الليل شوقي ووجه الشعـر محبوبـي
يا نجمة الضيق عن صدر السما غيبي
انا اللي اخطيت في حقي وماجوبـي
وانا اللي ازريت في طبعي وترتيبـي
يا شرهة النفس عن صرف الندم توبي
ما عاد في جيبي الا كفـي وجيبـي
لا هنت يا من عكس شفّي ومطلوبي
من يمنع الحبـر لا سيّـل مكاتيبـي

يوم انت محتاج لي ما شفـت عذروبـي
واليوم عقـب الرخـا زادت عذاريبـي
كم شق في ثوبك.. اللي ساتره .! ثوبـي
قبل اغلب الناس تدري بك وتدري بـي
تغيب عن ناظـري وتعـذرب دروبـي
وان جيت تسبق قدم رجلـك تراحيبـي
عارف وش اللي خذاك ورجعك صوبي .؟
خذاك منّـي رداك .! ورجعـك طيبـي