مـا خذانـي غيـر مـن أنفاسـهـا تشـبـه عـطـوري
ومـا جذبنـي مـن عروقـي غيـر أنفـاس العطـور

يـا دهـون العـود يـا مسـك تناثـر مــن بـخـوري
يــا شبـيـه الـنــار يـــا جـمــر يطـفـيـه الـبـخـور

ماحـدٍ يملـى عيونـي مـا حـدٍ يرضـي غــروري
غيـر مـن كلـه علـى بعضـه غـرور فـي غـرور

لـك حيـاةٍ فـي حياتـي ولـك شعـوٍرفـي شـعـوري
أنـت يامالـك زمــام الـحـب وإحـسـاس الشـعـور

لك غرام في حروفي لـك شجـون فـي سطـوري
أه مـن أبيـات شعـري كـم بكـت منـهـا السـطـور

أنت لي الذة صيامي عن الهوى وأحلى فطـوري
وأنـت لـذة دعـوة الصـايـم قـبـل وقــت الفـطـور

أنت لي فرحة دموعي وانت لي دمعـة سـروري
وأنت بهجـة عيدعمـري وأنـت حـزات السـرور

انت لي مركب غـرام طـاف وتعـدى عصـوري
وأنــت نـقـش ...... مابـيـن طـيــات الـعـصـور

انت عمري وأنت يومي وأنت نبض في دهوري
مـثـل شـهـر بـعـد شهرلأجـتـمـع كـــوّن دهـــور

انت لي فصل الربيع اللي سكن بأوسط شهوري
تبتـسـم فـيـك الثـوانـي وينـشـرح بــال الـشـهـور

تنبـت أزهارالخزامـى فـي ثـراك وورد جـوري
ماهـقـيـت ان الـــورود بشـوكـهـا يـــوم تـجــور

ياشـراع أشـواق حـب تــاه فــي غـبّـة بـحـوري
مـات ربـان المراكـب مـن عـنـا مــوج البـحـور

حبي لك مـن مولـدي باقـي الـى مبعـث نشـوري
مـاتـغـيّـره الـسـنـيـن الــيــن بـعـثــات الـنـشــور

شعـت انـوارك تـوارت دونهـا شمـعـات نــوري
ياوزين الـروح بـدرك زادنـي علـى النـور نـور

لاحضرتـي كـل هالعالـم تـرى ماهـو ضـروري
غيـرك مـن النـاس ماهولـي لــزوم ولاضــرور

بيّـنـي لــي بـعـض شـوقـك لاتلـفـي ولاتـــدوري
مـثـل مابيّـنـت شـوقـي دون مـــا الـــف أو ادور

أعرف ان قلبي خذلني ماسمـع فـي يـوم شـوري
وخاب قلب ماسمع مـن صاحبـه فـي يـوم شـور

هذا شعرمن بنات أفكـار شعـري فـي حضـوري
والعذرلوقصـرت أفكـار شعـري فــي الحـضـور

مثلـك يسمـح عــن الهـفـوة ويغفـرلـي قـصـوري
ويدمـح الزلـة ويتغـاضـى عـلـى كـثـر القـصـور

شوف بثيابي دخونك وأنت أنفـس مـن عطـوري
ريحتـك وان غبـت عنـي باقيـه تـنـزف عـطـور