يالشعر جوي تراه اليوم متعكر
.......................... خل القوافي تعاني قسوة سكاتي
لاتفتحه باب جرحي خله مسكر
......................... منته بقد السهر ولا معاناتي
راجع حساباتك بما سويته وفكر
........................ في ليلي اللي غرق بسيول عبراتي
ان كان ودك عذابي فانت متشكر
....................... من طين الاحزان خلقت روحي وذاتي
انام بدري ويصحى همي مبكر
...................... واضيع مابين صحواتي وغفواتي
لين ان قلبي بدا لاحساسه يتنكر
..................... نسى مع الوقت فزعاتي ووقفاتي
يقول ناسي وانا ادري فيه متذكر
................... ياكبر وجدي عليه وكبر شرهاتي
لوان الحلم في باب الهوى تذكر
.................. ذكرت للحلم جياتي وروحاتي