أنا جدة












دخيلك من تفاصيلك ترى شرح الألم ما أقواه
ولا ودي تألـم لـو تدقـق فـي تفاصيلـي


تفاصيلي بها معجم لجـرحٍ مـا لقيـت دواه
ولا بعرف دوى جرحي ولو كثـرت تحاليلـي


أنا جرحي ملازمني وصرت مع الزمن أهـواه
تعـودت آخـذه سلـوه إذا قلـت تعاليـلـي


أنا صفحة ألم مزمن أميني ما عرف فحـواه
أنا اللي عشت في بحر التحلـل والأباطيلـي


أنا جاورت هذا البحر حتى بث لـي نجـواه
وصار بموجه العاتي يداعب لـي خلاخيلـي


أنا خانوني أحبابي وصوتي ضيعـوا رجـواه
خذوا مني رخـاي وعوضونـي بالأقاويلـي


أنا جدة وصوت الموت خذني جرح في مثواه
أنا أم الشدِّه اللي قلـت للخـوَّان يـا ويلـي


خذوا دُرِّي من أحشائي خذوني طُعم للأفـواه
رموني في طريق السيل واجتثوا محاصيلـي


حدث يوم الربوع أضنى فؤاد المختلس وارواه
وبين صبح مأساتي فساد الملعب الليلـي


تبدت سوءة اللي خان يوم إن الطمع أغـواه
ولما شاف دمعـي دم قـرب لـي مناديلـي


قويزة جزء مني ليه فيها الذيب جـر عـواه
وش اللي طمَّعَه ينهش بقايا من بعض جيلي


أبسأل كل من شـال الأمانـة بالـذي سـواه
يوضح بعد هذا الجرح عن كامـل تفاصيلـي


تفاصيلي بتفضح كل متستـر علـى بلـواه
عسى لو بانت الأسرار ترجـع لـي أكاليلـي


أبي أرجع عروسة بعد فرحي هالحـدث أزواه
أبي ألبس ثياب العـرس وأغنـي مواويلـي


أبو متعب أبي خشم المخالف يوسمه مكـواه
أبيه يعيـش مأساتـي ويتجـرع غرابيلـي


أنا أم المواطن جيت أوضح حزنـه وشكـواه
وشكواي التي هزت شموخي مـع تراتيلـي


أبي مسؤول يعشقنـي تبـان بطلتـه تقـواه
يخاف الله في نفسـه وينهـي هالبهاذيلـي


انا جده وصوت الموت خذني جرح في مثواه
انام الشده اللي قالت للخوان ياويلي














للشاعر /



الأحد, 6 ديسمبر 2009


سعيد عبد الله الغامدي - جدة