ممنوع نهائيا دخول البنات خاص باالشباب فقط

01-04-2010, 08:06 PM

الســـــــــــلام عليكــــــم ورحمـــــة الله وبــركــاتــــــه

ســــــــــــــــــــؤال لكـــــــــــل عزوبــــــــي؟! .. يتسدح بالملحق ..

هـــــل تنام على بطنك؟

أوتخم الوساده بالليل؟

أو تعفس الكنب وتعظه وتسعبل عليه وانت نايم..

أو تنام وانت تقرأ الجريده ... أوتنام ويطلع سرك ستر اللـــه سرك

إذا كانت الإجابه ** بنعم **

فإن كل هذه أعراض لرغبه جامحه وكامنه بالزواج وإن ماتلاحقت على عمرك راح يجي اليوم إلي يقول فيه الوالد

لك : "ألله لايبارك في الساعه إلي جبنا فيها الشغاله"

لاتتخذ قرار الزواج إلا وأنت في حالة هدوء تاااااام بعيدا عن الإثاره والعواطف الجياشه ..

مو تشوف فيديو كليب بعدها تطمر لأمك وأنت مشبك أصابعك ومميل رقبتك وتقول :

(دوروا لي أبي أعرس) ,

أبي أكمل نصف ديني ..لا يهمكم صلاة العصر ماصلاها جماعه وعذره ... راحت علي نومه

شاطر يطبق الدين بس بالزواج ..

أولا: مرحلة ما قبل الزواج :

كيف تعرف إنك إستويت عزيزي الشاب وحان موعد قطافك من بنت الحلال :

أ-علامات الرغبه في الزواج عند الشباب :

1-إذا بديت تحب الأغاني وتسمعها بمخمخه وتتخيل إنك تقول الكلام لوحده .. فاعرف إنك ( قاظي ) فتلاحق عمرك وشف

لك بنت بشرط توافر الشروط الأخرى فيك ( وظيفه مناسبه , ومبالغ ماليه لمواجهة مصاريف العرس )

2- كذلك إذا صرت تتابع الفديو كليب وتفق أثمك ولو يناديك أبوك ماترد عليه ..

3-إذا بديت تمشي بالسوق وتتمنى إن البنت اللي قدامك يطيح اللي هي شايلته علشان تصدم فيها وتساعدها .. فإعرف

إنك على مشارف إنك تكون ( سبهه ) وشهار مايقبلك ولا منتسب ..

4-إذا بديت تعطر بعطور نسائيه وتقول مافيها شيء ( العطورات ليست حكرا على أحد ) ... فإعرف أنك بديت ( تخـــق )

لذلك أكرب عمرك وأعـــرس

ثانيا: أثناء الخطبه :

1- أنضبط وابدأ صل بالمسجد وإجعل المحافظه على الصلاه تحول دائم من الخطبه إلى آخر عمرك لأن أهل البنت يبي

يسألون شيبان المسجد ويقولون تعرفون فلان .. لذلك صل وابدأ ( طلطل ) بوجيه المصلين كأنك تدور اخوانك

2- لا تتهيبل وتروح تتسلف سيارة زميلك ( الفخمه ) وترزها عند باب اللي أنت خاطب منهم لأن مصيرها تعرف إن السياره

مو سيارتك وبالتالي تطيح من عينها

3-أثناء الشوفه لا تستحي أبدا وقز البنت من راسها لرجليها ولايهمك أبوها لأن الشرع ( يدعمك ) وإن قالو شيء قل لهم

حديث الرسول صلى الله عليه وسلم "فلينظر إليها وتنظر اليه فإنه أحرى أن يؤد بينهما "

4- في الخطبه أن صار فيه مكالمات بعد ما يوافقون عليك ..

فلا تصير لزقه وعلة و كل دقيقه داق على البيت ( وينكم فيه؟ )

وش سويتوا اليوم؟

أنت على السرير والا في المقلط؟

5- لو ( كتبت كتابك ) على البنت قبل بفتره وبديت تأثث بيتك .. لا تاخذ البنت إلا علشان تختار غرفة نومها بسسسسسس ,

والا باقي الأثاث أختاره أنت والا خلها هي الي تختاره كله , لأنكم إذا بديتوا تطلعون مع بعض تختارون الأثاث ..

راح يطلع مشكل تشكيله عجيبه وألوانها كأنها (شراب تكرونيه بالمربعانيه عند الحرم)

كذالك أضبط ميزانيتك على مستوى معين من الأثاث بمعنى .. ماتشتري لي لوحه بـــ3000 آلاف والكنبات بـــ5000

آلاف .. يعني مافيه توازن وتروح تشتري لوحه ثانيه من (حلة بن دايل) بـــ20 ريال , ومن ايكيا بـــ150 ريال .. فيصير بيتك

كأنه ( حراج بن قاسم ) من كل بحر قطره .. فتصير مثل الي بيتهم طين وعندهم (رولز رايز)

6- إياني وياك تظهر بشكل مثالي في الخطبه بل خلك على طبيعتك , بحيث تقول للبنت هذا أنااااا ..

ثالثا: ليلة الزواج :

1. ليلة العمر والليله الوحيده إللي تحس إنك أهم واحد بالإحتفال .. فلا تصدق عمرك ويكبر راسك .. خلك طبيعي ولا تكثر من

شرب الشاهي والقهوه ليلة العرس بعدين تنتفخ مثانتك فتتورط لأنه صعب إذا رحت جلست مع العروس على (الكوشه)

فجأه تقوم تقول بعد أذنك بروح الحمام .. صدقني راح تقول البنت إللي هذا أوله ينعاف تاليـــــــــــه ..

فلنفرض إنك قمت من الكوشه؟؟

بعد ماتخلص هل بترجع وتجلس مع العروس مره ثانيه؟؟

والا بتطلع من هناك؟

بالعربي .. أنت بتبلش بلشه ما بعدها بلشه , أما إذا رجعت بيقولون الحريم ( جاه إسهال من الخوف من المدام )

أجل إذا راحوا الشقه لحالهم وش بيسوي هالخواف؟!!!!

فتصير علك في فم الرايح وملطشه للصغير والكبير ..

2- ليلة العرس أرفق على سيارة الرجال اللي أنت متسلفها منه .. لأنك ممكن تصدم لأنك ماتعودت انك تكون بسياره

كشخه وجنبك بنت

3- خلك ذوق وإسحب يد البنت وحطها على القير ( حق السيارهـ ) وحط يدك فوقها ولا تكثر تفغيص يدها لانك بتتهور

وممكن يصير لك شي والا يجيك ( شد عضلي ) بعدين تصدم بإشاره

4-إذا جيتوا تدخلون البيت .. إفتح الباب وخله تدخل قبلك وإمزح معها شوي ( خشي برجلك اليمين ) وبعد ماتدخلون ( إرقع ) ذيك الزغروته إللي تهز أركان البيت ..ثبت الله أركانك.

رابعا : سواليف ليلة العرس

الكثير من الشباب يحتار في أي المواضيع يطرح ليلة الزواج وبرأيي أنه بالإمكان طرح مواضيع تتعلق بذكريات

الخطوبه.. والابتعاد عن المواضيع الرسميه.. بمعنى تجنب الآتي :

1- انتبه تتميلح اوتنكت اكثرمن اللزوم لان الموضوع سينقلب ضدك وبدال ماتصير وش زينك تصير ( كخا ).

2- إنتبه تجيب طاري ( أمـــك ) ليله العرس وتقعد تقول لبنت الناس من أول ليله .. أنا بصراحه أمي اغلى امرأه عندي

بالعالم .. أنا أمي بصراحه أبيك تشيلينها فوق راسك

أنا امي بصراحه ماأبي احد يزعلها

أنا أمي بصراحه مالها غيري ..

الله ياخذ إبليسك انت وامك لا هالحين أدخل والسبك بالعقال

3-أمدح مكياج المدام , وفستان فرحها لأنها تعبت شهور حتى تظهر بهذا المظهر إللي أنت تتمتع فيه أنت وعيونك

المغمصه .. حتى لو كنت ( كمخه ) في مواضيع الذوق واللبس ولا تفهم فيها شيء أمدح وخل عباراتك فيها صدق بحيث

تكون ( الكذاب الصادق ) .. فهذا من شأنه أنه يحسس المدام انها جميله بعينك , ويرفع روحها المعنويه , ويخليها تهضمك

يا ابو كوع

4- إنتبه ثم إنتبه إنك تصير عاطفي أو تخق ومن أول ليله تقول للبنت ( بصراحه أنا أحبتس وميت فيتس ) .. لأنها مؤكد مو

مصدقتك ( ما امدى بسم الله تحبها ) .. بصراحه كثير من الشباب محرومين من ( كل شي ) وافهموها .. عاطفيا و .. و ..

وأول ما تلمس يد تختلف عن يد صديقك ( الضب ) .. تخق وبسرعه تسعبل وتقول :

آآآآآآهـ الله لا يحرمني منك , احبك احبك احبك .. ويمكن بعد أسبوع اكرهك اكرهك اكرهك

خلك ثقيل وخلي سلوكك هو اللي يقول للبنت احبك مو أساليب ( قردنه ) احبك بعدين تقول لها ( وش رايك نلعب عريس

وعروسه ) ترى هالحركات ماتمشي على البنات التاليات

معاني الكلمات : قردنه / محاولة إقناع جاده يتخللها وضع اليد على الكتف وتنزيل الرأس كأنك بتقول سر للطرف الآخر ..

5- ملابس ليلة العرس :

1- بعد ما تفصخ ثوبك وشماغك وعقالك .. تروش الله يصلحك لأنه ممكن تكون ريحتك طالعه وانت ماتدري من كثر السلام

والقلق اللي عشته في قصر الأفراح ولا يهمك انك راش لك كم ( بخه ) على الشعرات اللي بصدرك وبازن بها ..

بعد الإنتهاء إنتبه تلبس ملابس تظهر مفاتنك ... مثلا تجي بلبس داخلي وفانيله علاقي

2-إنتبه تصير قروي وتلبس سروال أبو حبل ذاك اللي يخليك كأنك بقره رايحين يبيعونها ,

أو بجامة نوم مخططه فتصير كأنك (حمار وحش) يتكلم عربي .. إختر اللبس المناسب لجسمك ..

مثلا :شورتات رياضيه إذا كان جسمك رياضي .. والا إذا كنت دب فخلك بالعقال والشماغ والثوب أستر لك وغير ملابسك

إذا نامت المدام ..وفاجئها في الصباحيه ..

إذا كنت سمين إلبس ملابس فضفاضه شورت وفانيله xxxL ..

3- للإحاطه فإن قمصان النوم النسائيه ( مشققه ) وشفافه وكلها حركات .. إنتبه يسول لك إبليس وتقول ( أففف البنت

خربانه ) .. من هالحين لبست كذا ؟؟ ترى الموضه كذااااااا
.
إذا لبست لك المدام ( قميص نوم راااااايق ) ترى مو معناهااااااااا ( طب علي ) .. خلك ثقيل

ترى سمعت بقصه أن واحد طلق زوجته ليلة الزواج بعد ما شافها لبست له ( لبس مشخلع ) ..

قال العم : أكيد إنها داشره .. وحركاتها ماني متطمن لها ... طيب ياكولومبو ..

6- الخطه المحبوكه للقاء الحميمي :

1- حذاري ثم حذاري وهذاني أقولك (حذاري) .. تتحرش بالبنت حتى لو كانت زوجتك .. فكما يقال (إحذر أن تبدأ حياتك

الزوجيه بحادث إغتصاب) .. لأن البنت مو معنى إنها صارت زوجتك وكتبت هالوريقه يعني إنها فصخت الحياء وتبيها

تصير لعبتن بين إيديك ..

2- إجعل بداية حياتك الزوجيه قصه رومانسيه متعددة الفصول .. ليلة الزواح تكون بمثابه لقاء بين إثنين للتعارف مافيه إلا

الحديث وإذا كثرت امسك يدها ولا تتعدى لأشياء أخرى ..

3-اليوم الثاني إنتبه تستقبل أيه زيارات من الأهل.. او من أهلها.. واعزمها في مطعم راقي ولا تجلس تجرجر بالبارتشنز

وتقعد تناظر فيه فتحه صغيره مع هالجهه او مع ذيك.. ترى بتطلع وتخليك.. أركد وخلك طبيعي والا قالت البنت وش ( هالعومه ) ..

4-في ليلة اليوم التالي غالبا يكون فيه عشاء عند أهل الولد تعشوا واطلعوا ورح أنت وياهااااا ( كوفي شوب ) وإنتبه

تقرأ الجرايد أو المجلات , وعطها وقتك كله..

5- اليوم الثالث :

حاول تسافر بها عمره بعدين لمدينه جده لسكان المملكه العربيه السعوديه.. أو مدينه اخرى لسكان الخليج ..

6-اللقاء الحميمي لايمكن تحديد الوقت المناسب له .. بل يعتمد على الظروف والمتغيرات ....انتهى

وسلامتكم
(منقول)

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

ممنوع نهائيا دخول البنات خاص باالشباب فقط

【 منتدى الألعاب والمسابـقات والضحك والتسلية】