قصيده كتبت على فراش الموت ..
{بسم الله الرحمن الرحيم}
السلام عليكم:
كتبت هذي القصيده على فراش الموت
يستعطف بها صديقه المخلص لياخذ بيد حبيبته من بعده خوفا عليها
من الضياع...
القصـــــــــــــــــــــــيده تقـــــــــــــــول...
وصاتـــي لك من بــعدي تمـــوت فيـــــها عشاني
أبيــها تعيش وتحيـــا بك وأظـــل بالذاكره مفـقود
وصاتي لك تنســــيها ملامح وجــــهي وتنســـاني
وتعزفها قصيدة حب على عكس اللي عزفته بعود
وصاتـــي لك تبعدها عن أشـــــــعاري وقيــــــفاني
تراها مغرمه بالحـــــيل ويشهد لـــي عدد الــردود
وصاتـي لك تســـايرها ترا فيـــها من أحــــــزاني
طلــبتك لا يضيق بالك طـــلبتك والـطلب مـــردود
وصاتـــي لك تناديــهاحياتي عمـــــري أزمــــاني
أنا عـودتها دايــــم أدلعـــها وانــــــــا موجـــــود
وصاتـــي لك تعاملــها بطيبة قلــــــب وإحســـاني
تـــراها تذرف الدمــــعه ودمعتــــها بليا حـــــدود
وصاتـــي لك تحفظها سور وآيــــــات قرآنـــي
وتخــبرها عن الميت رحـــل لايمكــــنه بيـــــعود
وصــــاتي لك ترسمها على قبــــري وأكفــــاني
أبيها لوحةٍ تبقى على طـــــول الزمن مـــحدود
وصاتي لك تمازحها وتشوف الضحكه بأسناني
سعيتك ياضحك هالكون طلبتك لاتصير جـلمود
وصاتـــــي لك تقـــهويها من دلالي وفــنجالـــي
تراها تعشــــق السمرا ويكفيها دخـــــون العود
وصاتـــي لك تركبها على خيلي وعلى حصـاني
وربي فارسه من قلب شهادة مــــاهي لشــهود
وصاتــــي لك تســفرها بلاد الشـــام ولبنانـــــي
ترى يحلالها تقطف ورده ورده من بلد الورود
وصاتي لك تراقصـــــها على ألـــــحان رحباني
ترى فيها عرق خاله وفيها من جنون الســود
وصاتـــي لك تحببها فأبــــو نوره بعد هانـــي
وتنسيها ندم غلطه أنا فيها ترى المقــــــصود
وصاتي لك تكرهها في تاريــــخي عنـــــواني
أبيها تلعن اللحـــظه وتلعن كل فرح مـــوعود
وصاتي لك تكلمها عن المجني وعن الـــجاني
وتخلينــــي أنا الظالم وانا من حـــرق الأخدود
وصاتـــــي لك تشبهنــــــي بدم أحمر قانـــــــي
وأنا هالقاتل السفاح مجرم من عصر نـــمرود
وصاتــــي لك تحلفها تتوب تحبنــــي ثانـــــي
ترى يكفيها ماعانت ويكفي حيلـــها مهـــــدود
وصاتــــي لك تنسيــــها وصية قالها لســـــاني
أنا أخبرك رجــــل موقف وإنت قدهـــا وقـدود
صديقي مالقيت غيرك يعرف وشلون ينساني
أمانه ضمها بقلبك ترى خـالد رحل مايعود
منقوول
تحياتي...
النايفه...
|