كيفكم ..
أنشاء الله بخير..
اليوم بقول لكم سالفة صارت لي بأحد الشاتات العربيه
<<< اخسس ياسيباويه والله انك ناابغه زماانك
ذاك اليوم دخلت الشات بنك ( *****) << مشفر للاسباب امنيه
المهم وانا ابحلق بأحد الاسامي الا البرايفيت الي ناقز بخشتي
مايخفي عليكم قد ايش فرحت
يوم دققت بالاسم ولا واحد اسمه شيخ الجبل بمصر
الله لا يوريكم بس
انا ميت ضحك على النكـ قلت ياولد مش حالك معه شوي لين تاخذ على جوء الشات
<<< ياربي ربااااااااااااااه
المصري : السلام عليكم
انا : وعليكم السلام
المصري : كيف الحال ؟
انا : بخير .. وانت .؟
المصري : ربنا يخليك .. انا بخير
انا : عساه دوم يارب ..
المصري : عمرك كام ياحلوه ..؟
<< فتح عنوني على كلمه حلوه
المصري شكله خرووف بناااات ومن كثر مايدخل خاص على البنات دخل علي بالغلط
قلت بنفسي ياولد لحق عمرك وغير الصوره بسرعه
المهم وانا انط بسرعتي القصوى ...
واغير الصوره لـ صورة بنت تذووووووب
واجي له واكمل الحوار معه ..
انا : عمري 20 ... وانت ياجميل ..؟
المصري : العمر كله لك ... انا عمري 28
انا : العمر كله لك ...
المصري : ربنا يخليك .. انتي من فين ..؟
انا : من السعوديه ..؟
المصري : هلا باهل السعوديه كلهم دول اقدع نااس بالحته كلها
فاكره ايام حرب الخليج لول الله ثم السعوديه كانت الكويت راحت لـ صدام
<<< دوروني بس ... مسندح على الارض من كثر الضحك
انا : الا فات ماات واحنا لو ماساعدنا الكويت مين نساعد
المصري : ربنا يخليك ياست .. الا على فكره
انا : هلا ..
المصري : انتي بتدرس ولا بتشتغلي .؟
انا : لا انا ربت بيت خخخخخخخخخ
المصري : يعني ايه ...
<< ياربي رباااااااااااااااااااااااااااه
انا : ياعني عاطله وجالسه بالبيت ...
المصري : متزوجه ..؟
<< جات فكره براسه يقول ايه ويكمل معه المسلسل خخخخخخخخخخخخ
انا : ايه متزوجه ..
المصري : حلو ...
انا : لا مو حلو ... انا متزوجه غصبني عني
اصلى اهلي مزوجيني هو بالقوه
بيني وبينك اهلي داخلين على طمع
<< ااااااااااااااااه يابطني
المصري : ليه كده .. فيه نااس تغصب بناتها على الزواج ..؟
انا : ايه فيه ... اهلي خخخخ
المصري : كم ليكو متقوزين..؟
انا : من أربع شهور
المصري : ربنا يعينكـ
انا : يعين الجميع ان شاء الله ...
المصري : ان شاء الله ... طيب بئولك ايه ..
انا : قوول ياحبيبي ..
المصري : اسمك ايه .؟
<< انحرج ههههههه
انا : هنادي ..
المصري : ده احلى اسم عندي
تصدقي بالله بئول لـ امي تدعي لي اني اتعرف على وحده اسمها هنادي
<< منسدح من الضحك
انا : ايه شكلك بعد قلت لـ امك وتكون متزوجه بعد
<< ياربي رباااااااااااااااااااااه
المصري : كانك عندنا
انا : القلوب عند بعضهم
<< وش عنده شكله صدق انه بنت
المصري : ربنا يخليك ..
انا : على فكره اسمك ايه ..؟
المصري : انا جمال
انا : عاشت الاسامي ...
المصري : حلو اسمي ..
<<< وين حلوو والله هو يسار والحلا يمين
<< ينعن ام الثقه ياقدع
انا : ايه مره حلو لدرجه اني افكر اسمي ولدي جمال خخخخخخخخخخخخ
المصري : بئولك ايه ..
انا : قول
المصري : انتي بتيقي مصر كتير ..
انا : ايه وان شاء الله بجي مصر بعد شهر ..
المصري : نورتي مصر
انا : لسى ماجيت خخخخخخخخخخخ
اقووول ياجمال انتا متزوج ..
المصري : لا مطلق
<< يمه شكله يخووف
انا : ليش ..؟
المصري : قصه طوويله ..
انا : وش عندنا ... قوول
المصري : ما اتفقنا وانتهى الا بينا ..
انا : طيب عندك عيال منهاا ..؟
المصري : لا .. وانتي عندك عيال منه .؟؟
<<< ياناس وش اسوي فيه لـ اربع شهور متزوج والله لو اني ارنب ماجبت عيال
انا : ياخي حرام عليك شلون يجين عيال وانا لي اربع شهور متزوجه
<< شكله صدق انه بنت خخخخخخخخخخخخخ
المصري : سوري نسيت
انا : ايه من كثر البناات الا معاك .. خلاص بااي روح لهن
<< وش عنده يتدلع
المصري : لا وربنا بس انا بكلم مامتي
انا : ااها .. سلملي عليها
المصري : ان شاء الله
انا : ايووه سولف ...
المصري : ممكن تديني نمرتك ..
<<< والله البلشه هذا شكله مايبي يجيبها على خير
انا : لا ما اقدر زوجي لو يدري يمكن يذبحني وبعدين انا ما ابي اخونه
المصري : اوعدك ماراح اتصل الا لما تديني خبر ان زوجك راح
انا : افكر
المصري : خير البر عاقله ..
<< ياررررررربي رباااااااااااااااااااااه
انا : طيب خلاص موافقه ...
<<< تورط خخخخ
المهم ياجمااعه قلت ياولد مافيه غير رقم البقاله بعطيه الرقم واخليه يدق خخخخخ
انا : شوف هذا رقمي بس لا تدق وتقفل ترى انا العن منك مطفره خخخ
المصري : عيب عليك انا مش من النوع ده
<< همه الرقم بس خخخخخخ
انا : تيب شووف لا تدق الا بعشر دقايق
المصري : تيب
انا : شووف جمال راح يرد عليك السواق حقي قول له عطني هناادي
<<< بيغري المصري انه بنت نعمه ههههههههههه
المصري : ماشي
المهم قفلت من عنده ورحت اركض للبقاله علشان مايفضحناا
<< مشكلته للحين مصدق انه بنت خخخخخخخ
المهم جيت لبقاله وقلت للهندي كل السالفه قال خلاااص
بعد خمس دقايق دق التليفوون رد الهندي
الهندي : الوو
المصري : الووو
الهندي : ايوه
المصري : فين ماما هنادي
الهندي : ماما هناادي تسوي ميك اب
<<<< ااااااااااااااااااااااااه يابطني ينعن شكله هندي ملكع خخخخخخخخ
المصري : اديني هنادي
الهندي : تيب دقيقه
طبعا حاولت انعم صوووتي علشان يصدق اني بنت خخخخ
انا :: الووو
<< اتعب انا من الصووت النااعم خخخخ
المصري : هنادي
<< انا حسيت انه شك ههههه
انا : ايوه
المصري : صوتك حلو
<<< ينعن ام النصب ياعيال كلمه وحده قلتها وحكم على صوتي
انا : الله يسلمك كلك ذووق
المصري : ازيك ..؟
انا : حمدلله بخير .. انت كيفك ..؟
المصري : انا بخير ..
انا : طيب جمال انا بسكر الحين زوجي جا خخخخخخخ
المصري : لحظه ..
انا : باااي
المهم مر يومين وانا مادخلت لا شات ولا رحت للبقاله
اليوم الثالث حسيت اني جوعاان ومشتهي كاروسان
<< ولد فقر خخخخخخخخ
المهم رحت للبقاله الا الهندي بوجههي ايش كلااام
هذا مصري كل شوي يدق يبغى هناادي خخخخخخ
انا تذكرت الموضوع قلت قول له لا تدق مره ثانيه
طلعت من البقاله بعد ما اخذت الكاروسان خخخخ
وصلت للبيت وشبكت النت ودخلت الشات
الا جمال حبيبي بوجهي
المصري : انتي فين
انا : موجوده
المصري : انا بدق عليك وسواقك يكذب عليا يقول انك مسافره
<< ينعن شكله هندي رهيب هههههههههه
انا : ايه كنت مسافره شووف جمال انا ما اقدر اكمل معااك بروح زوجي شاك فيني
المصري : شووف ياهنادي
انا : نعم
المصري : انا درست علم النفس
انا : طيب
المصري : راح اجي للسعوديه واشوف اهلك وان شاء الله اقدر اقنعهم يطالئوك منه
<< منسدح من الضحك
انا : لا لا تكفى
المصري : انتظريني انتي فين بالسعوديه
انا : بالرياض
المصري : خلاص راح اجي
انا : بااي زوجي جااا
المهم بعد اسبووع من السالفه امي ارسلتني للبقاله اجيب لبن
دخلت البقاله الا الهندي يهاوشني شوي ويرصني بطرااق خخخخخخ
وش فيك يابو بكر
قال هذا نفر مصري يبيغى انتا
المهم وانا اتناقش معه دق التليفوون
قلت انا برد يمكن بنت الجيران تبغى شي من البقاله واجيبه لها واشووف خشتها خخخخ
<< خااق معهااا مع انها اكبر منه بكثيررر خخخخخخ
انا : الووو
مجهول الهويه : فين هنادي
<< يمه هذا وش جابه
انا : دقيقه اناديها لك
هنادي : نعم
جمال : ازيك ياهنادي عامله ايه
هنادي : حمدلله بخير جمال قلت لك لا تدق على الرقم هذا
جمال : انا بالسعوديه ..
<<< ياربي ربااااااااااااااااااااااااااااااه
هنادي : نعم
يوم شفت الكاشف ولا هو صادق
ينعن ابو الحب شو بيذل خخخخخ
هنادي : خلاص بااي زوجي جااا
جمال : الوووو
اانا قلبت صوتي وسويت نفسي ابو العيال
نعم وش تبي
جمال : انتا مين
ابو العيال : انا زوج هناادي وش تبي
جمال : ياراقل اختشي عيب عليك
ابو العيال : ليه وش فيه .؟
جمال : عيب عليك تتزوج ست مابتحباكش عيب عليك طلئهاا
<< ميت من الضحك مدري انا اهاوشه ولا اضحك
ابو العيال : يالله انقلع بس لا عاد تدق على الرقم هذا ولا وربي اجرجرك للقسم
هو سمع القسم قفل الخط
ههههههههههههههههههههههههههههههههههه
والا اليوم مادق
طبعا السالفه حقيقه بس انا ملحتهاا شووي بس خخخخخخ