.
.




البال سجن الهم.. والصبـر حـراس ..

واليوم مثل الأمس.. والأمـس قاسـي ..

أصبح على هوجاس.. وامسي بهوجاس ..

راسي وما ادراك باللي فـي راسـي ..

الياس طاغي والامل! ضاع فـالياس ..

هذا وانا اللي ميزتي.. قـو .. باسـي ..

جالس بو سط الناس.. ماني مع الناس ..

ربعي وناسـي كنهـم غيـر ناسـي ..

يا وجد حالي كل مـا هـب نسنـاس ..

ابحر مـع الهاجـس بليـا مراسـي ..

مع كل هبه.. يبتدي حبـس الانفـاس ..

واعقد حجاجـي والخفـوق امتناسـي ..

شخص حسبته صافي القلب حسـاس ..

ظنيت قلبـي طـاح فيـه امتواسـي ..

واثري انا واحلامـي البيـض يئـاس ..

غدره غرف قلبي.. وموت حماسي ..

يا هم عين مـا لفـى حولهـا نعـاس ..

دقـات قلبـي حارمتـنـي نعـاسـي ..

مغبون.. غبن اكليب من غدر جساس ..

وازريت اكون ابرد فعلـي سياسـي ..

ماهيب والله خفـة القلـب والـراس ..

ثقلـي.. يحطـم كـل رقـم قياسـي ..

لكن انا ما نيـب واحـد مـن النـاس ..

وهذا ما هو قـدري ولا هـو مقاسـي ..

واسمي اذا حطوه من بيـن الاقـواس ..

ما هو ترى من صورتـي او لباسـي ..

باقواس لاني بالشعـر طيـر قرنـاس ..

ويطيب شعري من بعض طيب راسي ..

وكاني انا اخطيت وامنت (جساس) ..

مليون (زير) بيـن ربعـي وناسـي ..