-*™£ منتدى آل شراحيل بفيفاء£™*- - عرض مشاركة واحدة - على الله يازمن بشكي جروحي والليالـي طـوال

01-05-2011, 05:45 PM

على الله يازمن بشكي جروحي والليالـي طـوال
عسى راعي العنا ينسـى عنـاه وينشـرح صـدره

على الله يازمن بشــــكي همومـي والهمـوم جبـال
تـعـدّت عاصــــــمـة حـزنـي حــدود العالم بأسـره

خســـــاره يالسـنيـن اللـي كتبتـي ســــيـرة الـرحـال
فرحت امس وحزنت اليوم بس الخـوف مـن بكـره

لســـاني كم شـكى صمتـه والى منّـه حكــى ماقال!
طغى طبع الســكوت بســـيرة المحـروم مـن صغـره

سقى الله يوم كنت اضحك وبالي مســــتريح البال!
ضحـوكٍ ماعــرفـت الحـزن وش معنـاه وش قــدره؟

وكبـرت وكــبرت احلامـي وصـارت قـصـة التـرحـال
امانـــي فـي مهـب الريـــــح وحـلمٍ ماكتـمل بـدره

بعــذر اللي مع ايــامــه جلـس يبكــــي علـى الاطـلال
تـــــذكر مـاضـي افـراحـــه الــين خنـقــتـه العـبـره

عــزيـزه يالعـيـون اللي حضنـتــــي دمـــعـة الـرجّـال
حبســتي دمعتـه بين المحاجـر يـوم ضــاع امــره

عزيـزه يالحـروف اللي ســـــكـتـي والـكـلام يـقـال
حكيتـي ماشكيتـي الهـمّ وهـمّ القلـب ياكـبـره

عــزيــزه ياليـدين اللـي ثنيـتـك باصـــــعـب الاحــوال
اكفّـك ســـاعـة الحــاجـه وامــدّك ســــــاعـة الـقـدره!

وعزيزالنفـس لو يصبـر علـى صبـر الليالـي نـال
ابصـبـر والرجـل يصــبر ومقـيـاس الـرجـل صـبـره

انـا منهـو حمــــل همّـه علـى راســـه تقــول عقـال!
مجـاديـف الـزمــــــن دارت علـيـه ونَســــف الغـتره!

وانامنهـو فقـــد صوتـه وبعـض الـصـوت بــه مازال
دعـيت الله يـفــرّجـهـا عـــــليّ وبــحَّـــــــت الـنـــبـره

أشــيل الحمـل عن غــيـري وحمـلـي صـــار ماينشـال
كماالشـــيـخ الهزيـل اللـي مشــيبـه منقـــضٍ ظهـره

جروحـــي مزنـــةٍ منهـا هطـل فيـض الشـعـر همّـال
ســقـت جـدب العـروق اللـي تبلـل ريقـــــهـا قـطـره

وعـن حـر الزمـن صـارت حروفـي للـجـروح ظــلال
تــــــذرّت عـن هبـوب اليـاس حلـمٍ قـد بـنـى قـصـره

عســـاهـا للمـطـــــــر روحٍ بهـاوادي الظـمـا مـاسـال
عــروق ســـنينها جـفّـت وورّاهـا الـزمــــــن غـــدره

عســـــاهـا للمـطـر روحٍ قـضــى مرباعـــهـا مـاطـال
كســاهـا ثوبهـا الاصفـــر وكانـت تلـبــــــس الخـضـره

علـى الله ينجـلــــي وقــتٍ قضيـتـــــه هــمٍ و غـربـال
ويشــــــعّ النور فـي قلـبٍ غشـى ليـل الظَلَـم فجـره

عـلـــى الله والـولي الله وبامـر الله يـــزيـن الـحال
ويضحـــــك للزمـن قلـبٍ مـع همومـه قضـى عمـره
م/ن