الله يا دنيا المحـن والطمايـع

دنيا تفرق بين خـل(ن) وخلـه

يوم(ن)تفرحنا ويوم(ن)فجايـع

كم كبد نا الحـزن دقـه وجلـه

ماحد سلي من غدرها واللوايـع

حتى نبـي الله سمـح الجبلـه

ياعم أمـر الله ومنـه وسايـع

ناجه ولا تحزن على ماخـذالله

وسع ضميرك والصبرشي رايع

إصبرعلى بلواك وابليس غلـه

ماقدره يوم السبت مـن وقايـع

شي(ن)فريضه ناس قلبك وسله

خلك صبـور القلـب لله طايـع

صدرك جيوش الحزن لا تستحله

جميعنـا ياعـم لاحـق ودايـع

لله فــي دار اللهود الممـلـه

دار الهلع والنايبـات الشنايـع

لازم نغادرها تـرى النفـس لله

والباقـي الله ياجميـل الطبايـع

ياللي علومـك نايفات(ن)مطلـه

صبرك وعنـد الله رب النفايـع

تلقى عظيم الأجر والخير كلـه

وصلاة ربي عد ماشاع شايـع

على النبي واصحابه المستقلـه