بسم الله الرحمن الرحيم
السلام عليكم ورحمة الله وبركاته,

أشكر أخوي العزيز أبو عبدالرحمن
على الإستضافة وأعتذر عن التأخير.

1_ مامدى علاقتك بالشعر؟
رائعة وجميلة .


2_ من هـو شاعرك المفضل؟
ناصر القحطاني
3_ أعضاء في منتديات قبيلة آل شراحيل تعجبك ذائقتهم الشعريه؟
اخوني((ابو نواف$ابو عبدالرحمن$ابوغلاء$ابو يحي))
4_ بيت شعر يحضرك دائمــآ؟
وَاخْـضَـعْ لأُمِّــكَ وأرضها **فَعُقُـوقُـهَـا إِحْـدَى الكِبَــرْ
5_قصيدهـ تعدهـآ / تعديها من اروع القصائد؟
الله اللي راد و العقده قضاها اللي عقدها
لا على الدنيا السلام و لا لباقي العمر زينه


الفضا ما كنّه إلا خيمةٍ طاحت عمدها
و الفرح ما كنّه إلا شيخٍ انقصت يدينه


و العمر قطعة زجاج انكسرت و لا طال أمدها
و العرب في العيد بدموع اليتامى مستهينه


و الشوارع لفّها ثوب الظلام اللي هجدها
و البيوت أطلال من عقب المحبه والسكينه


و الشتا و الليل و البرد و سما يصرخ رعدها
والعيون اللي ورا الشبّاك مذعوره حزينه


طوّلوا في الكهف الأصحاب و بقت روحي وحدها
كنّها في كوكبٍ ثاني خلا من ساكنينه

6_ أن لم تكن / تكوني شاعر/هـ ..هل لديكـ محاولات لكتابة الشعر؟
لا
7_هـل مر يوم تمنيت ان تكون /ي شاعر/هـ؟
نعم
8_ لديك مساحه بلا حدود أمتعنا /امتعينا بقصيده على ذوقك؟
الوداع اللي بعلم .. لعيني أعبر من رمدها
و الوداع اللي بلا علم .. لقفص صدري غبينه


و الوداع اللي بلا رجعه .. عليّ أمّر و أدهى
و الله إنّه غرغرة سمّ و سكاكينٍ سنينه


و العنود اللي جفيت الناس و الدنيا بعدها
مدّت الفرقا لغاليها و هي تعطي الثمينه


وينها .. كيف تركتني .. ليه ماجت في وعدها
و القمر لا طل خابرها تجي بيني وبينه


رحت أنادي و أتلمّس في مهب الريح يدها
كنّي حصانٍ بلا صاحب طوى البيدا حنينه


رحت أصيح الصبح وينه و العرب ما رد أحدها
ما سمعت إلا صدى صوتي يقول الصبح وينه


كنّهم من يوم ذيك الشمس غابت عن بلدها
طلعوني في النفود و صكوا أبواب المدينه


كنّهم من يوم ذيك الذاهبه محدٍ وجدها
كل رجالٍ من الشرهه قلع في الدرب عينه


أثرها ماتت و ماتت كل فرحه في مهدها
و الربيع أقفت به اللي كانت التاج لجبينه


جاورت عقب الحدايق حفرةٍ ما أقسى لحدها
حفرةٍ ماني مصدق كيف ضمّت ياسمينه


للحزن فيني مثل ما للطهاره في جسدها
ويش أسوي لا فتشت اللي لها وسط الخزينه


زخرفت حلم و بنت له مسكن و سمّت ولدها
آآه لو غرّد ولدها في خميلة والدينه


عاهدتني و ظفرت بيمينٍ أقوى من عهدها
و الصبي لا خير فيه إن كان ما نفّذ يمينه


ما تتقى عن رثاها عرقٍ اكتظّ بشهدها
و لا تبقّى خلف قضبان الجفن عذرا سجينه


كيف عند العالم أيام العزاء محصى عددها
و إلا أنا طالت شهوره و الله أعلم كم سنينه


لا الثرى فيها نبات و لا المشي خفف نكدها
لا السما فيها طيور و لا البحر يمّه سفينه


لا القمر هذا مساه و لا العصي هذا رغدها
لا الزهر هذا شذاه و لا الذهب هذا رنينه


قالوا الشيخ الفلاني مرجع القوم و سندها
قال يبشر بالعوض و العلم جينا ناقلينه


ساق لك بدر البدور اللي نشدها من نشدها
جادلٍ هزّت عروش و خيبت روسٍ ذهينه







مشكور اخوي ((ابو عبدالرحمن ))

على الاستضافه الرائعه والجميله

ولك خالص احترامي


اخوكـ((روحي تحبكـ))