,’


التحدي والتصدي عاده القلب الصبور *** والصمود أقرب مسافة لكن الفترة دهر

والخساير عاندتني وحوطتني بألف سور *** والخيانة للامانه زودت قلبي قهر

كنت أبي أبقدم من النهاية لكن الدنيا تدور *** وقفت وياي ليله وأكتمل ضدي شهر

كل ماطلت الحقيقة قلت أنا قلبي صبور *** طاولتني من عذولي طعنه وسط الظهر

حرت أميز في دروبي بين نار وبين نور *** بين هجعت ليل ولا صحوت أجفان وزهر

خانت ظنوني عيوني خانني ذاك الشعور *** أقطف الشوكة بكفي وأحسب الشوكة زهر

مشتهر بلسان صادق ما حكى في الصدق زور *** ما حكى عني لساني ولا جهرت ولا جهر

كم كتم في الصد وافي خايف أعصابي تثور *** لين حسيت لما مدمعي بان وظهر

ولا طوت رجلي مسافة ولا أثرت فيني شهور *** ولا كوت قلبي حريقه ولا طفا ضوي نهر

معتري درب النهاية بعض أوصاف البحور *** وأشبك الدنيا بكفي وزع أيامي مهر

ودام ما دعني ثواني رابح بين السطور *** من يلوم الدرب فيني لو قهرته ونقهر

نبتدي مره جديدة دام أنا قلبي جسور *** تجربه والعمر مره والسنة 12 شهر