اسالك بالله يافدا الروح وش فيك .. قلي بربك لاتخفي عليه

لا شفتني ليه انت تظهر تغليك .. باقي شوي وما ترد التحيه

كان الخطاء مني والله لا ارضيك .. واقدم اعذاري واشيل الخطيه

ذنبي احبك وانت مع اني اغليك .. يا اعز واغلا من حياتي شويه

يالي بحر بالعين لاحل طاريك .. زالت هموم وسط قلبي خفيه

انسى جميع الناس لاصرت احاكيك .. والا جمعنا في مجلس باسويه

مايكفي ان القلب يازين انا مهديك .. قلبي على شان المحبه هنيه

بينت لك بالحال ماكان خافيك .. ابعتني في من الملا من دنيه


حقك علي يالنور عيني لا اداريك .. عهد علي ما دامت الروح حيه

ان غبت لحظه صرت بسمك اناديك .. واردده حت تكرم بجيه

اعيش بالذكرى ورحوي تباريك .. والروح للمحبوب دايم وفيه

تحب من حبك وتكره معاديك .. تفداك لو راحت من اجلك ضحيه

ملكتني واليوم انا صرت هاويك .. اسعدتني والروح كرهت شقيه