-*™£ منتدى آل شراحيل بفيفاء£™*-

-*™£ منتدى آل شراحيل بفيفاء£™*- (https://www.sh22r.com/vb/index.php)
-   【 منتدى الألعاب والمسابـقات والضحك والتسلية】 (https://www.sh22r.com/vb/f19)
-   -   ما حولكم وايت للبيع؟؟؟؟؟؟؟ (https://www.sh22r.com/vb/sh22r8926/)

الشراحيلي المهاجر 02-14-2010 02:38 AM

ما حولكم وايت للبيع؟؟؟؟؟؟؟
 
شايب نوى يشتري له وايت علشان يسقي الحلال ,
وذا الشايب متقاعد

وشاري له قطيع غنم ..



وفوقها خمسين ناقه , فأخذ يجمع له دراهم لين صار عنده حول
الخمسة وثمانين ألف ريال

فقام و توكل على الله وعزم يروح يدور له وايت. ..



صدفه و هو يمشي ,, يلقى ناس
مجتمعة في أرض فضاء كبيرة
و حولهم وايت واقف.

تعجب الشايب

, قال بس لقيناه
خلني اروح ..

أوصل هناك وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون ,
وأستانس بالحيل لأنه ماهو غالي.



وإلا ذاك الرجال..

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي
وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم و سكتوا..!..وهجدوا..!!..
والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم..
وسحبه على جنب

وقاله شف يا رجال أنت باين عليك أبن حلال وطيب بالحيل ,
وش رايك لو نعطيك شيك!!!

بمليون ريال الآآآآن ,,

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..
وش السالفة..؟؟؟

مليون ريال ..وليه..؟؟

قال له الرجال (خويهم)
بس خذ هالشيك وتوكل على الله
والله يستر عليك ولالك بالطبخه.



وش اسمك ؟؟.
عطاه أسمه وكتب له الشيك بمليون ريال

وطلع الرجال من الحراج وهو مايدري

وش السالفه!!!.

طيب وش العلم علمني ..؟؟

إلا واحد قال له .
الجماعة يحرجون على المخطط وواقفين بالصدفة جنب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب)
خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..
قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره ..

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك..



******

الله يرزقنا بمخطط بالغلط.
http://www.sh22r.com/vb/images/smilies/shjonah8.gifdhttp://www.sh22r.com/vb/images/smilies/shjonah8.gifd




ماحولكم وايت للبيع

&غــرور الــورد& 02-14-2010 05:02 AM

رد: ما حولكم وايت للبيع؟؟؟؟؟؟؟
 
خـــلاص خذ
المليون هذا ورح لعد اشوف وجهك هههههههههه
بصراحه رزق جاه من ورا هباله بس وش يسوي اللي يستهبل ومالقى شي؟؟

الشراحيلي المهاجر 02-14-2010 12:00 PM

رد: ما حولكم وايت للبيع؟؟؟؟؟؟؟
 
تشرفت
بتواجدكم بمتصفحي
يعطيكم الف صحة وعافية
دمتم بحفظ الرحمن

منتهى الرقة 02-14-2010 12:32 PM

رد: ما حولكم وايت للبيع؟؟؟؟؟؟؟
 
هههههههههههههه جميل جدا
.......

الشراحيلي المهاجر 02-14-2010 01:32 PM

رد: ما حولكم وايت للبيع؟؟؟؟؟؟؟
 
الجميل حضورك

افتخربأبي 02-14-2010 02:13 PM

رد: ما حولكم وايت للبيع؟؟؟؟؟؟؟
 
اااااااه ياقلبي

ياليت احصل نص مليون بس

والله وحظه يفلق الصخر الشايب

((ماشاء الله))

ريما 02-15-2010 07:00 AM

رد: ما حولكم وايت للبيع؟؟؟؟؟؟؟
 
هههههههه
يعطيك العافيه اخي الكريم

الشراحيلي المهاجر 02-15-2010 08:13 PM

رد: ما حولكم وايت للبيع؟؟؟؟؟؟؟
 
تشرفت
بتواجدكم بمتصفحي
يعطيكم الف صحة وعافية
دمتم بحفظ الرحمن


الساعة الآن 08:53 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO sh22r.com