اقرأ يافايق يارايق.....قصيده معناها صادق
تحكي عن صدق الحقائق.....والعاقل عقله ميزاني


قصه كلها عجايب.....شاب تقابل مع شايب
والكل منهم بيعاتب.....مافيهم واحد غلطاني


قال الشايب :آآآه ياحسره.....منكم ياشباب الدشره
والله لا أوصفكم عشره ..... وأفضحكم بين العرباني


االأول في البيت مفرك.....عند الدش ومايتحرك
أضحك للدنيا تضحك لك.....خلص فيلم وحط الثاني


والثاني شاري سياره.....ويفحط في كل الحاره
ماسك في يده سيجاره.....سيجاره من ذا الدخاني


يمشي والله ماهوداري.....كسر غطيان المجاري
يفحط ويدقدق بواري..... أزعج جميع السكاني


والثالث قصته قصه.....يبغى حلاق بمقصه
من شان يقصقص له قصه.....ويخليه ولد فناني



لكن التركي قد حاسه.....حاسه بمقصه وأمواسه
طلع لحيه مثل الكاسه.....وسواله عرف الشيطاني


يلبس جنز ويرقص رقصن.....في بالي يسمونه ديسكون
ويقلد مايكل بن جاكسون.....ذاك الخكري الأمريكاني


والرابع رجالن فني.....شاري له عود ويغني
لاأنا منه ولاهو مني.....لابدانيه ولايدناني


عانه بالأستيريو عانه.....يبغى شريط الفنانه
يبغى نجوى مدري ديانه.....يموت بالصوت اللبناني


والخامس والله من حقي.....أقضبه وأطقه طقي
في السوق يحدرويلقي.....من دكانن في دكاني


يرمي رقم وياخذ رقما.....ياجعله بالبندق يرمى
والا جعل عيونه تعمى.....خرباننن والله خرباني


والسادس سافر للخارج.....ويش الحاصل ويش الناتج
جاب أمراضن ماتتعالج.....ماكانت في ذا البلداني


والباقين عشاق الكوره.....كلن نادي بجمهوره
والنفس منهم مقهوره.....والقلب منهم مرضاني


نصراوي وأهلي وهلالي .....والأتي مقامه عالي
صفوة منتخبنا الغالي.....أسماهم فوق الجدراني


قال.الشاب :إسمع ياشايب.....طلعت فينا المصايب
سمعت الحاضر والغايب.....وأنتم خمسه يالشيباني


الأول شايب متقاعد.....حيا يرزق ميت قاعد
لكن صوته مثل الراعد.....يحكي كان وياماكاني


متقاعد وموذي أهله.....يطلب شربه ويطلب أكله
مرات يشخط بالكهله.....ومرات يضرب بالبزراني


يزعل من صوت الأولادي.....مايبغى إلا الجو الهادي
متمسك دايم بالرادي.....يسمع فيه أم حديجاني


والثاني روحه معنيها.....يامتعبها يامشقيها
يصبغ دقنه ويحنيها.....ومركب له طقم أسناني


ياخذ باكوره وعباته.....وإن شاف عجوزن بلقاته
دس الباكوره في مخباته.....وتظاهر كنه نشطاني


والثالث لاحالك حاله.....همه بس تزيد أمواله
يبكي من مصروف عياله.....ويقول المصروف أعماني


يجلس يترقب وليمه.....يفرح ليا جات عزيمه
إإإإلحق ياامال الغنيمه.....وليمه عند الجيراني



والرابع عود بالميه.....لكن داخل به جنيه
يبغى يتزوج صبيه.....ويخلف منها صبياني


والخامس شاري له ناقه.....ومسجلها بالبطاقه
ماله مع أحدن علاقه.....عايش معها بالبراني

وسلآمتكم
ــــبنوؤوؤوؤوؤتهـــ
وتمنى تعجبكم القصيده