هب النسيم وزارني طيف طاريك
واصلا انا ماقد نسيتك ثواني
ساكن فؤادي وادعي الله يخليك
تبقى حياة الروح طول الزماني
انته خذيت العقل وانا ابا احميك
ياغاليه بين الضلوع المحاني
باعيشك دنيا هنيه واهنيك
بس امري هيا اطلبي من اماني
تخضع لك الدنيا وتسجد لغاليك
وحدك بهالعالم سكنتِ بكياني
أزعل العالم على شان ارضيك
واقهر من العذال كل من نساني
قلبي عطوف ولا بيرضى يبكيك
ادلعك واولعك في حناني
دلوعتي قولي لهم اني اغليك
وفهد حبيبي يوم ربي عطاني
وقولي لهم اني بعد ميتٍ فيك
وأني احبك حب مامنه ثاني
اما أنا والله لأوفي معاليك
واكتب قصيدي فيك جزل المعاني
منقوله