علميني ليـه احبـك وانتـي ماتـدرين عنـي
مدري مـا عندك مشاعر ولا انـا طبعـي غريب


المصيبـه لـو تكـون المشكله في كبر سنـي
لعنبـو دارك ترى الشايب يطيـع ويستجيـب


لو تبين الشمـس في كفك تجي لك بس تمنـي
شوف عيني كنهـا ما بيـن يديــنك تغيــب


كثر ما بشيـبي وقار وكثر ما بصدك تجــني
اعشقك وامني نفسي وصلك المقفي قريب


دام بــك روح الأنوثه لا ابد مايخيب ظني
محسن الظن بخفــوق يتبعه قلب صـويب

اسعد ايامي اشوفك جالسـه بالقــرب منـي
واسمعك من كل قلبك تهمسين انت الحبيـب

وقتهــا والله لضمك واحذف عقـالي واغني
كيف نخفـي حبنا والشوق فاضح مايعيـــب

ياجنون الشعر فيني قلها ذا الحـــب فنــي
والليالي علمتني ما اتبـع الحــب المــريب


وقلهـــا ليــش اختياري يشهدونه الـف جنـي
لانهـا بكـل بسـاطه جتنـي من كـوكب عجيــب


كــوكب ماقــول سـره للعذاري لو عطنــي
خـاتم سليمان وملك شيــد الصرح الرهيــب


مابقى بالعمر بـاقـي والسنين اللــي جفـني
منهن للي خلقهن يكفي أنــي عشـت ذيـب


والــندم من خلقـه أدم مـا الا الــتدنـي
لجل ذلك ما تبعــت الغـم والهــم والنحيــب


ركعتين بجوف ليلي تـذهـب الشيطان عنـي
حتى لـو كلي مشاعر أو كذا طبعـي غــريب

تحياتي..
النايفه..