[احيآآآآن]





أحيان أحس إني وسط خافقك ذبـت!
.........وأحيان أجي بالبال لاصرت فاضـي
يا صاحبي ليه أكره النـاس لاغبـت
.........وأقول خذ قلبي معك .. منت راضـي
كم ضاقـت الدنيـا علـي وتعذبـت
..........وكم جيت لك قاضي وعوّدت قاضـي
لا إنت الذي قدرت حالـي وقربـت
............ولاإنت الـذي خليتنـي لإفتراضـي
داخل عليك إن شفتني ليلة السبـت
..........خلك عن الوجه العبـوس امتغاضـي
ولاتسأل شلوني .. ترانـي تقلبـت
............حتى بياض الوجـه ماهـو بياضـي
لاتلومني .. كم شفت ناس وتغربـت
.........وكم دست بإحساسي ديار وأراضـي
وإن كان حسيت إنك بوصلك أذنبـت
...........فالله .. ولا حب ٍ شقوقـه عراضـي
ولو أسألوك أهل الشماته .. وجاوبت
..........قل : سيرته مايسمعه غيـر واضـي
بآغيب أحبك وأذكرك .. وإنت لاغبت
...........غيب بسلامـة رب العبـاد راضـي




لـ عبد الله البكر