يا ابوبدر قلبي من الحب ذايب
كنّه يقّلّب فوق صالي من النّار

عمري غدى بالحب مانيب تايب
لا شفت زول الزّين ضيّعت الأفكار

العود موزن ما ضربته هبايب
ولا جاه من جور الزّمن ريح و إعصار

يشبه ظبي الريم سيد الحبايب
و مشيه مثل مشي الحمامه إلى سار

أمّا الشّعر ليلن تغطّى بسحايب
والخد نوره فايقن كل الأنوار

و العين عين الحر عطب الضرايب
و حجاجها مرسوم بيدين شطار

لين ابتسم شبت بقلبي لهايب
كن المبيسم خاتمن صنع بيطار

هاذي وصوف الزين ماهي كذايب
و لا به من العذروب يا كود مكّار

ماهي رخيصه تنشرى بالجلايب
و لا هي من اللي سعرها كم دينار

من حاشها بيمناه ماهوب خايب
غرون جماله فاق نظرات الأبصار

يالله تجيبه يا جزيل الوهايب
يا منجين عبدك و هو داخل الغار


وسلامتكم