لا ماطلبت الحزن ياخذ بيدي
هو مد لي يمناه و أخجل أرده ..!

يوم المشاعر وقفت صف ضدي
[ هو ] الوحيد الي حضني بيده

الي نصحني .. قال : [ أزمه تعدي ] ..!!
الدرب ضيق و أزمتي ما تقده ..!!

يا درب حظي .. للفرح ما تودي ..؟!
ولا الفرح يا حظ .. تقدر ترده ..؟!

محتاج أكتب للعمر بيت وردي
غرقان بليل الحبر ليّ مده ..!!

محتاج أنفث للشبابيك بردي
و أخذ نفس تنبت به الروح ورده ..!!

محتاج أصرخ بالسماء كاااان ودي
و يمطر علي من السماء ما أوده ..!!

محتاج أحفر بالصخر كااااان عندي
حلمٍ كبييييير و ضيق الحال حده ..!!

وأخاف أصد وينطق الصخر ردي ..!!
" همّ البشر ما للصخر معه شده " ..!!

محتاج و محتاج وما بيدي ..!!
غير الحزن .. أضم يدي بيده ..!!