-*™£ منتدى آل شراحيل بفيفاء£™*- - عرض مشاركة واحدة

01-22-2012, 09:44 PM

عقبال ياماخذ فؤادي ميه عام
ضيعتني منك وأنا ما اهتديتك

لا مانسيتك كيف بانساك مادام
ذكرى الفراق تهزني لو نسيتك

حبك قدر وأنا على دين الأسلام
مكتوب في وجه الجبين ورضيتك

لك في الضمير الود والحشمه اتوام
ولي في ضميرك ميثل ما انا بغيتـك

ولك منزلٍ في نايف القلـب وخيـام
وذود الغـلا ترعـاه ولا شكيـتـك

يفطر عليك القلب وان فارقك صـام
والله لونك شـوك سـدره كليتـك

القلب طيرٍ لادعـي للهـوى حـام
والا انت وكره من كثـر ماهويتـك

كن العيون من النظر عقبـك ايتـام
وكني ماريت الا انت من يوم ريتـك

وكنك معي وأنا فقدتك من أعـوام
مع الخيال ألقـاك كني لقيتــك

من صعب وصلك ماتهنيتك أحـلام
وأن جابتك فزيت شـوق ومحيتـك

يعني وصالك صعب وأهدافي أوهـام
يعني زرعتك للقدر ماجنيتــك

صبرك يقولون العرب كل الأيـام
يـوم عليـك ويـوم لا جـاك جيتــك

وياقلب ياللي ورثك جـروح والآم
بليتني ماهوب انا اللي بليتــك

ولعتني من عادني في الهوى خـام
واسرفت بي وأنا خطامك عطيتـك

طعتـك وزبدة طاعتك هم وهيـام
مالله كتب لي واستخرت وعصيتــك

لو للقلوب أسواق بـايع وسـوام
لا أبدلك وأن جيتني ماشريتـك

وإلا أنت ياللي جيش عينيك مقـدام
لا اقنعت منك والرجــاا مارجيتـك

كني سجين بين افـراج وإعـدام
وكنك سجن وأنا بنفسي بنيتـك

تنبيك عن حالي محاصيل الإلهـام
وتخبرك نظراتي نهــاار ألتقيتـك

عقب الوصــال اللي على عين من لام
قد هو يكفيني عن الوصل صيتـك

وقدني إلى مريت بالشارع العـام
لديت من ما في الضمير ودعيتـك

أدري أن صوتي ما قطع عشرة أقـدام
وأدري بي أعود إلى من نصيتــك

ياشينها يامحني رأس الأبهـام
ما أقدر على شوفك وأنا عند بيتــك

الاعمار ماتضمن وأنا أخاف الاحكـام
أرثيـك..خاف أودعك مارثيتــك..!

مماراق لي
احساس