آه منّـك يادموعـي ليلـة الفرقـا نزلـتــــــــي
والعرب تنظر وتسأل ياترى وشهي المصيبة
الله اكبر ياعيوني كم مـن الحسـرات نلتـي
نلتي الحسرات ما هو بالرضا لكن غصيبـة
وان صمدتي ياعيوني وان صبرتي واحتملتي
حاربك همّ الفراق وخاسر ٍ من هو حريبـــــه
ياظروف الوقت حنّي والله انـك قـد قتلتـــــي
خافق ٍ مجروحْ وجروحه من الفرقى عطيبــــة
يالليالي السود بالله ليه فينـي مـا عدلتــــــــي
ليه شبيتي خفوقـي ليـه زودتـي لهيبــــــــــــه
يالمشاعر لو نزفتـي واحترقتـي واشتعلتــــــي
كل هذا مايرجّع صاحـبٍ فـارق صحيبــــــــــه
يالحبيبة في وداعـك ليـه للونـات شــــــــــلتـي
كان ودي ترحلي من دون صوت يالحبيبــــــــة
يوم جيتيني بعلمك يوم عندي قـد وصلتـــــــــي
شـــــــفت انا بعيونك آثـار ٍ لدمعـاتٍ غريبــــة
اثرها الفرقى دعت لك واثرك انتي ما احتملتـــي
اثرها الفرقى علينا حكّمت سيـف الغليبــــــــــــة
قد عطيتك قلبي آنا وانتـي بقلبـي دخلتـــــــــــي
قلت هذا بيتك العامر بقلبـي وانزلـــــــــــي بـه
وانتي بحبك عطيتي وانتـي بحبـك بذلتــــــــــي
مير خانتنا ظروفٍ ظالمـة ْ جـدا صعيبــــــــــة
والله انك يوم رحتي والله انـك قـد جعلتـــــــــي
حالتي مثل المريض اللي يئس منّه طبيبــــــــــه
بعد مارحتي وغبتي بعـد ماعنـي انتقلتــــــــــي
انتظر موتي يجيني عمرْ ضايعْ وش ابـــــــي به
م/ن