إلـــــــــى كل(أب)حنون
راحت لدنيا جديده غصب عنها
والزمان اللي تريده مو زمنها
غصب عنها في غياب العدل صارت
تشتكي من حظها وتبكي وطنها
دمعها فوق الخدود ايسيل حسره
كن آهات الخلايق في حزنها
تايهه في عالم المجهول تمشي
وكل نظهره حايره أتقول منها
والبست ثوب الفرح والليل يرسم
من سواده في القلوب اللي سكنها
ودها تصرخ من الاعماق لكن
تستحي لايدري العالم شجنها
باعها بوها وليته كان واعي
يوم يقبض من يد الشاري ثمنها
باعها بالرخص والدنيا رخيصه
ما تساوي الدمعه اللي ما وزنها
من ينسيها العذاب اللي تشوفه
من ينسيها الحجيم اللي حضنها
ودها ما شافت الدنيا دقيقه
وان ابوها بعد ما ولدت ... دفنها
|