كل ٍّ تربى على العـادات و الفطـره

الطيب بيّن جمـال المعـدن الأصلـي

وانتي ربيتي على الاخـلاق و الـدرّه

لا مـا تبعتـي رداة العالـم السفلـي

بنت العفاف الرزين و قـدوة العبـره

إيمان قلبك حصيـن و بالعمـل يعلـي

لك قلب من يسكنـه يستمتـع بعمـره

انيقة الوصف قلبـك بالطهـر مملـي

انقى من الما وهو في منزل الطهـره

وان كان به شئ ٍ اطهر فأعذري جهلي

توت الندى والخزامى فايض ٍ عطـره

والمسك والفلّ والريحان بـك مطلـي

فيك استجارت مزيج عْطـور مبتكـره

ايه اعترف روعة وْصوفك خذت عقلي

وان جيت بتأمل اوصاف الحلا وسـرّه

جمال روحك هو اسباب الحلا الفعلي

الحَب في المعترف يطلع علـى بـذره

الزين يـزداد زينـه والـردي يبلـي

شتان عند القمر فـي هْلالـه و بـدره

ان زان نور البدر .. وجه القمر يحلي

خلك مثل ما عرفتـك بنـت مستتـره

وتزوّدي من كتـاب الله و دوم اتلـي

دامك شربتي من انهار الهـدى قطـره

ما به بعدها ضيـاع ولا ضمـا يغلـي

اخوكم
نجم الثريا