أقول لك شـي ماقلته لأحــد مــره
......................ابختصر لك شعوري فيـه وأقولـه
العشق مثل الممات أن جآ يجـي مره
......................ياخذ مساحات قلبك عرضه وطولـه
وأنا الهوى تل قلبي صوبك وفره
......................معقـول وإلا انهـا مـاهيب معقولـه
وكاد عيني من الهوجاس محمره
......................وكـاد خضر الطعون اليوم مقبولـه
ولعتنـي ليــن ماقمت اتبع الجـره
......................امشي معك مثل من ضاعت به حلوله
شفني قضبت الطريق افل واصره
......................وإليا اعترض درب غيرك ماني بحوله
بينك وبين القمر ياصافي الغــره
......................تظهـر ولا يظهـر الا حـزة حلولـه
الحسن فيك انت مايخفى علي سره
......................اخذت عين المها ومن الوحش زوله
تعـال كـر الخفوق وعاود الكـره
......................خذ في مساحات قلبي صوله وجوله
عطني من الحب خيره واكفني شره
......................وابشر لك بقلب ساري معك مفعوله
م/ن