-*™£ منتدى آل شراحيل بفيفاء£™*- - عرض مشاركة واحدة

04-26-2012, 03:47 AM

نفس المكان اللي عليه التقينا
صار المكان اللي شهد يوم فرقاك .
. اتذكر اول لمسة ٍ في يدينا
واتذكر اخر بسمة ٍ في شفاياك .
. واذكر دموعك والوداع الحزينا
واذكر مكانك ماتناسيت ذكراك .
. برد المكان وموحشات السنينا
والليل حالك والرعد يضوي هناك .
. وشلون جينا بالهوى وابتدينا
صرتي قصيدي اكتبك واتغناك .
. ياما من سنين المحبه طوينا
اشم من عطرك واناظر هداياك .
. واليوم اشوفك راحله ماتبينا
مدري وش اللي غيرك عن سجاياك .
. رحتي وحنا بالمحبه مشينا
رحتي ولا كنا نحبك وندراك .
. لابه وداع يجبر الحب فينا
كنك نسيتي من يحبك ويهواك .
. جينا ورحنا بالهوى وانتهينا
وأصبحت انا آخر بشر من ضحاياك .