد حتى الغرقانين فالحه تصور بس ومانشوف غير الكاميرات بس لا غير وش انقذتو ؟ ليه ماتفصحون عن عدد الشهداء وليه ماتطلعون الحدث الحقيقي؟؟ !! اذا كان مستشفى الملك عبدالعزيز يوجد به 63 جثة في ثلاجة الموتى في قسم الطوارى والطب الشرعي به اكثر من 250 شهيد وهي تابعة لمستشفى الملك عبدالعزيز !! اجل وش في المستشفيات التانيه ؟؟؟؟؟ وعدد المفقودين تجاوز حاجز الالف ليه التعتيم ووليه ماتطلعون الحقيقه يا اعلامنا العزيز ؟؟ الاخبآر ماجآبت ولآ شافت اللي إحنآ شفنآهـ .. حسبي الله على كل مسؤول من هنآ ليوم الدين ^_^ ياليت جدهـ بين بيروت **وتشوف دعم السعوديه .. الشعب جايع وشابع موت**ويقول ماهي نظاميه .. حتى المساجد غدت تابوت**ولبنان بأمولنا حيه .. شفت الاغاثه علب بسكوت**وحليب ومياه صحيه .. حسبي الله ونعم الوكيل على كل مسؤول هآآمل .. ** بدون تصريف ميآه ذهبت اروآآآآآح البشر .. يآحظ منهو سكن لبنان ولا الديآر اليهودية .. ياخذ حقوقه بلآ نقصآن ويعيش عيشة أفندية .. ماهو كما حآلنآ يافلآن واللي حدث بالسعودية .. غرقت قويزة مع البستآن وإعلآمنآ يقول ماسية .. سيل انحدر والمغطى بآن والعذر ماهي نظامية .. رآحوا أهلنآ مع الأخوآن أموآت في الدرب مرمية .. يآ همللآي على العربآن ماتو مثل موت أضحية .. والبآقي اللي بقى يافلآن رصو في طآبور جمعيه .. بسكوت يعطونهم ولبآن وحليب وميآه غآزية .. تبكي جدة ألم وأحزآن وقصيدة العيد مرثية.. منقول |
|
|
|
12-03-2009, 04:41 AM
|
#2 | |
|
رد: قصه مبكيه لغرقى جده..وقصيده لابد من نشرها
شـكــ وبارك الله فيك ـــرا لك ... لك مني أجمل تحية .
|
|
 ..•°*علمتني  *الورود * ... أن اكون قنوع ... فتكفيني قطرات الندى ... في الصباح لأرتوي..*°•..
|
|
12-03-2009, 05:48 AM
|
#3 | |
|
رد: قصه مبكيه لغرقى جده..وقصيده لابد من نشرها
أشكــــــــــــــــــــر
على هذه القصه التـــــي يهتز لهــــــــــــــــا البدن وتوجــــــــــل لها القلوب وتدمع لأجلـــــــها الاعين ويسرح بــــــهــــا الفكر أســــأل اللــــــه تعالــي أن يرحـــم شهدائهــــــم ويجعل الفردوس دارهـم وأن يشفي مرضاهــــــم وأن يصلح جميع أمورهــــــــــم وأن يفرج كروبهــــــــــم أشكــــــــــــــــــرك أشكــــــــــــــــــــرك أشــــــــكـــــــــرك على طرحك هذا الموضوع الذي يجب طرحــــــــــــــــــــه |
|
|
|
|
12-03-2009, 03:55 PM
|
#4 | |
|
رد: قصه مبكيه لغرقى جده..وقصيده لابد من نشرها
  منتهى الرقة شكراً لكـــم عــلـى هذه القصة ونسال الله ان لا يغضب علينا والله يرحم موتى المسلمين اجمعين يارب تــقــبــلوا مروري المــتواضع ولكم ودي وعبير وردي عابرسبيل |
|
|
للتـوآصل      تَوَاضَعْ تَكُنْ كالنَّجْمِ لاح لِنَاظـِـــرِ . على صفحـات المــاء وَهْوَ رَفِيــعُ ولا تَكُ كالدُّخَانِ يَعْلُـــو بَنَفْسـِـــهِ . على طبقــات الجـوِّ وَهْوَ وَضِيــعُ (`*•.¸(`*•.¸ A ¸.•*´)¸.•*´) ˜”*°•˜..♥..(-->♥ عابرسبيل♥<-- )♥..˜ •°*”˜ (¸.•*´(¸.•*´ A `*•.¸)`*•.¸) تقييم منتديات قبيلة ال شراحيل بفيفاء   زوروني هنا 
•
رسالة لمن غابوا عنا اين انتم
• ██▓▒░( ♥-.♪¸ بوح ـآلنبضآتـ¸لـع ـابرسبيل♪.-♥ )░▒▓██ • طلباتكم وآرائكم أوامر قيد التنفيذ.
|
|
12-03-2009, 07:17 PM
|
#5 | |
|
رد: قصه مبكيه لغرقى جده..وقصيده لابد من نشرها
نسأل الله اللطف وان لا يرينا قدرته
ماحصل فى جده هو ابتلاء من الله ونسأل الله الرحمة للميتين والشفاء للمصابين وربما ضارت نافعه ثقوا ان الله لم يرسل هذه السيول الا لدرء فتنه وجلب مصلحه ماكان من الله ففيه الخير سواء لمن توفى او لمن اصيب الله بك نستجير من غضبك وقوتك اللهم لاتؤاخذنا بما يفعله السفهاء منا ولاتؤاخذنا وتعاملنا باعمالنا بل عاملنا برحمتك وعطفك |
|
|
قال رسول الله صلى الله عليه وسلم ( يا شداد بن أوس إذا رأيت الناس قد اكتنزوا الذهب والفضة فاكنز هؤلاء الكلمات: اللهم إني أسألك الثبات في الأمر والعزيمة على الرشد وأسألك موجبات رحمتك وعزائم مغفرتك وأسألك شكر نعمتك وحسن عبادتك وأسألك قلبا سليما ولسانا صادقا وأسألك من خير ما تعلم وأعوذ بك من شر ما تعلم وأستغفرك لما تعلم إنك أنت علام الغيوب) حديث صحيح. 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
