يابوي وانت الله عطاك المهابه والقبول ** يوم الشعر بللي مثل شروى جنابك يرفعه

لا لا تحاتي يابعد راسي عسى عمرك يطول ** لاصرت من خوفك علينا زود حرضك تتبعه

من رحمتك فينا تعلمنا عن الرحمه فصول ** من قلبك الوافي عرفنا كل خير ندفعه

ماقد خذلت انسان جاك ولا رجع منك جفول ** يوم ان اغلب هالبشر حتى الاخو ماينفعه

ادري القصايد في حضره جنابك ما تطول ** من ربع ما تفعل يمينك يافخرنا ومنبعه

وادري الشهاده فيك مجروحه ولكني بقول ** ان الشواهد في كلامي ياعرب تستشفعه