01-15-2010, 02:39 PM
|
#1 | |
 
|
الشايب والوايت
الشايب والوايت
يسولفون عن شايب نوى يشتري له وايت علشان يسقي الحلال ، وذالشايب متقاعد وشاريله رعية غنم وفوقها خمسين ناقه ، فأخذ يجمع له دراهم لين صار عنده حول الثمانين خمسة وثمانين ألف ريال ، فقام وتوكل على الله وعَزْم يروح يدور له على وايت . صدفه وهو يمشي إلا ذيك الناس مجتمعةٍ في أرض فضاء كبيرة ولا حولهم وايت واقف ، عجب خوينا الشايب نظرة هالوايت وهو ما شاء الله يبرق من بعيد ووقفته شيء عجيب ، قال بس لقيناه خلني أروح أوصلهم وأشوف كم هو واصلٍ سومه وإذا هم حادينه أشوف كم هو عليه . وصل عندهم الشايب ووقف يسمعهم يحرجون ، وأستانس بالحيل لأنه ما هو بغالي ، ولا ذاك الرجال ماسك المكرفون ويحرج 50 ،، 52 ،، 55 ،، ومن قال زود ، قال الشايب بس شكلهم يحرجون على هالوايت ولا هوب بغالي وإن شاء الله يكون من نصيبي . ويخش معهم بالحراج ... 56 ... ويزودون ... ويزود ... ويزودون ... ويزود المهم وصلوه 75 ... قام خربها وقالهم 80 ... هو قالهم ثمانين ... يوم طخوا كلهم وسكتوا .. ! ..وهجدوا .. !! .. والتفتوا عليه .. !!! يناظرونه .. يناظرون بعضهم .. يوم تغامزوا ونقز له واحد منهم .. ويسحبه على جنب وقاله شف يا رجال أنت باين عليك أبن حلال وطيب بالحيل ، وش رأيك لو نعطيك شيك بمليون ريال ذالحين ذالحزه بس أمش من هنا ولا نشوف وجهك واقف معانا بالحراج . أنصدم الشايب .. أفتر راسه له شوي وقال هااااا .. وش السالفة .. ؟؟!! مليون ريال .. وليه..؟؟ قال له الرجال خويهم بس خذ هالشيك وتوكل على الله والله يستر عليك ولا لك بالطبخه وش أسمك ..؟؟ عطاه أسمه وكتب له الشيك بمليون ريال وصرّف الرجال من الحراج هو ما يدري وش السالفة .. !! طيب وش العلم علمني .. ؟؟ علمه بالعلم أثر ذالجماعة يحرجون على المخطط وواقفين بالصدفة جمب الوايت اللي جايبيه يرشون به الأرض علشان يحرجون ، والحراج من اليوم بـ 56 مليون و75 مليون .. وأبو الشباب (الشايب) خش عليهم عرض ولا يدري وش العلم . وهم بعد أخترشوا شوي يحسبونه هامور وبيلطش عليهم المخطط .. قاموا صرفوه بمليون ريال .. وهو ما صدق طاير من الفرحة مليون ، ويقول بخاطره (عجزت وأنا أجمع ثمانين خمسة وثمانين ويجيني ذا الرزق من الله) فسبحان الله مقسم الأرزاق على عباده . الرزق مثل الأجل يتبعك الله يرزقنا بمخططن بالغلط ماحولكم وايت للبيع ههههههه .. |
|
[web]http://dc07.arabsh.com/i/02621/5irmxwjhq8b0.jpg[/web]
|
|
01-15-2010, 04:06 PM
|
#2 | |
|
رد: الشايب والوايت
ههههههه
قصه حلوووه سبحان الله اللي رزق هالشايب ورده قصه حلوووه لك كل الشكر |
|
 مشكوره منتهى الرقه على التوقيع والصوره الرمزيه كلك ذوووووق 
|
|
01-15-2010, 05:37 PM
|
#3 | |
|
رد: الشايب والوايت
يسلملي مرورك الرائع ياغاليه
دمتى لنا سالمه |
|
|
[web]http://dc07.arabsh.com/i/02621/5irmxwjhq8b0.jpg[/web]
|
|
01-15-2010, 09:04 PM
|
#5 | |
|
رد: الشايب والوايت
دايما يارب الضحكه ماتفارقك
مرورك اسعدنى لك شكرى |
|
|
[web]http://dc07.arabsh.com/i/02621/5irmxwjhq8b0.jpg[/web]
|
|
01-15-2010, 09:13 PM
|
#6 | |
|
رد: الشايب والوايت
اجل انا من بكره بروح ادور وين ارى نا س متجمعين وا يحرجون
وبزاود معهم لعل يجينى نص مليون ما نبغ مليون شكرا لك قصه لها مغزى جميل والرزق من عند الله وعلى نياتكم ترزقون والله يرزقنا واياكم حسن الخاتمه هو اهم شى اشكرك |
|
|
قال رسول الله صلى الله عليه وسلم ( يا شداد بن أوس إذا رأيت الناس قد اكتنزوا الذهب والفضة فاكنز هؤلاء الكلمات: اللهم إني أسألك الثبات في الأمر والعزيمة على الرشد وأسألك موجبات رحمتك وعزائم مغفرتك وأسألك شكر نعمتك وحسن عبادتك وأسألك قلبا سليما ولسانا صادقا وأسألك من خير ما تعلم وأعوذ بك من شر ما تعلم وأستغفرك لما تعلم إنك أنت علام الغيوب) حديث صحيح. 
|
|
01-18-2010, 04:34 PM
|
#8 | |
|
رد: الشايب والوايت
والله انا من يشكر ويسعد بمروركم
لاتحرمونى شوفتكم بمتصفحي |
|
|
[web]http://dc07.arabsh.com/i/02621/5irmxwjhq8b0.jpg[/web]
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
