01-23-2010, 09:48 PM
|
#101 | |
 
|
رد: طلبــتك ثماطلــــبتك لاتحاكـــــــــــيني
والله صراحه انا ليس سبوره ياورده يشرح لاستاذ ثم يقوم لطالب يشمط لنها اخر حصه
خلي شريط لذكرى مدري شريط المعاناها يعطيك نبذه عن اسرار البحار بلاش نقول القصص لنا القاء في عام 20011بعد بطولة كاس العالم في جنوب افريقيا سلام |
|
 لبيك يالحد الجنوبي
|
|
01-23-2010, 11:44 PM
|
#102 | |
|
رد: طلبــتك ثماطلــــبتك لاتحاكـــــــــــيني
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية . ... ابـــوســـعـــــــــــــــــود ... |
|
|
|
|
01-24-2010, 12:28 AM
|
#103 | |
|
رد: طلبــتك ثماطلــــبتك لاتحاكـــــــــــيني
مشكور اخي ابو سعود
مرورك واله غالي با لحيل ونت ممتازولك محبه عند الجميع بارك اله فيك اسعدني تواجد معنا في ها القصه بارك الله فيك لبيك |
|
|
لبيك يالحد الجنوبي
|
|
01-24-2010, 12:30 AM
|
#104 | |
|
رد: طلبــتك ثماطلــــبتك لاتحاكـــــــــــيني
الجزلسته ولثلاثون مهم ورده شدي الحيييييييييييييييييل انتي اكثر من يتابع يعطيك العافيه
ناصر:يبه هذا عمي وصل راح الكل عشان يسلم عليهم وشوق تجر رجوالها جر تبي الزمن يوقف ولا تحط عيونها بعيون فهد.... شوق:الحمد الله على السلامه رحاب:الله يسلمك وحشتيني شوق:ههه وانا اكثر انشاء لله انبسطتي بسويسرا رحاب:انبسطنا وبس الا تجمدت من كثر الوناسه شوق:هههههههه على فكره ترى ادرى عن موضعوك انتي وناصر رحاب:ادرى انك تدرين شوق:ول ناصر ما يخش عنك شي رحاب:ابد هو يقدر شوق:ههههههه ام ناصر:شوق تعال سلمي على عمك ومرة عمك شوق استحت لانها من شافت رحاب نست الكل.... شوق(وهي تحب راس عمها):الحمد الله على السلامه عمي ابو فهد:الله يسلمك شخبارك؟ شوق:بخير عمي شوق(وهي تسلم على ام فهد):الحمد الله على السلامه خالتي ام فهد:الله يسلمك والله حلويتي عن اخر مره انا خلاص لازم احجزك لوليدي فهد شوق سمعت هالكلمه وحست ببرود بكل عرق بجسمها انا اكون لفهد واحقق له الي يبه طبعا مستحيل... ام ناصر:ياام فهد احرجتي البنت شوفي شلون صاير وجها ما تدرى شوق ليه حبت تشوف ردة فعل فهد على الكلام الي قالته امه,شافته يطالعها بنظرات ما قدرة تفسرها بس كل الي تعرفه ان ما ورها خير.... شوق(ما تدرى من جتها الشجاعه تقدمت عند فهد):الحمد على السلامه فهد فهد(تفاجاء من جراتها):الله يسلمك يا شوق شوق صحيح تبين القوه اول ما كلمته بس من شافت نظراته وسمعت صوته كل شجاعتها خانتها وحست بخوف فظيع ما تدرى ليش حاسه هالمره بمصبيه بتنحذف عليها.... طلع الكل من المطار على السيارت الي تنتظرهم سيارة شالت الشنط وسيارتين تقسموا فيها ومشوا لقصر عمهم في حي العليا.... اول ما وصلوا للقصر الكل كان تعبان ويبي يرتاح شوق بتنام مع رحاب والبلقين في جناح الضيوف الخاص فيهم... شوق:يلا قوللي شنو صار بسويسرا؟ رحاب(وهي تحوس بالجوال):لا مو الحين شوق:وليه شعندك؟ رحاب:بكلم ناصر شوق:اقول عاد انتي طول الوقت تكلمينه هناك حبكت الليله؟ رحاب:بس بيقولي سالفه مهمه شوق:ايه مو هو وزير الخارجيه اقول عاد خليها بعدين رحاب(وهي تبعد عنها):تكفين شوق بس كلمتين شوق:لا لا وجيبي الجوال بسرعه رحاب:لو الي تحبينه كلمك كنتي بتقولين خذي الجوال؟ شوق:بهذي غلبتيني بس انا عطشانه رحاب:روحي اشربي احد ماسكك؟ شوق:طيب مافي ماي بالثلاجه رحاب: أي صح ترى انا قبل لا نسافر شلت كل شي من الثلاجه حتى الاله الي برا فاضيه شوق:اب اعرف حاطه عندك ثلاجه واله كافيه واله عصير واله ماي وكلهم فاضين ؟ رحاب:مسافره تبيني اخليهم حق الجني شوق:بسم الله الرحمن الرحيم طيب انزلي جبلي من تحت\ رحاب:شوق شدعوه قاعده بفندق البيت بيتكم روحوا قولي للخدامه تسويلك شوق(خايفه تشوف فهد):طيب انزلي معاي رحاب:شوق شفيك بكلم ناصر شوق:ايه نسيت طيب شي معاي رحاب:سلامتك بس اطلعي وسكري الباب وراك شوق:بعد تطردني مالت عليك طلعت شوق من الغرفه وافتحت باب الجناح بهدووء ولقت المكان هادي شكلهم كلهم نايمين حمدت ربها ونزلت بالاصنصير لتحت المطبخ.... طبعا الساعه الحين 2 والخدم كلهم نايمن فضطرت تسوي العصير بنفسها .... افتحت الثلاجه تجيب الفواكه عشان تحطهم بالاله سمعت صوت وراها لاكثر شخص تكره بالعالم ما بغت تلتفت ظلت ماسكه بمقبض الثلاجه من دون ما تلتفت.... فهد:شخبارك بنت عمي؟ شوق ساكته ما تبي ترد عليه تبيه يروح من نفسه... فهد:طيب على الاقل التفتي شوق تشد على مقبض الثلاجه بخوف لوحدها ومع فهد وفي بيتهم يعني ما تقدر تسوي شي والكل نايم ظلت واقفه مكانها من غير ما تتحرك.... فهد:طيب انا اجيك شوق بداخلها تدعي انه ما يقرب جمبها لاكن الدم توقف بعروقعها لما حست بلمسة يده على ذراعها... فهد لفها لجهة بقوه خلة الفواكه تطيح من يدها نظراته المباشره لعيونها خلها تحس انها بتموت.... فهد(ياحلو عيونك يا شوق):لما اكلمك تطالعيني فاهمه شوق(بهمس):فاهمه شوق تكره ضعفها قدام فهد ساعات ودها تخنقه لما يكلمها.... فهد:شقاعده تسوين هنا؟ شوق:قاعده اس....اسوي... فهد:شفيك احكي عدل شوق:قاعده اسوي عصير فهد:حلو سويلي معك شوق:خلاص مابي سويلك لنفسك فهد:لا والله وانتي وش مهنتك هنا؟ شوق(وهي تحط يدها على خصرها):انا مو خدامه عندك فهد:عادي ترى الحين اروح عند اخوك ناصر واقوله على سالفة رغد شوق طالعت فيه بحقد ولمت الفواكه من على الارض وراحت عند الاله... فهد:تدرين حلو شكلك وانتي خايفه شوق(من دون ما طالع فيه):ومن قالك اني خايفه فهد راح عندها ووقف جمبها وهي تحط الفواكه بالاله..... شوق(حست بالرتباك من وجوده جمبها):ما اعرف اشتغل واحد واقف فوق راسي فهد:عادي انا مضايقك واقف شوق:فهد تبي العصير روح اجلس على الطاوله فهد:ليه تحسين بارتباك وانا جمبك؟ شوق(بلعت ريقها):عادي انت شخص عادي ما تهمني ولا تاثر فيني فهد قرب منها وصار ورها بالضبط تحس ظهرها لاصق بصدره.... فهد:وكذا تحسين بارتباك؟ شوق زادت دقات قلبها وتحس انفاسها قصيره تحس الخوف بيذبحها .... فهد(يهمس باذنها):ادرى انك مرتبكه اسمع دقات قلبك احس بانفاسك واحس بحرارة جسمك ترتفع صح شوق خلاص مو قادره تتحمل تحس اذا قرب منها زياده بتموت تمنت بالحظه هذي يجي عبدالعزيز او طلال تحس انها تحتاج لهم لاكن محد بيساعدها الحين لو بغى يسوي فيها شي نزلت دمعه من عينها من غير ما تحس.... فهد شاف دمعتها ابتسم ابتسامه بارده ولفها لجهته وصارت لاصقه بوجه.... فهد:تدرين اني اقدر الحين اسوي فيك الي ابيه بس انا ما ابي يمكن المكان مو مناسب هههه (مسح دمعتها بطرف اصبعه) ليش الدموع؟ شوق(بصوت مرتجف):فهد ابعد عني فهد:تامرين امر خلصي العصير شوق لفت على الطاوله وخذت نفس طويل ترتاح كملت العصير وصبته بالكوب... مشت لعند الطاوله بهدووء حطت العصير على طرف الطاوله وتوها بتمشى الا فهد يناديها.... فهد:على وين؟ شوق:رايحه للغرفه يعني وين بروح فهد طالع فيها من فوق لتحت وقعد يشرب العصير ببرود... شوق طالعت فيه بقرف ومشت عنه لفوق وهي تركض بالدرج.... دخلت للجناح وافتحت الغرفه لقت رحاب جالسه على الكنبه وتكلم بالجوال.... شوق:سكري بسرعه بكلمك رحاب:خير شفيك؟ شوق:اقولك سكري رحاب:طيب,ناصر انا بسكر الحين اوكي.......بعدين مو الحين......ناصر خلاص.....هههههه ناصر باي سكرت رحاب منه والتفت على شوق الي كانت معصبه..... شوق:كان ما سكرت احسن؟ رحاب:ههههه شسوي باخوك والله بغيت انزل اشوفك لانك طولتي بس هو..... شوق:خلاص لا يكثر رحاب:شفيك معصبه بعدين وين العصير؟ شوق:خلك من العصير واسمعني عدل بكره من الصبح نطلع نفطر وما نرجع الا بالليل طيب رحاب:ليه؟ شوق:بس انا من زمان ما جيت الرياض وابي اشوفها رحاب:مو من كثر الاماكن شوق:كثير عاد ولا قليله بكره نطلع من الصبح فاهمه رحاب:طيب ليش نفطر بالبيت وبعدين نطلع شوق راحت للسرير وغطت نفسها..... شوق(من تحت البطانيه):بكره اقولك ليه رحاب:اوكي تصبحين على خير اول ما طلعت رحاب من الغرفه مسكت شوق الجوال ودقت على عبدالعزيز ..... عبدالعزيز: هلا وغلا شوق(اول ما سمعت صوته حست براحه فظيعه):هلا حبيبي عبدالعزيز:باركيلي وصلت الرياض شوق:والله الحمد الله على السلامه يالله يا عبدالعزيز محتاجه لك باللحظه هذى اكثرمما تتصور عبدالعزيز(بخوف):ليه عمري صاير شي؟ شوق:لا عادي بس مشتاقه لك عبدالعزيز:اجل ما عندك حجه بكره لازم اشوفك شوق:هههه خلاص بكره بطلع مع بنت خالتي يمكن نروح للفيصليه بخليها وانت مر على ونروح أي مكان عبدالعزيز:تقعد لوحدها؟ شوق:لا اكيد بتدق على صديقاتها وبتقولها عبدالعزيز:اوكي شوق:شوف عاد انا صار لي سنتين ما جيت الرياض يعني ما اعرف شي ابيك تدوديني على ذوقك عبدالعزيز:تامرين امر احلى وافخم مكان بالر ياض تروح له شوق شوق:هههههه طول المكالمه شوق كانت تصيح بصمت من دون ما يسمعها عبدالعزيز كانت تبي تشتكيله من فهد وتبين خوفها منه لاكن مستحيل تقول حبست الي بداخلها لنفسها واحيان كثيره الكبت يكون خطير.... **************************** السعوديه_الشرقيه مشاعل كانت قاعده تشغل الشموع بتوتر تنثر الورد على الارض طفت اللمبات وراحت عند المرايا تطالع شكلها عدلت شعرها بارتباك واضح ونقزت لما سمعت صوت جوالها.... مشاعل(تحاول تخبي ارتباكها):هلا راشد .......انت برى يلا بجي افتح لك....باي افتحت مشاعل الباب الخلفي لراشد ودخلته البيت,راشد اول ما دخل تفاجاء بالجو الشموع فكل مكان والورد المنثور على الارض والريحه الي معطيه الجو اكثر رومنسيه واللمبات المطفيه يعني الجو كان رومنسي درجه اولى ويساعد أي شخص انه يسوي الغلط.... تقدمت مشاعل عنده بهدووء ومع الارتباك الي كانت تحس فيه الا انها الحين تحس انها قويه لبست كالعاده قناع البرود ولامباله ,حطت ايدها على رقبه راشد.... مشاعل(بكل دلع):اليوم راح تعيش ليله عمرك ما تنسها بحياتك انا اليوم كلي لك وملكك تسوى فيني كل الي نفسك فيه.... راشد في اللحظه هذي كان في صراع مع عقله وقلبه العقل يقوله هذا غلط ومشاعل انت تحبها ولازم ما تغلط معها ولا عليها ولاكن قلبه كان يقوله مو هذي الفرصه الي كنت تستنها من زمان من اول ما شفتها في الشارع يلا روح خذ منها الي تبيه وبتكتشف بعدين ان الي كان بينكم ما كان حب.... بعدت عنه مشاعل بهدووء وراحت للمسجل وشغلته كانت حاطه اغنية(اليسا_جوايا ليك).... راشد كان يشوفها ومبهور فيها لابسه البيجما الحمرا الي تفضح اكثر مما انها تغطي وشعرها الاشقر منثور حوالها كل الي يشوفه قدامه ما قدر يخليه واقف مكانه لو كان جبل لهتز لجمالها فسخ بلوزته وتقدم عندها بخطوات بطيئه يتمنى الزمن يوقف ولا يسوى الا بيسويه الحين.... وصل لعندها ووقف للحظات بعدها شالها وحطها على الكنبه وهو جلس على ركبته على الارض ظل يتامل فيها فتره ويلعب بشعرها الحرير بادينه قرر راشد لحظتها انه ما راح يضيع هالفرصه منه ابد.... مشاعل كانت بتخونها ثقتها وبتبعد لاكن تذكرت ابوها وامها وحست بالحقد عليه وقالت مافيه الا هذا الشي الي بيخليهم يحسون فيني... لما قرب راشد عندها وكان بيتعدى المحظور بالنسبه له ولغيره مشاعل حست بشي وكان عقلها باللحظه هذي انفتح ووراها الي قاعده تسويه بعدت راشد عنها ووقفت هي ومشت بعيد عنه.... راشد:مشاعل شفيك احنا كنا..... مشاعل(قاطعته من دون ما تطالع فيه):خلاص راشد كافي راشد:وشو خلاص؟ مشاعل(وهي تمسح دمعه نزلت منها):خلاص لحد هنا ويكفى ممكن تطلع بره .....وانسى الي صار الليله واوعدك ما يتكررمره ثانيه راشد ماكان فاهم عليها صارت مزاجيه بسرعه تتغير,طالعت فيه مشاعل بنظرات هو ما قدر يفهمها وطلعت فوق بسرعه من دون ما تطالع فيه.... راشد طفى الشموع عشان لا تحرق السجاد واخذ بلوزته وطلع.... لما سكر راشد باب القصر اتسكر معها قلب مشاعل رمت نفسها على السرير وتكورت على نفسها وجلست تصيح طول الليل .... الي محد كان يعرفه ان مشاعل بهذيك الفتره كانت تمر بحالة اكتئاب بس شلون احد يعرف والكل مشغول بمشاكله.... هديل مرضها مكفيها وزود وشوق مع رجعة فهد بتحس حياتها كلها متخربطه وراشد مو دكتور نفسي عشان يعرف لحلات الاكتئاب وامها وابوها ما كلفوا على نفسهم يلاحظون وجودها عشان يلاحظون ان فيها اكتئاب... كثير يعتبرون الاكتئاب شي عادي يعني فتره وتعدي لاكن العكس الاكتئاب من اخطر المراض النفسيه لانه يؤدي لاكتئاب حاد والاكتئاب الحاد ممكن يؤدي لشي اكبر مما نتصور... وبالنسبه لمشاعل ماكانت تدرى ان الي عندها اكتئاب كانت بدت تسوي قوقعه حول نفسها والله يلعم اذا بتطلع منها ولا لا..... ************************* في المستشفى..... كانت مشاعل مع ام هديل وجدتها ينتظرون الدكتور يطلع من الغرفه الكل كان متوتر ومرتبك الشعور ان انسان غالي عليك يتعرض للخطر قدام عيونك انت ما تقدر تسوي شي يحسس الواحد بالعجز ويكتشف لحظتها ان الانسان عند الموت والمرض ضعيف اكثر مما يتصور.... طلع الدكتور من الغرفه ومن بعده الممرضين يدفون هديل الي نايمه على السرير.... ام هديل(وهي تحاول تدخل الغرفه لاكن الممرضين امنوعها):دكتور ليه ما اقدر ادخل عليها؟ الدكتور:بنتك توها متعرضه لعلاج كميائي ونخاف تتعرض من الخارج لاي ملوثات او فيروسات لان الحين مناعتها جدا ضعيفه في أي شي تتعرض له على طول يسبب لها المرض وممكن التهبات ام هديل:دكتور بنتي بتشفى ولا لا؟ الدكتور:قولي يا رب الحين بدينا العلاج معها وبعد كم شهر بنعرف اذا جسمها تقبل ولا لا وانشاء لله يتقبل ادعولها بالشفاء راح الدكتور وترك الكل حاير وراه مشاعل وقفت على الدريشه تشوف هديل شكلها والاجهزه حوالها وجهاز دقات القلب يسمعك دقات قلبها الضعيفه ضربت يدها على الدريشه بعجز ياليت لو تقدر تسوي شي بس ما باليد حيله وما عندهم الا الانتظار مثل ما مشاعل طول حيا تها تنتظر.... يتبعــــ ... ************************* |
|
|
لبيك يالحد الجنوبي
|
|
01-24-2010, 03:08 AM
|
#105 | |||
|
رد: طلبــتك ثماطلــــبتك لاتحاكـــــــــــيني
طلبتك تكــون ناقد كشاعر محتــرف لكن على راحتــك أأســف ع المقاطعه هــذا اخــر فاصــل لأن فواصلي صارت زي mbcماتخلص... |
|||
|
|
01-24-2010, 10:26 AM
|
#106 | |
|
رد: طلبــتك ثماطلــــبتك لاتحاكـــــــــــيني
هههههههههههههههههههه حياة الروح
يازين كلامك مرح وطيبه وصفى قلب يعطيك العافيه حقيقه انتي تجعلين القاري وهو يقرى كلامك يشخص يتخايل انه يشوف امامه ملاك او ديانا عند ما كنت تجول شوارع لندن في عز شبابها بالتوفيق مشكوره مرورك هنا ع القصه ما لنقد يجب يكون لناقد متفرغ كثير ويكون عنده امانه في لنقد لايكون نقده فيه نوع من التعصب القبلي ولدكتاتوريه الحضريه شكر اختي الغاليه حياة الروح لبيك ي ا ل ح د ل ج ن و ب ي |
|
|
لبيك يالحد الجنوبي
|
|
01-24-2010, 05:24 PM
|
#107 | |
|
رد: طلبــتك ثماطلــــبتك لاتحاكـــــــــــيني
وين باقي الاجزاء
ونبي كذا جزء مو جزء واحد بس والا مو متعود يقراء كدا جزء يقسم القصه ع كيفه بسسسسسسسسسسسرعه الباقى واللى يعافيك |
|
|
[web]http://dc07.arabsh.com/i/02621/5irmxwjhq8b0.jpg[/web]
|
|
01-24-2010, 06:42 PM
|
#108 | |
|
رد: طلبــتك ثماطلــــبتك لاتحاكـــــــــــيني
الجز لسا بع ولثلاثون السعوديه_الرياض
راحت رحاب وشوق لمجمع الفيصليه وبعد الفطور راحوا يتفرجون على المحلات اشترت شوق ملابس واجد بسبب توترها لانها بتقابل عبدالعزيز.... رحاب:ها انتي يااللحجيه بسك عمرك ما شفتي ملابس ترى الناس مو العيد شوق:هههه اسكتي متوتره رحاب:ليه مين بتقابلين وزيرالخارجيه؟ شوق:ولد الوزير يا عمري قطع عليهم صوت جوال شوق وكان عبدالعزيز.... شوق:هلا حبيبي....انت تحت يلا جايه الحين شوق:يلا مع السلامه رحاب:واغراضك ذول مين بيشليهم؟ شوق(وهي تاشر على الخدمات):والي وراك ذول وش مهنتهم عطيهم الاكياس رحاب:ههههه طالعي اشكالهم اول لو عندهم يد ثالثه كان شروا فيها الاغراض شوق:ما عليك انتي بس صديقاتك متى بيجون؟ رحاب:بعد شوي شوق(وهي تبوسها):اوكي قلبي wish for me good luck رحاب:good luck شوق:باي نزلت شوق لتحت وراحت عند الباب وشافت عبدالعزيز واقف عند سيارته البروش راحت لعنده وهو فتح لها الباب ودخلت... راحوا لشارع التحليه واختاورا مطعم يجلسون فيه ويتغدون... عبدالعزيز اخذ طاوله ثانيه للحرس الي معه.... شوق:من ذول الي معاك؟ عبدالعزيز:يعني الوالد يبي يحط لي بدوي قارد شوق:ههههه زي الحاله الي عندنا بالبيت عبدالعزيز:ما علينا منهم(مسك ايدها) مشتاق لك حيييل ومشتاق لايامنا باسبانيا شوق:اسبانيا غير هناك نقدر نسوي الي نبيه قدام الناس او من وراهم هنا لازم ننحكر بالمطاعم ومن ورى البرتشنات عبدالعزيز:ههههه صح عليك شوق:ههههههه عبدالعزيز عبدالعزيز:عيونه شوق:توعدني وعد عبدالعزيز:امري شوق:مهما سمعت او شفت أي شي عني ما تتخلى عني ابد عبدالعزيز:ليه صاير شي؟ شوق:لا بس مجرد كلام عبدالعزيز:اجل اوعدك بروحي شوق:تسلملي روحك وقضوا السهره كلها مع بعض وشوق خايفه ليجي الوقت الي تدور فيه عبدالعزيز وما تلقاه.... ************************* في القصر.... كانت ا فهد جالسه مع ام ناصر في المجلس ..... ام فهد:اجل الف مبروك رغد رغد:الله يبارك فيك ام ناصر:لا والي خطبها اصل وفصل واخلاق وفلوس ومركز ويشتغل مه ابوه يعني ما فيه شي ناقص ام فهد:ورديتوا عليهم؟ ام ناصر:والله امه من كم يوم صارت تدق على وتبي تستعجل بالموضوع مدرى شلي غيرها مع انها قبل ما كلفت على نفسها تدق تباركلي بس من كم يوم صارت مستانسه وكل يوم تدق تسالني ام فهد:خير انشاء لله طيب وش اتفقتوا عليه؟ ام ناصر:احنا قلنا لهم اننا موافقين وقلنا بعد ما نرجع الشرقيه بيجون يخطبونها رسمي عشان تشوفه ويشوفها تصدقين تقول انسوى الخطوبه بسرعه يبون الملكه على طول ام فهد:دام تقولين الولد زين وما عنده شي يعطله اجل ليه التعطيل تسوين خطوبه وبعدين ملكه وبعدين عرس سوى الخطوبه عائليه ويلبسون الدبل والملكه سوى فيها الي تبين ام ناصر:تهقين اسوى كذا؟ ام فهد:ايه اسمعيها مني وانا اختك اسمعي كلام الحرمه خلينا نفرح ام ناصر:خلاص بقول لابوها وبشوف شنو يناسبه رغد كانت طايره من الفرحه لان اخيرا حلم من احلامها بيتحقق وبتاخذ تركي الشخص الي طول عمرها تحلم فيه .... فهد كان يسمعهم شنو يقولون وفرح لما عرف ان رغد بتتزوج وبيفتك منها وبكذا يتفرغ لشوق تفرغ كامل ,الحين ياشوق خذي الي تستحقينه..... *************************** مر هالاسبوع بسرعه ما توقعته شوق يمكن لان طول الاسبوع فهد ما تعرض لها بشي الا اول يوم وهالشي فرحها بس بعد خوفها ما تدرى شنو تحت راسه لان ساكت... بس ما في شي مفرحها كثر طلعتها مع عبدالعزيز ورحاب بس بعد ودها ترجع عشان هديل وتباع مرضها... رجعوا للشرقيه وبرجوعهم لها بتبدا مشاكل جديده او يمكن افراح جديده لاكن الكل يتوقع الاحسن.... **************************** شوق اول ما رجعت ارتاحت شوي بعدين راحت للمستشفى عشان تطمن على هديل.... شوق:ها مشاعل شلونها الحين؟ مشاعل:خلصت العلاج الكمائي قبل كم يوم والدكتور الحين بيعطيها فترة نقها قبل لا يرجع يكمل معها شوق:طيب ما نقدر ندخل عليها؟ مشاعل:بالفتره هذي لازم بس شخص واحد كل يوم وطبعا بعد ما يكشفون عليه ويعقمونه شوفي امها شلون شكلها ما تقدر تلمسها لازم قفزات وهديل اول يوم بالعلاج قعدت تصيح طول الليل من الالم شوق:اكيد مو متعوده عليه الله يسهل عليها مشاعل:تدرين ما اتخيل نفسي مكانها كان.... شوق:لا مشاعل انا اعرفك مستحيل تموتين نفسك عشان تتخلصين من الالم مشاعل(وهي تصيح):انتي ما شفتيها وهي طالعه من غرفة العمليات بس تون وتصيح من الالم انا بموت نفسي من الحزن عليها شوق:مشاعل انتي فيك شي؟ مشاعل:شي مثل شنو؟ شوق:مدرى شكلك تعبانه ليه ما تروحين البيت ترتاحين؟ مشاعل:محد عندي هناك يهتم فيني شوق:طيب صار شي بينك وبين راشد؟ مشاعل:لا شوق:اكيد؟ مشاعل:ايه ما صار شوق ما كانت عارفه توصف وضعها الحين صديقتها كل وحده بعالمها الخاص هديل الي المرض يعذب فيها كل يوم ومشاعل ما تدرى شنو يدور براسها استغربت كيف وصلت حالتهم لوضع مثل كذا وين كانوا وكيف صاروا.... ******************************* رجعت شوق للقصر الساعه 12 بعد يوم كامل تعب قضته بالمستشفى شافت نور الصاله الداخليه مشتغل استغربت من بيكون موجود بالوقت هذا ,دخلت الصاله ولقت امها وابوها قاعدين واشكلهم مضايقين.... شوق:مساء الخير الكل:مساء النور شوق(راحت وجلست جمب امها):ماما غريبه ليه قاعدين الين هالوقت؟ ام ناصر:والواحد شلون ينام بعد الي اسمعه شوق:ليه شصاير بعد؟ ام ناصر:اخوك اخوك يبي يفضحني بين الناس شوق(عرفت انه فاتحهم بموضوع رحاب):ليه شفيه؟ ام ناصر:حضرته جاي عندي ومستانس ويقول ما ابي اتزوج موظي وبيخطب رحاب بنت عمك شوق:طيب ابو ناصر:شنو طيب عمك ماجد اذا درى بيسوي سالفه وانا ماني فاضي لصراخه وانا وين اودي وجهي من الناس هو مفكر بنات عمه لعبه لو وحده غريبه كان مشيت السالفه بس هذي بنت عمك شنو يتوقع اوافق على الي يبيه ام ناصر:ماعليك منه انا بكره بكلم ام موضي وبنتفق على الملكه وعشان ما يتهرب مني بخليه هو ورغد بيوم واحد شوق:بس.... ام ناصر:انتي ولا كلمه اصلا رايك ما يهمنا سوا وافقتي ولا لا فخلك بره الموضوع احسن شوق:تصبحون على خير طلعت شوق لفوق وراحت لغرفة ناصر طقت الباب ودخلت عليه.... ناصر:هلا شوق اكيد تدريتي بالي صار شوق(وهي تجلس على السرير):ايه قالت لي ماما ناصر:وانتي وش رايك؟ شوق:انا على قولت ماما رايي ما يهم ناصر(وهو يمسك راسه):والله يا شوق ما اعرف شنو اسوي شوق:مافي الا حل واحد ناصر:تكفين قوليه بسرعه؟ شوق:تدق على موضي وتقول لها السالفه وتنتظر ردة فعلها يا انها توافق وتقول ما ابيك وتروح تخطب رحاب او تقول لابوها على الحقيقه ويقوم هو يعصب ويعجل بالملكه ناصر:يعني يبني اكون تحت رحمتها انا ما اقدر اتوقع ردة فعلها شوق:هذا الحل الوحيد صحيح فيه مخاطره بس هو الوحيد ناصر:والله ما ادرى اخاف تقلب السالفه ضدي شوق:تشجع ودق عليها وقولها ناصر:خليني افكر شوق:اوكي فكر بس لا تطول يلا تصبح على خير ناصر:وانتي من اهله طلعت شوق من غرفة ناصر وهي تبتسم عارفه ان ناصر بيسوي الي قالته وبيدق على موضي..... ناصر فكر بكلام شوق وشاف انه الحل الوحيد مسك الجوال وبتردد دق على موضي.... موضي:هلا حبيبي ناصر:هلا موضي موضي:كيفك؟ ناصر:بخير شخبارك انتي؟ موضي:بخير دام سمعت صوتك,(بدلع)ناصر ليه لما جيت الرياض ما شفتك الا مرتين وبعدين اختفيت؟ ناصر:شغل حياتي شغل,اقول موضي في موضوع ابي اتكلم معاك فيه موضي:امر؟ ناصر:ما يامر عليك عدو انت طبعا ملاحظه عدم اهتمامي بالفتره الاخيره وتاجيلي للملكه موضي(والدموع تتجع بعيونها):قول ناصر شعندك قول؟ ناصر:موضي انا قررت افصخ الخطبه موضي:نعم بعد سنه كامله تجي تقولي بفصخ الخطبه؟ ناصر:موضي افهمني انا وياك ما نصلح لبعض انتي....(سكت) موضي:قولها اني سطحيه وتافه وافكاري مثل الاطفال غبيه ناصر:لا مو كذا قصدي بس احيانا عندي مواضيع احب اتناقش معاك فيها وانتي ....اقصد اني لقيت وحده ثانيه وعاجبتني وبخطبها موضي:من العائله ولا بره؟ ناصر:من العائله موضي(بحقد):مين هي؟ ناصر:رحاب موضي(بعصبيه):تتركني انا عشان رحاب الخايسه ناصر:موضي لو سمحت بدون سب ولا غلط على الناس موضي:عموما الي ما يبيني انا ما ابيه ناصر:يعني ما زعلتي؟ موضي:الا اكيد زعلت بس انا ما تعودت اخذ شي هو ما جاني بنفسه ناصر:بتقولين لابوك؟ موضي:طبعا اصلا بابا ما يرفض لي طلب ولو قلت اني ما ابيك بروح عند ابوك ويفصخ الخطبه ناصر:شكرا موضي موضي:وانا ما راح اقولك عفوا بس لا تدق على رقمي مره ثانيه وعرسك ما راح احضره ناصر(كتم ضحكته على اسلوبها):براحتك بس انا برسلك بطاقه دعوه موضي:ارسلها وبشققها باي ناصر:باي سكر ناصر منها وهو يحس براحه واخيرا هم وانزاح من قلبه قرر بكره الصبح اول ما يفصخ ابو موضي الخطبه بيكلم ابوه عشان يخطب رحاب وما يظن ابوه بيرفض دام جت من عمه.... ************************** كان طلال جالس بالغرفه يفكر بكلام فهد معقوله يا طلال انت ممكن تاذي شوق مو انت تحبها وقلت انك ما راح تاذيها بس الا سوته فيك مو شويه انت تحبها وحافظ كل اسرارها وهي في الاخير تحب واحد غيرك وتخاف على مشاعره اكثر منك والله يا شوق ما ودي بالي يصير بس الي سويته فيني بالماضي ما اقدر انساه لك ولا انسى يوم ذلين نفسي لك وانت رفضتني بكل غرور اجل تستحقين الي بيجيك.... ***************************** مرت الايام و كان الكل في القصر عند شوق يتجهز لخطوبه رغد الي بتكون عائليه وبالنفس اليوم بتكون خطوبه رحاب من ناصر كانت الفرحه فرحتين بس فرحة شوق مو كامله لان صديقاتها ما راح يكنون معها وقلبها بيكون مع هديل بالمستشفى..... كانت هديل قاعده مع مشاعل وشوق وام هديل بالغرفه لان هالفتره الدكتور سمح لها بالزيارات... هديل(وهي تصيح):ماما...تعبانه حيل ماما تكفين ما ابي علاج ام هديل(وقلبها يتقطع على بنتها):ما يصير حبيبتي لازم تكملين هديل كانت بتتكلم بس ما قدرت حطت يدها على فمها لانها ترجع امها ركضت ومدت لها الصحن ورجعت هديل فيه مسحت لها امها فمها ورجعت تسندت على السرير.... مشاعل ما قدرت تتحمل شكل صديقتها وهي تعاني كذا طلعت بره الغرفه وهي تبكي ولحقتها شوق.... شوق:خلاص مشاعل هديل فيها الا مكفيها لا تزودين عليها مشاعل:أي ازيد عليها هي كل يوم على هالحاله بس ترجع واذا وقفت ترجيع تصيح من الالم والدكتور يقول بتتشافى وهي كل يوم تذبل امها ليش ما توديها بره شوق:ما ينفع الحين انتي شايفتها ما تقدر تتحرك عشان تسافر خليها على الله وانشاء لله بتتعالج مشاعل:انشاء لله الله يسمع منك كانت هديل حالتها تسوء عن اليوم الي قبله والتاثيرات للعلاج الكمائي صارت تبين عليها وشعرها بدء يتساقط الين ما صارت تحط غطا على شعرها.... هديل(بتعب):شفتي يا شوق تذكرين لما كنت اعيب على شعري واقول ما ابيه وهذا الله حرمني منه وكله راح شوق:استغفري ربك وبعدين الدكتور قال هذا بس مدة قصيره وبيرجع شعرك مثل اول واحسن بعد هديل:اول كنت ابي احس بحنان بابا الي انحرمنت منه والحين بحس فيه هو مرض بالسرطان وانا صرت مريضه مثله وبحس بكل لحظه عاشها بالام شوق ما عرفت بشنو تجاوبها طالعت بمشاعل الي كانت بس تصيح وما تتكلم وامها حالتها تصعب على الكافر وشوق ضايعه تحس انها عاجزه انها تسوي أي شي.... *************************** مرت السابيع والكل يخلص اخر تجهيزاته للخطوبه,قامت شوق من الصبح وزارت هديل وقالت لها عن خطوبه اخوها واختها وباركت لها ام هديل وهديل طلعت منهم للمشغل تتجهز للخطوبه .... في القاعه الي حجزوها حق الخطوبه كانت المناسبه عرس اقرب لها من خطوبه لانهم تكلفوا فيها مع ان ام البعض ما كان يبي يتكلف فيها عشان الملكه بس هم يبون يفرحون.... لما صار وقت الخطوبه كانت شوق طالعه وكانها عارضة ازياء بفستانها البيج وفيه الشك الاسود كان الكل يطالعها باعجاب وكل ام تتمنى تكون زوجه لولدها كانت تمشى بكل ثقه وغرور وعارفه الكل يحلم يكون مكانها دخلت عند اختها بالغرفه وكانت مع رحاب.... شوق:انتوا للحين ما خلصتوا؟ رحاب:شوق ووجع طالعه احلى مني شوق:هههههه وانتي للحين خبله اعقلي انتي بتصيرين عروس رحاب:توني مخطوبه اذا صارت الملكه ساعتها قولي عروس شوق:ههههه والله انتي طالعه تهبلين بعد رحاب:ييييو من زمان شوق:مالت عليك رغد بصراحه عيني عليك بارده بتاكلين علينا الجو رغد:تسلمين عيونك الحلوه طلعت شوق منهم للقاعه وشافت بنات عمها وراحت سلمت عليهم بغرور لانها ما تحبهم .... شوق:هااي الكل:اهلين شوق شوق:شرايكم بالخطوبه؟ اثير:يعني بس لو جايبين طقاقه ثانيه كان احسن شوق:ههههه وحده ثانيه تدرين هذي كم دافعين لها اثير:مايهم شوق:مايهم ولا منصدمه تدرين لا يوقف قلبك اثير:بسم الله على وليه يوقف قلبي؟ شوق:من السعر الكل يعرف انك بخيله اثير:انا بخيله شوق:وزطيه بعد اثير:شوق احترمي نفسك شوق:محترمتها من قبل لا اشوفك اثير:انتي ما تستحين؟ شوق:اقول هذي الخطوبه خطوبة اخوي واختي فاحترمي نفسك ولا الباب يوسع جمل البنات يطالعونها مصدومين واثير ما عرفت ترد قامت من الطاوله لعند امها وهي معصبه مشت شوق بكل غرور لانها سكتتها .... جاء وقت الزفه وطلعت رحاب على اغنية (دلوعتي_راشد الماجد) اول اللمبات كلها مطفيه ونور خافت موجه عليها كانت طالعه جناان بفستانها الفوشي المخصر عليها وشعرها فاتحته ومسويه تسريحه خفيفه من فوق طالع حلو مع قصته الفروله ومكياجها الفوشي طالع خيال عليها .... مشت بكل هدووء لين وصلت للكوشه وجلست عليها وهي ماسكه الورد الفوشي بيدها... بعد فتره قصيره طلعت رغد على اغنية(احلى من القمر_راشد الفارس) ومع انها مشلوله الا ان الكل يعترف بجماالها في هذيك اللحظه بفستانها الازرق الفيروزي وشعرها حطته على الجنمب وكان كله مرول وفيه ورده على الجنب فيروزيه صغيره كانت من جد خيال بكل شي فيها مشتها امها بكل فخر وكانها تقول ان العجز مو عيب والي قال بنتي عمرها ما تتزوج هذيه تزوجت وواحد الكل يحلم يناسبه.... بعد ما وصلت للكوشه اشتغلت اللمبات وبدت الطقاقه تغنى والكل يرقص فرحان .... بعد كذا دخل ناصر وتركي وكانوا كاشخين على الاخر والكل حسد رغد ورحاب عليهم وبعد كذا البسوا الدبل الي كانت مرره ذووق من افخم محلات المجوهرات ..... دق جوال شوق وكان طلال استغربت ليش داق طلعت بره في السيب لا ن القاعه ازعاج.... شوق:هلا طلال طلال(يحاول يخفى ارتباكه):هلا شوق اسف علىى الازعاج شوق:لا عادي بس فيه شي؟ طلال:والله بغيتك بشغله ضروري شوق(استغربت):طيب بس..... طلال:ادرى الحين خطوبه اختك واخوك بس في شي ضروري شوق(بتفكير):طيب انت وين؟ طلال:انا بره عند القاعه شوق:خلاص دقائق واجيك بس ما تطول السالفه طلال:اكيد كلمتين بس شوق:اوكي باي طلال:باي استغربت شوق طلبه بس كسر خاطرها مو كافيه الي سوته راحت خذت عباتها من الخدامه وتلثمت وطلعت ,وصلت عند الباب وافتحته طلعت في الشارع واستغربت لما لقت الشارع فاضي تقدمت يمكن يكون بسيارته افتحت اللثمه لانها مو متعوده عليها طالعت يمين ويسار وما شافت احد توها بتدق على طلال الا حست بايد تحط منديل على فمها وبعدها ما حست بشي.... *تتوقعون شنو بيسوى طلال فيها ؟ *وشنو بيصير مع هديل ؟ *ومشاعل في احد بيدري عنها وعن اكتئابها؟ |
|
|
لبيك يالحد الجنوبي
التعديل الأخير تم بواسطة لبيك يالحد الجنوبي ; 01-24-2010 الساعة 06:51 PM
|
|
01-24-2010, 06:46 PM
|
#109 | |
|
رد: طلبــتك ثماطلــــبتك لاتحاكـــــــــــيني
الجزلثامن والثلاثون
"بــــــــ النهايه ـــــــداية"(1) فتحت شوق عيونها بضيق وبتعب راسها يألمها حطت يدها على راسها تخفف العوار طالعت الغرفه باستغراب اول مره تشوفها... رفعت البطانيه بتقوم انصدمت لما مالقت عليها ملابس حست انها لحظه مو مستوعبه الي تشوفه طالعت الغرفه ولقت عبايتها وفستانها وعبايتها على الكنبه جمبها حطت ايدها على فمها تحبس شهقه طلعت منها دمعة عيونها مو قادره تتخيل الي صار ...  تذكرت فجاه طلال لا مستحيل معقوله طلال يسوى فيني كذا بس مافي الا هو ,هو الي كلمني واكيد هو ال يخدرني بس كيف شلون وليش ... قامت وهي تصيح ومرعوبه مو قادره تتخيل الي صار ليش يا طلال ليش راحت عند فستانسها ولبسته بتوتر وخذت العبايه ولبستها وحطت الغطا على راسها طلت من الباب واول ما شافت الي قدامها وقف الزمن عندها لحظه عشان تستوعب الي تشوفه... شوق(بصدمه):فهد فهد(اول ما شافها ابتسم ابتسامه ذبحتها شغل الزيجاره وجلس على الكنبه):صح النوم ماتوقعت نومك ثقيل كذا شوق(وقفت مصدومه ودمعها تنزل من عينها):بس مو طلال الي... فهد(ببرووود):الا طلال الي كلمك وهو الي خدرك وبعد هو الي حطك بالسياره وجابك هنا بس هو مالمسك يعني بصراحه ما رضيت انا ولد عمك موجود واحد غيري يلمسك ما تهنوين على انا الي اخذت احلى جزء بالخطه شوق لو احاول اوصف شعورها لحظتها مستحيل ينوصف كانها ميته بس بنفس الوقت تحس بالالم... شوق(وهي تروح عند فهد):انت شسويت فيني شسويت؟ فهد:اش تتوقعين سويت اشوف ملاك قدامي وما اقرب منه شوق(بصراخ):انا بنت عمك يا النذل فهد:نذل وحقير وجبان ومسميات كثيره وراها بس انا مو فاضي للحوار الشيق هذا(وهو يأشر على ساعته) عندي شغل شوق(خلاص مو قادره تتحمل برود راحت عنده وجلست على ركبتها ومسكت برجوله):ليش شنو الي سويته فيك يستاهل تسوى فيني هالقذاره؟ فهد(يطالعها بغرور):لانك فضلتي طلال وعبدالعزيز على شوق:انت شدراك عن عبدالعزيز؟ فهد:انا فهد ما يتخبى عني شي,عموما انا سويت الي براسي وطلال خلصت منه وعبدالعزيز ما اظنه بياخذك لان مافي رجال في الدنيا يرضى ياخذ وحده (مستعمله) شوق:انا مستعمله انت تدرى ان مافي رجال بالدنيا لمسني انت ولد عمي المفروض تحميني تقوم انت الي تغدر فيني فهد:شوفي عاد الفيلم المصري حقك عور راسي شوق وقفت وبعدت عنه مصدومه وقعدت تبكي منهاره مو مصدقه ان يصير فيها كذا ومن مين واحد من اهلها عزوتها وسندها بالدنيا .... شوق:وطلال كان مشترك معاك؟ فهد:ايه هو ساعدني لا ومسوى فيها روميو يقول لا تاذيها يفكرني غبي انا ادرى لو هو كان مكاني كان سوى نفس الشي شوق:انت وسخ وبتظل طول عمرك وسخ ودني البيت ودني البيت الحين قام فهد من الكرسي بكل برود وفتح لها باب الشقه مشت شوق من جمبه بدون ما تطالع فيه.... ركبت السياره وهي للحين تبكي الي صار لها مو شويه كلام فهد عن عبدالعزيز للحين يدور ببالها ما حست الا لما وصلت القصر كان الوقت الفجر ... نزلت بسرعه من السياره من دون ما تسكر الباب دخلت القصر وحمدت ربها ان محد شافها دخلت غرفتها على طول فصخت العبايه والفستان وهي تحس بالقرف منهم وقطتهم بالزباله ما تبي أي شي فيه ريحة فهد... كانت تحت الدوش منهاره من البكي خسرت كل شي الحين عذريتها وعبدالعزيز وحتى طلال ولو اهلها دروا بتخسرهم بعد حست انها ولا شي مجرد جسد من غير روح فهد لما اغتصبها اغتصب روحها قبل كل شي.... طلعت شوق من الحمام بتعب جلست على الكنبه الليله مستحيل تنام رموشها تبللت من كثر الدموع مو عارفه توصف الي صار والي سمعته من فهد هي تعرف انه حقير بس مو لهرجه يغدر وفي مين بنت عمه... بس لامت نفسها وحطت الذمب عليها لانها وثقت بطلال وامنته على اسرارها حتى الي فكرته اخو وصديق طلع هو الي باعها لفهد بدم بارد.... حيرتني يا زمن بقسوة القلوب.... وناس تكفر ولا همها تتوب..... ابعرف يا زمن الطيبه من الذنوب؟؟ وليه الشر تعشق الكذوب....منهو الكذوب؟؟ ما ألوم القلب نــــــكر يمــــــوت.... أو فكر يبيع من يحبه موووت .... الطعون تزيد والعمر يفوت.... وبه الزمن ما عاد ينفع الصوت... جلست شوق طول الليل تبكي مو عارفه شنو تقول لاهلها ولعبدالعزيز وصديقتها شنو بتقول ان ولد عمها اغتصبها لو تموت محد يصدقها...  قامت الصبح ولقت نفسها نايمه على الكنبه وجوالها يرن انزعجت منه قامت بتعب وشافت مشاعل داقه عليها مسكت راسها منزعجه..... شوق:ايوه مشاعل مشاعل(وهي تصيح):شوق الحقى على هديل شوق:شصاير فيها شي؟ مشاعل:تعالي بسرعه المستشفى شوق:طيب ....الو مشاعل افف شفيها سكرت غسلت وجها بسرعه ولسبت وخذت عباتها وطلعت .... وصلت عند غرفة هديل ولقت مشاعل منهاره عندها وتبكي..... شوق(بخوف):مشاعل شفيها هديل ليش ترجف وين الدكتور؟ مشاعل(وهي تصيح):الدكتور يقول العلاج ما نفع معها يقول جسمها سوى ردة فعل عكسيه وكلام مافهمته بس الي اعرفه انها بتموت شوق(وهي تمسك يد هديل):وامها وينها؟ مشاعل:راحت البيت تجيب اغراض لهديل شوق:شلون تروح وتخليها كذا؟ مشاعل:ما تدرى عنها بعد ما راحت بنص ساعه تقريبا صارت ترجف وترجع وجسمها حار ناديت الدكتور وقال ان جسمها ما تقبل العلاج يقول لازم عمليه شوق:وليه ما يسوي العمليه اجل؟ مشاعل:من وين متبرع بالنخاع كلنا حللنا ومافي احد يتطابق معها يقول مافي الا يدور بالنت عن شخص غريب وللحين ما جاء يقول انه بيدور شوق حست انها عاجزه ما تقدر تسوى شي وصديقتها قدامها تموت جلست تبكي مثل مشاعل بقلة حيله مو كافيه مصبيتها بعد صديقتها فجاه حست بايد هديل تشد على يدها التفت لها شوق بسرعه وقربت عندها عشان تسمع شتقول لان صوتها مره ضعيف.... هديل(بتعب):دقي على ف...فيصل ....ابي..زاشوفه بسرعه شوق ركضت لشنطتها وافتحتها طلعت الجوال ودقت على فيصل.... فيصل:الو شوق:فيصل الحق على هديل بتموت فيصل(بخوف):شفيها هديل انطقي شفيها؟ شوق:بتموت تعال المستشفى الحين فيصل اول ما اخذ اسم المستشفى قط الجوال على الارض وركض على سيارته وطول الطريق صوت هديل وصورتها ما فارق خياله لحظه ..... اول ما وصل المستشفى سال عن غرفتها وباللحظه كان عندها اول ما شافها وقف عند الباب معقوله هذي هديل وجها اصفر وعيونها حولها هلات سوداء وشفايفها زرقاء من كثر الترجيع هديل اول ما لمحته مدت يدها بضعف... فيصل اول ما شاف يدها ركض لها ومسك يدها وهو لاول مره بحياته يبكي لان الموقف يبكي الصخر شلون انسان ويشوف حبيه يموت.... فيصل:هديل سامحني سامحني على كل كلمه قلتها هديل(بتعب):انا مسماحتك اصلا م.....من قبل لا تتكلم فيصل:والله ما دريت انك مريضه الا الحين لوكنت... هديل(تقاطعه):فيصل .....الماضي ما يهم خلنا باللحظه هذي كح كح فيصل:خلاص حبيبتي لا تعبين نفسك هديل:تذكر فيصل اغنيتنا لما كنا نشوف بعض دايم نغنيها فيصل:طبعا انسى روحي نفسي ولا انسها هديل:غنيها لي الحين فيصل:تامرين امر.....احاول اخفى احساسي ولا كن بالعشق مفضوح تشوف الفرحه في عيني وحبك بالعقل والروح هديل:احاول اخفى احساسي ولا كن بالعشق مفضوح تشوف الفرحه في عيني وحبك بالعقل والروح فيصل وهديل:احبك حب ما اقدر اعاند فيه احساسي لقيت الحب شي اكبر من اني اخاذ انفاسي هديل:ابيك بس تعرف اني مو خاينه واذا تبي اسال زياد .... فيصل(يقاطعها):خلاص هديل انا مصدقك هديل:لا خلني اكمل فيصل ابيك تحط ببالك الماضي ما يهم طالع المستقبل قدامك حتى لو كنت مجروح تدري انا بموت وانا اسعد وحده بالعالم لاني عشت وفي ناس حبوني اكثر مما حبوا انفسهم.... رفعت هديل اصبعها تتشهد اول ما طنقت اخر حرف بالشهاده غمضت عيونها وطاح راسها على المخده وعلى وجها ابتسامه هاديه مثلها....  ********************** في هاللحظه في مكان ثاني كانت ام هديل ترتب الغراض بالشنطه شالت صورة هديل بتحطها بالشنطه بس طاحت من يدها وتكسرت الزجاج على الارض مسكت ام هديل قلبها حست بنغزه بس تعوذت من ابليس طلعت الصوره من بين الزجاج وحضنتها وهي تدعو ربها يحفظ لها بنتها من كل شر...  فيصل للحظه ما استوعب الي صار .... فيصل(وهو يهز ايدها):هديل هديل ليه سكتي خلاص انا ما راح اتكلم بس انتي كملي كلامك هديل هديــــــــل (وهو يبكي) ردي على اقولك ردي على  مشاعل اول ماشفتها رجعت على ورى لين الصقت بالجدار ظلت تطالعها وهي ترجف ووجها صار اصفر.... شوق كانت تحس نفسها ضايعه مو مصدقه معقوله هديل تموت مرت ببالها كل ذكريتها مه هديل سوالفهم وضحكهم اسرارهم طلعاتهم وحتى الاشياء الغلط الي كانوا يسونها كانت وبظل ذكريات حلوه لانهم سوها مع بعض صدقت مشاعل حنا طول عمرنا 3 مايصير نكون اثنين.....  انفتح الباب فجاه وكانت ام هديل اول ما شافتهم يبكون وفيصل ما سك يدها ويصيح ما اهتمت لوجوده تقدمت عند هديل ببطء وكأنها مو راضيه تصدق ان هذي بنتها,لمست خدها كان بارد لدرجة الموت... ام هديل(ودموعها تنزل بغزاره):ليش يا هديل ليش ما قاومت المرض ابوك وراح بعد انتي بتروحين معه انا من بقى لي بالدنيا طول عمرك تدورين حنان ابوك والحين لحقتيه ليش ليش ياربي انا شسويت بحياتي عشان يصير لي كذا مو كفايه تعذبت معاهم بعد تاخذهم مني شوق كسرت خاطرها ام هديل حست انها لازم تكون شجاعه الكل منهار مايصير هي تنهار مثلهم تقدمت عندها ومسكت بايدها.... شوق:استغفري ربك يا خاله الموت حق لا تبكين عليها لا تعذبينها زياده مو كفايه تعذبت قبل موتها الله يرحمها ادعيلها بالرحمه هديل في قلوبنا وطول عمرنا بتظل بقلوبنا ما راح ننساها... دخل الدكتور عليهم مستعجل وهو ماسك الورقه بيده ..... ام هديل(بيأس):بنتي ماتت ماتت يا دكتور العلاج ما يفيد معها (وهي تمسح على شعر هديل) اسفه حبيبتي اذا قسيت عليك بيوم والله مو قاصده بس هذا من حبي لك ما كنت ابيك تضيعين وانتي الشي الوحيد الي بقى لي من الدنيا...ااااه يا هديــــل رحتي رحتي يا الطيبه قلبي راضي عليك ليوم الدين ااااه ياربي صبرني على فراقها الله يرحمك شوق انتبهت لمشاعل الي قاعده على الارض وتراقب الموقف بصمت ولا حتى نزلت دمعه استغربت شوق موقفها توقعتها بتنهار مثل لما خبروها بمرض هديل ,تقدمت عندها ومسكت كتفها....  شوق(حست برجفة جسمها):مشاعل...مشاعل شفيك لا تسوين بنفسك كذا هديل محتاجه دعوتنا بالرحمه عليها الحين مشاعل طالعت فيها ببرود وقامت من مكانها وطلعت بره الغرفه ,شوق بكت على حال صديقتها مو عارفه شنو تسوي موكفايه المصيبه الي هي طايحه فيها بعد تموت هديل ..... شوق:حسبى الله عليك يا فهد الله لا يوفقك لا دنيا ولا اخره (وهي تشهق من البكي)حسبى الله عليك الله ياخذ حقي منك رفع فيصل راسه وطالع هديل لاخر مره لان الدكتور والممرضات جو عشان يشولونها اول ما غطوا وجها ودفوا السرير حس فيصل بطعنه بقلبه حس ان قلبه هذا مات بموتها طالع يده وحطها على فمه يشم ريحة هديل الباقيه .... قام من على الارض بتعب تسند على الجدار وقوى نفسه عشان يقوم طول ما هو يمشي يلعن نفسه ويسب معقوله انا شكيت بهديل شلون قدرت اقول عنها خاينه شلون قدرت اخليها تصارع المرض لوحدها انا اعرف هديل قلبها ضعيف وهي رقيقه ما تتحمل نسمة الهوا شلون بمرض مثل كذا ....  وصل عند باب السياره طالع نفسه بالدريشه كره نفسه يحس ان هو الخاين الي تركها لوحدها ومع كذا اول ما شافته مدت له يدها وقالت له احبك يا ناس في قلب طيب مثل كذا... دخل السياره وسند راسه على الكرسي طلع الجوال من جيبه وظل يتفرج على صور هديل ويتذكر كل موقف مر عليهم ضحكتها وصوتها وشكلها مستحيل يطلع من راسه .... البارحه يوم الخلايق نيامى بيحت من البكي كل مكنون قمت اتوجد له وانثر علامه من مود عيني دمعها كان مخزون ولي ونتا من سمعها ما ينام كاني صويب بين الاضلاع مطعون بكي فيصل بكي ندم على الي فات بكي حسره على اوقات ضيعها بعيد عن هديل وتعذر بالكرامه خل الكرامه تفيدك الحين بعد ما راح الغالي ما في شي يهم بعده.... انهار من البكي قلبه ما يتحمل بعدها شهور عشان يتحمل عدم وجودها بنفس الارض الي هو يمشي عليها تمنى من كل قلبه ترجع الاوقات لورى تمنى الزمن يرجع عشان يصلح غلطته عشان ما يتركها لحظه وحده عاش معها 3 سنين وكانهم لحظات دايم الاوقات الحلوه تمر بسرعه.... سحب جواله وشغل اغنية (احاول) كانت اخر كلماته مع هديل كان يسمعها ويبكي كل كلمه يسمعها كانت من هديل احلى بمليون مره... نوال : احاول اخفي احساسي ولاكن بالعشق مفضوح تشوف الفرحه في عيني وحبك بالعقل والروح فضل:احاول اخفي احساسي ولاكن العشق مفضوح تشوف الفرحه ف عيني وحبك بالعقل والروح احبك حب ما اقدر اعاند فيه احساسي لقيت الحب شي اكبر من اخاذ انفاسي نوال:حياتي امرها بيدك وحبي سيدي وسيدك وعمري ما ابتدء قبلك وعيدي في الهوى عيدك حبيبي عمري لك والروح وقلبي في العشق ذايب فداك الروح ورح الروح ياربي تبقى لي دايم فضل:معاك الدنيا شي ثاني معاك الدنيا ذي احلى ومهما كانت الدنيا معاك احلى اكيد احلى نوال: تخيل دنيا من غيرك او لحظات من غيرك انا ما اشوف في الدنيا وبقلبي احد غيرك احبك حب ما اقدر اعاند فيه احساسي لقيت الحب شي اكبر من اني اخذ انفاسي فضل:احبك حب ما اقدر اعاند فيه احساسي لقيت الحب شي اكبر من اني اخذ انفاسي .....  على صوت السديس في قصر هديل كانت اول ايام العزا امها ماسكه صورتها وتبكي وتترحم عليها مو مصدقه ان بنتها راحت منها وجدة هديل جالسه جمبها تهديها ودمعتها هي بعد ما نشفت من خدها..... شوق كانت تراقب المكان وتشوف حزن الناس الواضح على هديل كان في كثير ناس يحبونها ياترى يا شوق اذا مت بلقى احد يحزن على .... ودي اموت اليوم واعيش بكره واشوف منهو بعد موتي فقدني منهو حملني لين ذاك المقابر واشكر كل من كساني ودفاني شخص تعانى لي ولو انه مسافر وشخص قريب للاسف ما ذكرني منهو يرتب غرفتي والدفاتر وان شاف لي صوره صاح وحضني ليش يحزنون على وانا ما سويت شي عدل بدنتي بس اذيت ناس وظلمت ناس وطول عمري كنت شايفه نفسي ومغروره وجاء فهد مع طلال وكسروا غروري خلوني انا والتراب سوا يارب ساعدني ورحمني,تذكرت مشاعل من امس بالمستشفى طلعت واختفت بعدها ...... قامت من مكانها وراحت عند جدة هديل لان ام هديل ما ترد اذا كلمها احد.... شوق:جده انا بروح اشوف مشاعل من امس كانت تعبانه والحين ما جت بروح اشوفها(طالعت بام هديل)الله يعنها عظم الله اجركم الجده:اجرنا واجرك روحي حبيتي ارتاحي شوق:لا بروح اشوف مشاعل وارجع مهما كان هديل كانت مثل اختي الا اختي الي ما جبتها امي الجده:على راحتك طلعت شوق من القصر الي بيوم كان يمليه ضحك هديل الحين صار يمليه دموع على هديل .... وصلت شوق عند مشاعل ودخلت القصر كالعاده فاضي مافيه الا الخدم ينظفون البيت كرهت نفسها وهي تدخله يجيب الكابه شلون تقدر مشاعل تنام فيه كل يوم.... افتحت باب الغرفه وما لقت احد استغربت شافت باب غرفة الملابس مفتوح ادخلت وانصدمت لما لقت مشاعل على الارض وتنزف....  ركضت لها وشافت يدها شكلها جرحتها بالموس نادت الخدمات وجوى بسرعه شالوها وطارت فيها على المستشفى وهي منهاره من البكي موكافيه هديل تروح تكفين تكفين مشاعل لا تروحين مني ما راح اقدر اتحمل.... بعد فتره طلع الدكتور وعلى طول ركضت له شوق.... شوق(بخوف):تكفى دكتور انشاء لله مشاعل حيه؟ الدكتور:قدرنا نسعفها على اخر لحظه لو كنتي تاخرت شوي كان ماتت فقدت دم كثير شكلها حاولت تنتحر من امس والغريبه ان محد درى عنها شقولك يا دكتور اقولك ان اهلها ما يدرون اذا هي تنام بالبيت ولا بره شلون بيدرون اذا انتحرت ولا عايشه.... الدكتور:هي محتاجه دم اذا ممكن نفحص عليك اذا دمك مناسب نقله لها شوق:اكيد راحت شوق حللت وطلع دمها مناسب لمشاعل اخذوا منها كميه مناسبه وانقلوه لمشاعل على طول.... جلست شوق على الكرسي منهاره امس واليوم كله تعبت معقوله الي يصير معنا هديل ماتت ومشاعل تحاول تنتحر وانا انا شنو انا ولاشي ليش كل شي يتغير بسرعه ليه كل هذا يصير انا الحين اكلم مين امها في امريكا وحتى لو درت ما راح تجي وطلال مستحيل ادق عليه بعد الي سوها وعبدالعزيز مالي وجه اشوفه بعد الي صار ادق على مين بدق على ابوها واجرب.... منصور:الو شوق:انت استاذ خالد منصور(عجبه صوتها):لا بس أي مساعده انا بالخدمه شوق(ااففف مالي خلق سخافه):لو سمحت عطني استاذ خالد منصور:شدعوه يعني انا ما اعجبك شوق:اقوول انا قلت ابي استاذ خالد عطني اياه ابيه بسالفه ضروريه منصور(عصب من اسلوبها):اسف طويل العمر مشغول شوق:ودامه مشغول تهذر معاي من البدايه ليه ؟قوله سالفه ضروريه تخص بنته منصور:بنته لحظه شوق تاففت ناس فاضيه ما تحترم احد شوي ورجع لها منصور.... منصور:طويل العمر يقول شنو السالفه الضروريه الي تخص بنته؟ شوق:ما اقدر اقولها لك عطني اياه اكلمه دقيقه وحده ما تضر فيه منصور:لحظه اشوف شوق شدعوه ذلني عشان اكلمه هذا والسالفه تخص بنته.... ابو مشاعل:الو مين؟ شوق:استاذ خالد الحق على مشاعل بالمستشفى حاولت تنتحر كانت هذي اللحظه مثل الدهر على ابو مشاعل اول كا اخذ اسم المستشفى طار عليها وهو يفكر طول الطريق شلي خالها تنتحر مشاعل انتي مو ناقصك شي ليش ليش تبين تموتين.... ************************** سأل عن غرفة مشاعل ودخل شاف شوق جالسه على طرف السرير وماسكه يد مشاعل الي كانت نايمه.... شوق:اخيرا وصلت قامت شوق من السرير وراحت عنده... شوق:انتبه عليها ترها بنتك الوحيده لا تفقدها كافيه فقدت وحده من صديقتي ما ابي افقد الثانيه الله يخليك اهتم فيها ولو لمره وحده بحياتك ترى هي ما سوت كذا الا من اهمالك طلعت شوق من الغرفه وتركت ابو مشاعل مذهول من الي قدامه الحظه هذي علمته درس عمره ما ينسها صحيح هو اكبر من مشاعل وهو ابوها والي لازم ينصحها بس احيان كثير الابناء يعلمون الاباء شي ما عرفوه طول حياتهم.... دخل الدكتور عليه.... الدكتور:السلام عليكم ابو مشاعل:وعليكم السلام الدكتور:انا الدكتور الي عالجت بنتك لما جت عندنا ابو مشاعل(وهو يطالعها باسف):ما توقعتها بيوم بتنتحر الدكتور:بنتك اكيد ما انتحرت الا بسبب صحيح انا مو متخصص بالامور هذي بس الظاهر ان عندها اكتئاب انا بحولها على مستشفى الامراض النفسيه ابو مشاعل:بنتي مو مجنونه؟ الدكتور:ليش تحبون تخلطون الامور الجنون غير الامراض النفسيه في شعره وحده بس تفصل بينهم ولو ما عالجت بنتك بتقطع هالشعره انا لازم احولها هناك عشان اخلي مسؤلتي وانت بعدين حر تخليها او تطلعها بس الافضل انك تعالجها بنتك شكلها تعبانه طلع الدكتور منه وخلي ابو مشاعل يقرر يعالج مشاعل ولا لا قرب عندها وتأمل وجها مع انها عايشه معه الا انه عمره ما حفظ ملامحها عدل مسك يدها لاول مره بحنان وباسها ونزلت دمعه من عينه على حالة بنته والمشكله ان ابوها هو الي وصلها للحاله هذي بس خلاص من بعد هاللحظه قرر ان يكون الاب الي مشاعل تحلم فيه واخذ وعد على نفسه يهتم فيها ولو امها ما تبيها هو ابوها ومسؤول عنها.... يمكن لانه حس انه بيفقدها واكتشف مع انه ما يعرف عنها شي الا انه ما يقدر يعيش بدونها... يتبعـــ ... |
|
|
لبيك يالحد الجنوبي
|
|
01-24-2010, 06:55 PM
|
#110 | |
|
رد: طلبــتك ثماطلــــبتك لاتحاكـــــــــــيني
الجزلتاسع ولثلاثون (2)
بــــــــــدايـــ ـــ ــة النـــ ــــ ــهايــ ــــه رجعت شوق للقصر في عزاء هديل حست انها مخنوقه من امس ما ترد على عبدالعزيز وهو حرق جوالها من اتصالته ما تقدر ترد تخاف تقوله الي صار ومثل ما قال فهد مافي رجال يرضى ياخذ وحده مستعمله... فجاه دق جوالها وكان راشد ردت عليه بدون نفس... شوق:ايوه راشد راشد(بخوف):شوق مشاعل وينها ماترد على الجوال من امس شوق:بالمستشفى راشد:مشاعل بالمستشفى شوق:ايه راشد:ليش؟ شوق:حاولت تنتحر وانت ما دريت عنها لو سمحت راشد ابعد عنها راشد:انتي شقاعده تقولين انا احبها شوق:حبها على كيفك بس لا تاذيها هي فيها اكتئاب وتعبانه وانت ما حسيت فيها كفايه هديل راحت ولا تخلي مشاعل تروح مني خلها لي راشد:تكفين شوق قوللي هي باي مستشفى من امس مانمت افكر فيها والحين تقولين ابعد عنها محد يخاف عليها بالدنيا كثري شوق:انت على بالك ما ادرى عن سوالف معها هي تقولي كل شي راشد:هذيك الليله كانت غلطه مني ومنها وحنا وعدنا انفسنا ما نكررها شوق:سوري ما اثق فيك راشد:تكفين شوق انا احبها بس بطل عليها ما راح عليها اكلمها شوق تحس بشعور راشد لانها تحب وتعرف شلون يكون قلب الحبيب لما يخاف على حبيبه قلت له عن المستشفى وسكرت منه.... ام ناصر:شوق حبيبتي انت شكلك تعبانه روحي البيت ارتاحي شوق:لا ماما بظل شويه ام ناصر:طيب روحي مع رغد وصليها البيت شوق:ماما خليها تروح مع الخدامه انا بقعد تبين تروحين روحي ام ناصر:لا بقعد ام هديل مثل اختي,خلاص رغد انتي روحي البيت رغد:ماما ترا تركي بيجي ياخذني ام ناصر:سلمي عليه حبيبتي رغد :يوصل,شوق(وهي تمسك ايدها) عظم الله اجرك والله يرحم هديل شوق مع انها سمعت هالكلام طول اليوم بس لما قالتها رغد حست انها هالكلمات قوتها.... شوق:اجرنا واجرك الله يرحمها ماقدرت شوق تمسك نفسها حضنت رغد ورغد تفاجات بس احضنتها .... شوق(وهي تبكي):سامحني رغد:انا سامحتك خلاص شوق:والله لو بيدي ارجع السنين ورى وما اسوي الي سويته رغد:خلاص شوق ربي يسامح شلون حنا البشر ما نسامح شوق:والله لو الف الدنيا ما القى اطيب من قلبك الله لا يحرمني منك رغد:ولا منك شوق(هاللحظه فكرت تقول لرغد على الي صار):رغد انا...(سكتت) رغد:انتي شنو؟ شوق(تراجعت شلون تقولها ما تقدر):انا احبك رغد:ههههه وانا احبك بعد,تبيني اقعد معاك؟ شوق:لا روحي البيت ارتاحي انتي هنا من الصبح والناس بدت تخف اذا راحوا برجع البيت رغد:اوكي بس انتبهي على نفسك شوق:وانتي بعد باي رغد:باي شوق حست بالراحه على الاقل الشي الزين الوحيد الي صار هو ان رغد سامحتها..... ************************* مر اليوم الثاني للعزا مثل الي قبله كله حزن ودموع على هديل الغاليه الي راحت بس هديل ماتت وقالت الي بخاطرها للشخص الوحيد الي تحبه لاكن غيرها يمكن يموت وهو قال الي عنده... في اليوم الثالث شوق ما قدرت تتحمل وردت اخيرا على عبدالعزيز.... شوق:هلا عبدالعزيز(معصب):شوق حرام عليك يومين ما تردين على يعني لو صار لي شي ما تهتمين؟ شوق:والله اسفه بس معذوره عبدالعزيز:بشنو معذوره؟ شوق(وهي تبكي):هديل ماتت عبدالعزيز(للحظه ما استوعب الي سمعه):الله يرحمها وعظم الله اجرك شوق:انشاء للله اجرنا واجرك عبدالعزيز:طيب على الاقل تردين على مره عشان اعرف والله خوفتيني عليك حرام عليك عورتي قلبي شوق:بسم الله عليك عسى الي فيني فيك عبدالعزيز:طيب انتي وينك الحين؟ شوق:في بيت هديل عبدالعزيز:طيب انا ابيك بسالفه ضروري شوق:والله ما اردى اذا اقدر اطلع الحين عبدالعزيزالحين الناس اليل ما راحوا؟ شوق:الا بس باقي شويه من اهلها عبدالعزيز:خلاص اطلعي ما تعبتي؟ شوق:والله تعبت ومحتاجه لك عبدالعزيز:اجل بمر عليك بيت هديل شوق:اوكي باي سكرت منه شوق ودمعة عيونها عليه مشتاقه له ودها يكون لها بس مستحيل يكونون بيوم لبعض بعد الي صار معها ما اظن هو يبيها..... بعد نص ساعه دق جوال شوق وكان عبدالعزيز سلمت على ام هديل وجدتها وطلعت له.... اول ما طلعت شافته واقف عند السياره دمعة عيونها شوق له معقوله بتفارقه مستحيل بتسوي المستحيل ولا تهده ..... ركضت له كانت تبي تحضنه بس في ناس طالعين اكتفت بانها تبتسم له... بالمقابل هو بعد كان بيحضنها بس بعد احترام المكان فتح لها باب السياره وركبت فيه... او ما دخل عبدالعزيز السياره مسك ايدها وباسها.... عبدالعزيز:ياويلك اذا مره ثانيه تركتيني طول هالمده شوق:وعد عمري ما اهدك بس اوعدني ما تتخلى عني عبدالعزيز:مجنون انا طبعا لا ,وين نروح؟ شوق:أي مكان بس يكون مفتوح احس اني مخنوقه راحوا للكورنيش كان الشتاء بيقرب والهوا يهبل جلسوا على الكرسي وهو ماسكين يدين بعض ويتاملون البحر... عبدالعزيز:شكلك سحرتيني شوق:ههه ليه؟ عبدالعزيز:احس بالشوق لك مو طبيعي حتى وانا معاك مشتاق لك احبك واحب كل شي فيك مستحيل اتخيل حياتي من دونك وموقادر اتخليها قبلك شلون كانت شوق(دمعة عيونها لكلامه):الله يخليك لي ولا يحرمني منك ابد عبدالعزيز:ليش الدموع؟ شوق(حطت راسها على كتفه):خايفه افارقك عبدالعزيز(رفع راسها وحط ايدها على قلبه):انا قلت لك مره والي خلى هالقلب يدق ما اخليك شوق ما قدرت ترد على كلامه اكتفت بانها تشد على ايده وتحط راسها على صدره عشان تسمع دقات قلبه الي تنطق بكل دقه باسمها وتدعي ربها ما يحرمه منها ولا يحرمها منه.... عسى ربي يخليك لعويني وعسى ربي يخليني لعوينك حبيبي دنيتك صعبه بدوني ولا شي دنيتي تسوى بدونك انا مغرم يا غالي فيك وادعي ربي يخليك اذا عني بعدت يجن جنوني لانك صرت اغلى من عيوني عسى ربي يهننيني بغرامك ولا يحرمني من رقة كلامك يا اغلى انسان انا عندي يا حزني وفرحتي وسعدي اخاف الناس عنك يبعدوني حبيبي صرت اغلى من عيوني حبيبي فيك راضعني زماني لغيرك ما يطاوعني حناني سكن حبك في وجداني وتعوض فيك حرماني غرامك غير احساسي ولوني حبيب الروح يا اغلى من عيوني عبد العزيز:شوق بطلب منك طلب؟ شوق:امر عبدالعزيز(اخذ نفس):تقبلين تتزوجيني؟ شوق هاللحظه تمنتها قبل لا تطلع على الدنيا ومن يمن من حبيب عمرها بس الحين فات الوقت شتقوله ما تعرف شنو تقوله.... عبدالعزيز:شكلك مو فرحانه؟ شوق(مسحت دموعها الي نزلت):الا فرحانه بس مو قادره اعبر عن فرحتي عبدالعزيز:طيب موافقه ولا لا؟ شوق(خافت تقول لا وما تقدر تقول أي):موافقه عبدالعزيز:والله اخيرا بتصيرين لي شوق حست ان قلبها انطعن بكلامته مو عارفه شنو ترد عليه نزلت راسها لانه ما عاد مرفوع.... عبدالعزيز(رفع راسها):متى اجيب اهلي واخطبك رسمي؟ شوق(خلاص مو قادره تتحمل):مو الحين انت عارف الظروف عبدالعزيز:خلاص بعد شهر بجيب اهلى ما اقدر اتحمل اكثر من كذا شوق:ولا انا والله قادره اتحمل عبدالعزيز:كلها شهر وتكونين زوجتي شوق(ما عرفت شترد عليه):خلينا نروح البيت تاخر الوقت عبدالعزيز:يلا بوصلك ركبت شوق السياره وهي قريب تنهار بس تحاول تمسك نفسها قدامه عشان لا يعرف ما تعرف انه يدري انها مخبيه شي بس ما يحب يضغط عليها يبي يخليها على راحتها الين تتكلم بنفسها..... ************************* وصلت السياره للقصر قبل لا تنزل شوق سلمت على عبدالعزيز ودموعها بعيونها وطلعت.... انصدمت لما شافت فهد وطلال واقفين قدامها استغربت ليش جاين شعندهم بعد يسوين اكثر.... شوق(خافت ينتبه فهد لعبد العزيز):شتبون بعد بتخطفوني مو كافيه الي سويتوه خلاص انتوا فزتوا وانا خسرت فهد(وهو يطالع عبدالعزيز):مشاء لله وحبيبك الي موصلك شوق:انت مالك شغل فيه مو كافيه الي سويته معاي اطلع من حياتي فهد(ببتسامه خبيثه):لا لسه ما خلصت شغلي شوق ما فهمت قصده بس خافت لما شافته يروح عند سيارة عبدالعزيز ويفتح الباب... فهد:يا اخ عبدالعزيز تفضل حيالك مو هالبيت صار مكان يلتقى فيه العشاق عبدالعزيز:خير انشاء لله من انت؟ فهد:انا مين انا ولد عمها عبدالعزيز:مهما كنت تكون ما اسمحلك تقول كذا عن شوق وبعدين وخر خلني امر فهد:لا ما يصير تروح قبل لاتعرف حقيقة حبيبتك زوجت المستقبل شوق:فهد خلاص اسكت كفايه الي سويته فهد:لا مو كافيه وبعدين ما يرضيني ان عبدالعزيز يظل مخدوع فيك شوق:انت مالك سغل كفايه الي صار اطلع من حياتي خلاص فهد(طنش كلامها):يا اخ فهد شوق هذي الي فرحان فيها وتفكر تتزوجها تعرف مليون واحد قبلك وعليك بعد ومو بس كذا الا ضحكت على انا ولد عمها ظلت تلحقني من مكان لمكان وانت تعرف الشيطان شاطر غلطت معها وقومي وحطي السبه على استغفر الله وانت ما اعتقد انك ترضى تاخذ وحده ....ولا بلاش هالكلام ما ينقال وياريت على كذا وبس الا شفت هذا المسكين طلال صديقي لعبت على صديقي بعد قوله قوله يا طلال شسوت طلال:شوق راحت معي استراحه برضها وشربت معاي وسكرت وبعد نامت معاي فهد:خلاص يا طلال استغفر الله اقولك تفشل الواحد انا اصلا تبرين منها لاني بصراحه ما اتشرف تكون هذي بنت عمي شوق:معقوله يا طلال انت تقول كذا وانت الوحيد الي تعرف شصار تعرف ان ماصار شي بيني وبينك حرام عليك ليه تسوي فيني كذا فهد:ولسه جرائم بنت عمي ما خلصت شفت اختها المشلوله من الي سوى فيها كذا اختها العزيزه تدرى شلون سرقت منها حبيبها والبنت مسكينه من الصدمه انشلت عبدالعزيز:صدق الكلام الي قالوه؟؟ شوق(برجاء):عبدالعزيز لا تسمع منهم انا ما غلطت مع فهد هو الي خطفني وخدرني واغتصبني والله ما سويت شي معه عبدالعزيز:وسالفة طلال؟ شوق(نزلت راسها):كانت غلطه بس والله ما صار شي ما بينا هو يكذب عبدالعزيز(مصدوم):وسالفة رغد صح بعد؟ شوق:بس رغد سامحتني وانا كنت صغيره وغبيه (توجه كلامها لفهد)انت مالك شغل ليش تبي تدمرني ليش (وهي تمسك يد عبدالعزيز) عبدالعزيز انا..... بس عبدالعزيز بعد ايدها بقرف وطالعها بنظرات عمرها ما تنساها..... عبدالعزيز:الكلام الي قلته لك قبل شوي انسيه الي ما فيه خير باهله مافيه خير بالناس وانا ما اتشرف اخذ وحده مثلك ولا تتاملين تشوفيني او تسمعين صوتي صوتي مره ثانيه شوق:لا عبدالعزيز انت وعدتني ما تتخلى عني عبدالعزيز ركب السياره وراح عنها تركها بقاى انسانه محطمه من داخل ومن برى تحس الدنيا تدور فيها عرفت الحين شلون شعور هديل لما تركها فيصل كانت تقول ان هديل تبالغ بس ابد ما كانت تبالغ,التفت على فهد بنظرات حقد.... شوق:استناست الحين انت ذبحتني ذبحتني يا ولد عمي ذبحتني فهد:عشان تعرفين اذا حطيت شي براسي اسويه والله انكم عائيله خربانه اجل واحد ياخذ وحده مشلوله ليه خبل والثاني كان بياخذ وحده.....والله بلاش هههههههههه باي ههههههههههههههههههههههههههه ركب فهد سيارته وطلع من القصر تارك شوق مذهوله من الي شافته وسمعته.... طلال:شوق انا........ شوق(تقاطعه):انت شنو رد على انت شنو انت صخر ما تحس انت واحد حقير ونذل وجبان ماتوقعت اكبر صدمات حياتي تجي منك بس ليش طلال:لاني...... شوق(تقاطعه):خلاص ما ابي اسمع شي شالفايده اسمع الغالي راح طلال:بس انا للحين احبك ومستعد اتزوجك شوق:تتزوجني ومن قال اني ابي اتزوجك تخسي الا انت اخذك انت بعتني يا طلال بعتني لفهد وبكل ضمير اشكرك والله قلبك كبير.....مرهف احساسك كثير اشكرك من كل قلبي بعتني والله بضمير............ طلال:اذا موتي بريحيك مستعد اعطيك قلبي تطعنينه بيدنيك اجرحيني عذبيني هاك قلبي واملكيه اقتليني دام موتي راحة لقلوب الكثير شوق(طالعته بكل احتقار):وموتك بيرجع الي اخذه مني فهد؟ طلال ما عرف يرد عليها كلامها قاسي عليه بس الي سواه موشويه.... شوق(ببتسامة سخريه):وهذا الجواب الي كنت ابيه انت يا طلال بحبك لي دمرت نفسك ودمرتني قبلك تحسبني يوم ابتسمت في وجهك ابيك؟غلطان ترا بعض الوجيه اهينها با بتسامه.... مشت عنه شوق لداخل القصر تحس انها جرحته مثل ما جرحها حست على الاقل انها خذت ولو جزء بسيط من حقها الي هو وفهد اغتصبوه منها........ ******************************* فهد كان بالسياره مستانس وفرحان باي سواه يحس انه انتصر عليها وبنفس الوقت طلع كسبان اخذ الي يبيه من شوق شغل الراديوا وطلع اغنية(عزاه_راشد الفارس)قعد يغني معاه ويرقص كان ناوي يروح البحرين ويحتفل بالمناسبه الانتصار.... رن جواله وكان حاطه بالدرج شاف الطريق ما فيه سيارت واجد نزل راسه يجيب الجوال وملينا حس الا بصدمه قويه وبعدها اغمى عليه...... تجمعوا الناس عليه الحادث كان قوي لانه صدم بشاحنه نقوله على المستشفى على قسم الطورائ لانه ينزف بغزاره.... دقوا على اهله جت ام فهد وابوه ورحاب وناصر يتنظرون بره الدكتور لما يطلع من غرفة العمليات.... بعد ساعتاين طلع الدكتور ووجه ما يبشر بخير.... ابو فهد:طمنا وليدي شصار فيه؟ الدكتور:للالسف صارله شلل كامل ام فهد:نعم ولدي فهد لا مستحيل انهارت عليهم ام فهد وابوه ماصدق الي سمعه رحاب مسكت ناصر وصاحت على اخوها الي انتهى مستقبله.... ابن ادم مثل الادوار يضحك و يقول انه حزين ناسى ان الله حق والدنيا هذي سلف ودين اه يا القهر صبرنا صبر والله لو كنا حجر كنا تفتنا تراب وشلون وهذا حنا بشر نحلم نطير فوق السحاب نسال ولا نلقى جواب يا صاحبة الامتياز افاحها الدنيا سراب اه يا القهر صبرنا صبر والله لوكنا حجر وشلون وهذا حنا بــــــــــشـــــــــر.... فهد كان يستحق هالنايه هذي لانه كسر قلوب كثير ودمر مستقبل ناس كان ممكن تعيش بسلام وهدووء شنو استفاد الحين بيعش بالدنيا وما يقدر يحرك شي بجسمه لما يدرى عن نفسه بيتمنى الموت ولا هالعيشه لاكن الواحد دايم يدعي بحسن الخاتمه.... ************************* في مستشفى الطب النفسي كان راشد موجود سال عنها وعرف انها هنا سال الممرضه اذا عندها احد بالغرفه وقالت ان ابوها طلع وبيرجع تشجع وطق الباب ودخل.... مشاعل كانت منسدحه على السرير وساكته حتى ما لفت راسها لما سمعت صوت الباب... راشد تقدم عندها بهدووء فكرها نايمه لانها ما تحركت بس انصدم لما شاف شكلها كانت كأنها ميته بس تتنفس عيونها حولها هلات لانها ما تنام ابد وشفايفها جافه ولونها مو طبيعي حتى شعرها واضح انها ما تهتم فيه انصدم شكلها غير وكانها مو مشاعل الي يعرفها .... عيونها مركزه على مكان واحد وما تحركها وكانها تطالع شي بس هي تطالع في الفراغ.... راشد(والدموع بعوينه على حالة حبيبته ):مشاعل ...ميشوحبيبتي ليش ما تردين على؟ مشاعل ساكته ما ترد اصلا ما طالع فيه.... راشد(مسك ايدها وتفاجا لما شافها بارده):مشاعل فيك شي انادي الدكتور؟ مشاعل وكانها ما تحس بشي ساكته ما تهمس ولا بكلمه وطالع بالفراغ.... راشد(حط ايده الثنتين على ايدها عشان يدفها):تكفين ادرى انك زعلانه على بس والله ادق عليك وما تردين وتوني عرفت من شوق انك هنا وجيتك ركض تكفين ردي على ولو بكلمه وحده مشاعل شدت على ايده راشد على طول قرب منها .... مشاعل(همست باذنه):اطلع بره راشد(ما استوعب الي سمعه):شقلتي؟ مشاعل(تركت ايده ولفت الجهه الثانيه):اطلع بره ما ابي اشوفك راشد ما عرف يرد راح عند جهتها يوجها ..... راشد:مشاعل انا احبك مشاعل(دمعة عيونها):روووح ما ابيك راشد ما قدر يتحمل اكثر شال نفسه وطلع بره الغرفه ودمعته على خده يتذكر كلام مشاعل له ..... راح عند غرفة الدكتور لانه لازم يعرف شنو حالة مشاعل بالضبط.... وصل عند الغرفه وقبل لا يطق الباب انفتح وطلع بو مشاعل راشد ماكان يعرفه فما اهتم فيه دخل على الدكتور وهو منهار.... راشد:السلام عليكم الدكتور:وعليكم السلام اتفضل راشد:دكتور انا جاي اسال عن المريضه مشاعل الثميمي الدكتور:انت بعد ابوها توه طالع من عندي راشد(تذكر الرجال أي شافه ابتسم على سخرية القدر):طيب دكتور هي شنو حالتها بالضبط؟ الدكتور:انت شنو تصير لها؟ راشد:انا ولد خالتها الدكتور:اها...هي عندها اكتئاب حاد عشان كذا حاولت تنتحر وواضح ان عندها تركمات كثير جدا راشد:شلون يعني تركمات؟ الدكتور:اقصد تفكر كثير شايله بقلبها على ناس كثير ممكن يكون حقد كراهيه او حتى زعلانه من احد المهم انها تحس انا وحيده مالها احد كل الي تبيهم اتركوها والظاهر انها تعرضت لصدمه نفسيه وعصبيه شديده في وقت قريب وهذا الي خلها تفقد السيطره على نفسها وتحاول تنتحر تشوف انه مافي فايده انها تعيش وما في احد يحبها او يهتم فيها راشد:وعلاجهاا بيطول؟ الدكتور:على حسب الحاله ممكن تاخذ شهور اذا هي ساعدنتا وممكن تاخذ سنين اذا هي ما ساعدت نفسها راشد:انت تعطونها ادويه؟ الدكتور:انا ما اعطي ادويه احنا نركز على المعالجه النفسيه وبس طلع راشد من عند الدكتوروهو مهموم مشاعل طول هالفتره تعاني وانا ولا على بالي همني بس وناستي سامحني ياقلبي سامحني بس حتىلو طرتيني انا ما ازعل منك وبظل معاك الين تشفين.... شوق انسدحت على الكنبه وهي تحس باياس خلاص كل شي انتهى احلامها ومستقبلها وحياتها كلها انتهت ظلت تتامل الشارع وتتذكر كل شي حلو بحياتها تمنت الزمن يرجع لورى وتصلح كل اغلطها في السنين الي فتوا بس للاسف هذا مستحيل ..... تذكرت مشاعل كانت بتدق بس تذكرت ابوها وتذكرت نظرات عيونه شكله ندم وبيهتم فيها من جد هي اصلا مالها نفس تدق على احد قفلت الجوال وانسدت وغمضت عيونها حاولت تنام بس دمعه خانتها ونزلت منها كل ما غمضت عيونها تذكرت عبدالعزيز.... كرهت نفسها لانها شوق تمنت تكون شخص ثاني صفحات حياته بيضاء مافيها اخطاء ممكن تدمر حياته..... ليت ربي ما كتب لحظة وداع ولا فراق ولا دموع ولا ضياع ليت كل الناس خل مع خليله وكلا باقي للناهيه بين الاحباب الرحيل قلت احـــــــــــــــبه حيـــــــــــــــــــــــل.... كل ما ادفن خيالك يا عنيد تمطر الدمعه وينبت من جديد شفت وش سوى بي حبك يا بخيل قلت احــــــــــــــــبه حيــــــــــــــــــــــل .... لو نويت اعاتبك القى الكلام يعتذرلي منك ويلوم الملام والقى حتى كلمة احبك قــــلــــــــــــــيــــــــــل.. ليت ربي ما كتب لحظه وداع ولا فراق ولا دموع ولا ضياع قلت احـــــــــــــــبه حيـــــــــــــــــــــــل... *تتوقون هذا بتكون نهايه ابطالنا؟؟ انتظروني..... |
|
|
لبيك يالحد الجنوبي
|
 |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
|
|
العرض العادي
