احساس ماقد مر علي وأنا من الطبع العنيد
للي بغيته لي صفحة بس دون أية كتاب..



للي بغيت العب واكسب منه بس وقتن سعيد
مادريت اني بلعبي ببتدي قصة عذاب ..



ياصاحبي حبك بدا في رحلته عبرالوريد
وصار يجري في عروقي بين دمي بانسياب..




تعال وانقش في جدار العرق كل اللي تريد
ومد جسمي بأكسجينك وانعش القلب المصاب..




ماحصلي شوفتك بس احساسي سديد
ان فيك من الحلا ما ياسر قلوب الشباب..




احس ريقك لاسكبته ينصهر منه الجليد
ومن لهيب الريق حتى اشك باسنانك تذاب..




انت الوحيد اللي جمع احلى مزايا من العبيد
وانت المحال اللي خلقه الله من ماء السراب..




ياللي جهلتك بالحقيقه بس اعرفك بالبريد
ياللي منك الجاذبية تستمد الانجذاب..




ياللي عشقتك دون نظرة ابختصرلك بالمفيد
يوم سألت القلب عنك ردلي بأعذب جواب..




قال انت أقصى مراده وانت ملهمه القصيد
وانت شافي كل حزنه وانت طب الاكتئاب..




انت يامضوي حياتي انت يالعيش الرغيد
تستجق اكثر وأكثر لبا من فمك شراب..




مسكنك في وسط قلبي وان غدا بيتك بعيد
لايحزنك طول المسافة او تحسب لها حساب..




وختامها ياصاحبي منك ابي مطلب وحيد
قلبي تعلق طالبك لايقطعه فاس الغياب..