مره كتب الشاعر الا مير نواف بن فيصل
** اسير الشوق** قصيده يقول مطلعها

من يبي بالله يفتح لي غلق صدره وابوح
ضاقت الدنيا بشاعر طيب قلب ضيعه

فحبيت اني ارد عليه بهالقصيده..
****************************

من يبي بالله يفتح لي غلق صدره وابوح
ضاقت الدنيا بشاعر طيب قلبه ضيعه

ياأسير الشوق موجوعه وبآهاتي ببوح
بت مظلومه وتذبحني جراحي الموجعه

حتى اهاتي الدفينه واضحه كل الوضوح
كيف ابخفيها وانا مالي طريق اتبعــــه

ما رجيت المستحيل وقلت المرهف سموح
ما لقيت إنسان فاهمني يبي أفرح معه

وإن لقيت كان حبه بلسم لكل الجروح
وأن وقف لي شخص رافض كيف بقدر امنعه

إن عطاني الله رومنسي وله قلب وروح
ضم أحساس ومشاعر مرهفه ومتجمعه

لو أنا ناديت ياحبي يجي هايم يبووووح
ولو تألمت وبكيت أشوف عبرة مدمعــه

يجمع أشتاتي دفاه يحقق الحلم اللحوح
حلم غالي حيل حيل ويستحيل أضيعه

كني التايه بصحراء صرخته ثكلى تنوح
أو كما طفل أحرموه امه بصوره مفجعه

كني آهت خوف مغبونه على كبر الطموح
والأمان الماس متناثر عجزت اني اجمعه

هذا انا بينت آهاتي عساني القى النصوح
كيف يانواف تتعامل بلا زيف وأقنعه

أرشد المحتاره ياقبل ياخذها الجـموح
أشتكي لأنسان مرهف خالق الروح أبدعه

*****************************