البارحه مــادري وش الــلي خذانــي
يوم اجنبوا عنــي من الضــيقة اشملت
جيت اتكلم بس عيا لســـاني
ماكني إلامرتكب ذنب واخملت
الله يسامح من ذكرت ونساني
وأنـا أدري إنــي لاذكرته تجملت
عانيت وأدري كل طيب يعانـــي
وعلى حســاب طعوني الخضر جاملت
ياما خذوا مني ولا احد عطاني
من طيبتي في حـق نفسي تســاهـــلت
عــــزاي لامنه تجهم زمـــاني
يممت وجـــهي للكريم وتـــوســلت
والـلي يبي قربي وبعد لقاني
أمــشي على وضح النــقاء ماتختــلت
يـــامن سكنت أجمل زوايــا كيــاني
يــاما على نفسي عشانك تحمـــلت
مــرات احس انــك معي شخص ثاني
ومـــرات احس انك حبيبي ومــازلت
لاتــفرح انك دجت بين المحانـــي
لــو مــاتخون الذاكره مـــاتسللت
عشــان ماضيك الجميل وعشاني
حــاول تشيل من الوفاء ربع ماشلت
مــانــي على خبرك حبيبي ترانــي
حتـــى عن صغار الاماني تـنــازلت