|
بدون عنوان
هذي وحدة تقول: مره وصلني زوجي للمدرسه اللي كنت معلمه فيها الصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى .. آآآآآآه بغيت اصفعه بالمسطره عاد انا وش اقول والطويله اللي معاي. وحده ثانيه تقول: زوجي موراعي هدايا ابد قلت ابشتري هدية جوال الي يستخدمة قديم المهم غلفته وكاتبة في كرت شعر وكلالالالالالالالام حلو وعطيتة الهدية وكنت بجنبة المهم فكه بشراسة وجهه فيه علامات استغراب وتعجب وانا مبتسمة طلع وناضرقال لمين هذا قلت لك حبيبي قال شاريتة بالفين وخمسمية يابنت الكلب هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بستصدقون رحمتة هههههههه هههههههه وهذي وحدة ثانية تقول انها حطت شموع من عند الباب ال غرفة النوم والشموع طبعاً على الارض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت. (ماتنلام تطلب الطلاق) وحده من الحريم ملت من الروتين اليومي في حياتها وحبت انها تسوي مفاجئه لزوجها بسهره رومنسيه ... المهم قامت واطلبت الكيكه من الدبلوماسي والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم ..... المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير... المهم يوم بلع وخلص قالها الحين وراك مجلستنا بالظلام حشى كأننا بقبر. .تقول هي انها بلعتها وسكتت منب مخربه السهره... قام وكمل ذا الماصل وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب.. عاد هي حامت كبدها منه وطفشها وزعلت عليه...... .تدرون المفروض انها تحط له خبز وفول ويخب عليه هذا مهب وجه تدليع (جعله الضربه ذا البخيل) وحده توها متزوجه وحابه تسوي حركه لزوجها ...!! قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف... المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه (على بالها حركه ماتدري مسيكينه انها بتروح في خبر كان) عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه (جاء بيكحلها عماها) بالله وش تتخيلون موقفها ..؟؟؟ المفروض انها صبت على راسه موية نار..... [IMG]http://tamayaz.com/4her/wp-*******/themes/i3theme-1-6-snazzypink/images/mobilenames.gif[/IMG] وحده تزوجت وراحت للخارج مع زوجها بعثه للدراسه له ولها.. المهم شافت ذا الحمران العطران ورومنسيتهم قالت خلني اسوي مثلهم وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه.. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات قالت إذا رجع وشاف الحركات هذي اكيد بيستانس شوي المهم يوم رجعت من المعهد شافت زوجها نايم في الصاله عاد هي استغربت وراه تارك السرير ما امبطح عليه...!! ويوم صحى وسألته قال الله يصلحك ناثره لي عشب على السرير وشلون انام عليه (الله يقلعه مايميز بين الورود والعشب) بالله مو المفروض تنثر على السرير تين شوكي عشان يتأدب ذا الباصق ...... لووووووووووووووووووووووووول زوجها ذا من جد فله اجل عشب وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها يعني تغير من جو البيت وروتينه .. وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها .. عاد هي جتها ام العبيد وقالت انا اوريه عشان يتأدب ويعزمني بدال ما انا أعزمه... قامت وعزمته زي كل مره ويوم خلصوا ماكلين قالت له اكرمك الله ياابو فلان على العشى... عاد هو شرق بالعصير من الروعه قال لها وشلون يعني ....؟؟؟ قالت له الله يسلمك الفاتوره دفعتها من جيبك اخذت المبلغ من بوكك قبل مانطلع.... تقول عقبها طاح وجهه تأدب وصار يطلعها كل سنه مره (تعب نفسه صراحه) |
رد: بدون عنوان
(على بالها حركه ماتدري مسيكينه انها بتروح في خبر كان) عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه الصرااااااااااااااااااحه الرجااااااااااااال ماااااايفهمو بالرومنسيه أبد وذااااااااااا دلخ منهم مع أحتراااااااااااامي الشديد |
رد: بدون عنوان
اقتباس:
إحم ؛إحم يعني كل البنات يفهموا بالرومنسية ؟!!! أصابعك وهي أصابعك مي سوى والا انا غلطان؟!! |
رد: بدون عنوان
كل الحريم يتزوجون وهم يتخيلون الحياة الوردية التي تنتظرهم ..ما يدرون أن الرجال مايعترفون الا باللون الاسود وإذا كانت الوحدة محظوظة يكون زوجها يتقبل اللون الرمادي..مع الاعتذار لكل الرجال على الصراحة.
|
رد: بدون عنوان
ههههههههههههههههههههههههههه |
رد: بدون عنوان
يعطيك العافية اسعدني طرحك وردود الموجوده
|
رد: بدون عنوان
هههههههههههههه
يسلمووووووو يالغلا |
رد: بدون عنوان
مبدع يا مدمر حياتي
بس ممكن توضيح من بنت ابوها ليه اللون الاسود محبب عند الرجال هذا كلامك لا تزعلين يعطيك الف عافيه |
رد: بدون عنوان
هههههههههههههههههههههههههههههههههههههههههههههه
|
| الساعة الآن 09:55 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO
sh22r.com
