-*™£ منتدى آل شراحيل بفيفاء£™*- - عرض مشاركة واحدة

05-11-2011, 02:01 AM

على رغـــم الظـــروف اللي تبـــدد كل أحلامي

تحـــديت الزمـــن وأنتي لقيتك لعـــنة الأيام

جرحتي, مو مهم الجرح ومهما كــان بي دامي

ابد والله مـــا برضا تكـــوني مشفـــية الآلام

نسيـــتك, مـــو مهـــم أذكـــر سنين وآخر أيامي

بكيفي أذكرك وأنسى بكيفي واللقاء قـــدام

أنا ما هـــو أنا اللي لا ذكـــرتك أرفـــع أكمامي

ولا ذاك الـــذي يخفـــض جبينه مسبل الأكمام

أنا حـــر وعـــزيز النفس وهذا مبدئي السامي

وإذا منك تبي نحسب؟ ترى تضيعين بالأرقام

وكم مثلك غـــزا دربي وكــم مثلي غدى رامي

تعلم آيه علمته على صدري صحى بي ونـــام

وكم مثلك جـــرح قلبي غـــدى يســـري بالأمي

وكم مثلك انا بحسب واذا بحسب تكون أوهام

حرمتيني.. هجـــرتيني أبد ما قــول لك ضامي

أموت من العطش وألقى بموتي عزتي بإكرام

بكيفي أرفــع أحكامي.. وبكيفي أصدر إعدامي

لقلبي حـــق بإعدامي وبأمـــره يلغي الإعدام

أكابر لا متى وأنتي حـــرقتي ســـر إلهامي

مـــادامك سبة آلامي, منين يجيني الإلهام

عشقـــتيني .. غـــدرتيني بعد هذا تبي تنــامي

وخنتي منبع أشعاري, كذب, من قال شعري نام

عطيتك ماحسبتي كم..! عطيتك أجمل أيامي

عطيتك من وفـــاء قلبي بلا حسبه ولا أرقام

أجل وشلون لا شفتي عطايا وجملة أرقامي

يا خوفي كثر ما عطيتك حياتك تنتهي بحطـــام

وتتناثر جـــروحي (آآهـ ) بين الـــذات والآلامي

وبين الآه وجـروحي.. حكاية تنتهـــي بأوهـــام

دخيلك ما أبي أذكـــر لشخصـــك آخر احلامي

ولا بي منك لا من غبت تبكيني دهــر وأعوام

أبي منك نهـــاية عمــر نهـاية رحلــة أوهامي

وأنا وافي ولك وعـــدي تكـوني لعــنة الأيام

كفاني مالقيت الأمس ولحظة ما نتهى عـــامي

بقى عندي الذي يكفي جميع الناس من الآلام

بقى هجرك ونسيانك.. وأنسي شخصي الســامي

وأبي منك قبل لا أرحل توقيعـــك على الإعدام