{{ في سكوتي تصبح اشواقي ذهب}}
ودي اكتب والقلم عيا يطيع
مدري الأشواق والا انت السبب


كيف اعبر والحكي مني يضيع
اسعفيني يا قواميس العرب


يا حروفي اشعر بشي فظيع
في خفوقي نار وأشواقي لهب


كم كتبتك شعر يا الذوق الرفيع
وكم قريتك هم واحزان وتعب


كم عشقتك جمر وامطار وربيع
كم عرفت انك من اعماقك تحب


وش ابكتب فيك يا الظبي الوديع
وانت وصفك من اعاجيب العجب


هذي اقلامي باكسرها جميع
في سكوتي تصبح اشواقي ذهب



بــنـت الـنــور