مانيب ناسي لو قدرتي تناسين=في ذمتي والله فلا نيب ناسيك

يابنت والله لحظة ما تغابين=عن بال منهو دايم الدوم يطريك

أنتي غرامي يا مرامي وتدرين=الغالي لاجلك مرخصينه ويفديك

أزكى عطر وأزكى ورود ورياحين=ومعها سلامي ياهوى البال نهديك

وأحلى القصايد والقوافي بتلحين=لو قلتها في حبكم ما توفيك

لوطال عمري ولووصلت الثمانين=لامايساوي شوفك ولمست يديك

يشهد بذا حب رصيده ملايين=وقلب لاجل أمرك يجاوبك لبيك

بيني وبينك للرسايل عناوين=وإن كنت دليتك فلا نيب مخطيك

يحق لك يافتنتي لو تباهين=حتى لو أزعل منك أجي يمك أرضيك

*****************************