وجيه تلمع وتشرب مـن غزيـر الذنـوب
ووجيه تشرب سكات وتمسـك اعصابهـا

كل الصراحـه تدانتـت شمسهـا للغـروب
بـا فـواه خلـق تلـوك الحقـد بانيابهـا

رمضاي رمضا وتطرقنـي سمايـم هبـوب
وعيني تشوف البيوت وضاعـت ابوابهـا

اطرد ورى حلمي اللي ضاع بيـن الـدروب
متـي الليالـي تهيـد وترخـي ارقابهـا؟!

وين انت يا الصبح كم لك با الظلام محجوب
تعال واهـزم جيوشـه وا كسـر احرابهـا

اللي بقى لي من الفرحـه بقايـا الحـروب
امواقـع ارض بقايـا المـوت بترابـهـا

امواج وقتـي تقاذفنـي شمـال وجنـوب
محتـار كنـي قضيـه مـات طّلابـهـا!

في دفتر ايام عمري كـل شـي محسـوب
لـي قصـة لا اختليـت بنفسـي اقرابهـا

مؤمن وهذي هي الدنيـا نجـاح ورسـوب
القسمـه اللـي مـن الله لازم ارضابـهـا

كلّي محبه لو ان الحزن مـن كـل صـوب
وكلّـي دمـوع تصـب الوجـد لا حبابهـا
أحب واعشق واظن الحـب ماهـو عيـوب
لا شك بعض القصايد جرحـي اولـى بهـا

للشاعر متعب المطلق