للحب بسمة في السما عيت تغيب

مدري نجوم اللليـل ولا قمرهـا

لوكنت هاوي ياالغلا بس تعذيـب

هذي عيوني تنكوي من سهرهـا

ياذيب ياللي عاوي الليـل ياذيـب

قالو الغوالي سحرها في نظرهـا

من مثل خلي يملك الحسن والطيب

سبحان خالقها وصـور حورهـا

وإن شفت مبسمها تضيع العذاريب

لبيـه يابسمـة تعانـق ثغرهـا

بسمة خجولة تسحر القلب وتصيب

والنور شعشع من ثنـاى دررهـا

ياعزوتي والزين ينخا به الطيـب

والنار عيت تنطفي مـن جمرهـا

بأقضي الليالي بالهلا والتراحيـب

حتى شروق الشمس يجلي شعرها

الذيب راحت صطوته من تصاويب

يبكي من الايـام يـروي خبرهـا

الذيب عمره ما يهاب المصاعيـب

والغيم لابد يرتجى فـي مطرهـا