لاوالذي سواك ماكن ودي = ابعد ولكن اهلك اللي يريدون

حطوا شروط قصدهم به تحدي = وهم بحالي اكثر الناس يدرون

عجزت اطول اللي يبونه بيدي = ولاقدرت انفذ اللي يقولون

هم ابعدوني عنك والقرب قصدي = هم حرومني منك والقلب محزون

حاولت منهم اعرف اسباب صدي = لكنهم اقفوا قبل مايردون

ياليتهم يوم تركوني لوحدي = شافوا دموع الحزن لجلك يهلون

ياليتهم يدرون وش صار عندي = يوم قطعوا وصل به القلب مرهون

حرام... مثلي عن حبيبه يردي = وده بقرب الزين واهله يعيون

اعاهدك منساك لو طال صدي = حتى يصير الجسم بالقبر مدفون