ياحلو نظراتك وهمسة شفايـاك

يااغلى من الغالين ياشين فرقاك
كن الدقايق فـي فراقـك ليالـي

اسهر على حبك وطيفــــــــــــــــك
ويطلع علي الصبح جالس لحالي

الحق علي ياغايتي كانه امـداك
ماباقي الا آموت يابري حالـي

الجرح فرقاك ودوا الجرح لقياك
وانا دواي اقضي معك مابقالـي

ماتدري اني كل يـوم آتمنـاك
دايم على طاريك يسبح خيالـي

اي والذي كمل وصوفك وسواك
وانعم عليك بكاملات الخصالـي

انك هوا نفسي ولا والله انسـاك
لوغبت عني يابعد كـل غالـي

ياحلو نظراتك وهمسة شفايـاك
غيرك كلامه مر ولا انت حالـي

ياليتني حولك واداريك وارعـاك
عن لاهب الرمضا وبرد الشمالي


وامسح بكفي دمعك اللي تغشاك

واشيل عنك الهم وتعيش سالي

لولاك ماكنت اعرف الحب لولاك
ولولاك مافكرت واشغلت بالـي