مدخل:-

لا تعتذرلي , منت بـ العذر ملزوم
نظرتك عن صدق المعاذير كفـت !

لو كنت ماني مؤمن بـ شي مقسوم ؟
كان ذبحتني حاجة(ن) مـا تخـفـت !

حاجه بكوم , / وحبر الأوراق في كوم !
من حـرّها ! , كل المشاعـر تدفـت !

غـلـطـة الـشـاطـر..


يـا ضيقـة البـال مـدري ضيقـة الخاطـر
........ تـطـيـب كـــل الـجروح ومــانـي بـطـيّــب

احيان احس الشعر من غيمتي ماطر
..... واحيـان مـثـل القـفـر لا عـافـه الصـيّـب

كنّ الحزن في... ضلوعي صايـم وفاطـر
........ مـــــرّه اشــوفـه بـعـيــد ومـرّه قـــريّـب

علـى ضفـاف الصبـر قلـب العنـا ناطـر
........ والعـمـر مابـيـن يـــوم ٍ طـيّــب وخـيّــب

كمّ لي وانا كنت خايف غلّطة الشاطر
........ بـيـن الخطـايـا وبـيـن الـوعــي لا غـيّــب

واليـوم مــات الشـعـور وحـسّـه العـاطـر
........ وشيّبـت وان كـان راسـي ماهـو مشيّـب

يامرّهـم الـجـرح لــو طيّـبـت لــي خـاطـر
........ تطـيـب كــل الـجـروح ومـانـي بـطـيّـب !




مـرثـيـة بـطـعـم الـحـيـاة ..





كــانــوا لــــي اســبــق مــــن دمــوعــي لــيــا ضــقـــت
ويـــامــا قـــبـــــل تـــبـــكـــي عـــيـــونــــي بــكــــونــــي

وكـانــوا لـــي اعـمــق مـــن حـنـيـنـي لــيــا اشـــتـقـــت
واْلــــقــــى بــــهــــم كـلّــــي لــو اصــــبـــح بــــدونـــــي

وكانـــوا لـي اصـــدق مـن شـــــعـوري .. وصـــدّقــــت
مـن حـــبّـــنـــي يــــرضـــــى بْــشــكــلـــي ولــــونـــــي!

وكــانــوا لــــي اشــفــق مــــن (هــلـــي) لا تـشــفّـقــت
ومــــــداي الارحــــــب كــــــل مــا ضـــــــاق كـــونــــي

والـــيـــوم لــــــو بـضــعــونــي الـعــاشــقــة ســـقــــت
مــحـــمـــول طــيـــبـــي .. مــــا تــلّــقـــوا ضــعـــونـــي

وعــــلـــــى فــــقـــــارى عــطــفـهـــم لـو تــصـــدّقــــت
كــنــــــــي كــبـــيـــــر ذْنــوبـــهـــــم حــــرّمـــــونــــــي

يــــا لــيــتــنـــي فــــي بـــحــــرهـــــم مـا تــعــمّـــقـــت
أو لــــيــــت عـــــن مـــــوت الـغـــــرق عــلّــمــونـــي

لـــــو كـــنـــت مــــــع صـــــدر الــســواحــل تـعـانــقــت
مــــــــا كــــان فــــي غـــبّـــــة هـلاكـــــي رمــــونـــــي

فــجّــــرت طــاقــاتــــي : تـصّــــــبــر .. ولا طــــقـــــــت
أزيــــــــــــح حِــــــمْـــل فــراقـهــــم عــن مـــتــــونــــي

مــــــن بـــعـــد مــــــا قــيّــدنــي لْــســانــي اعــتــقــت ..
(عــــبــــد) الــســـكـــوت .. ولــيــتــهــم يـسـمــعــونــي:

انـــــــي مــن اقـــصــــى جـــــــرح فــيــنـــي تــدّفـــقـــت
ودمّــــــي قـــــــراح عْــــروقـــهـــــم لا ضــــمــــونـــــي

مـغـبــــون ولْــهــاجـــس جــــفــــاهـــــم تــــطّــــرقـــــت
لاْنـــي أبـــيـهــــم لـــــو غــــــــدوا مــــــــــا يـــبـــونـــي

مــن يـــمّـهــــم هــــــبّ الــتـــجـــافـــــي ودّنــــــــقــــــت
مــا كــنـــت خـــايـــف .. كـنــت (ابــلـســــم) طـعـــونــي

بـانــــــــام وفـحــضـــنـــي غــــلاهـــــم .. واذا فــــقـــــت
أخـــــــــاف مـــــــن حــضـــنـــي بــــعـــد يــحــرمــونـــي

لــكــن اذا ذبــلـــــــن غـــصــــــونــــي ولا اْورقـــــــــــت
وهــــتــــانـــهــــم عـــــيّـــــا يـــــبـــــلّـل غـــصــــونــــي

بــاْنــخــى عــيــونـــي .. والــبــكـــا مــســـألـــة وقـــــت
وان مــــــــات دمــــعــــي فــالــبــقـــا فــــي عــيـــونـــي







مــع خــالــص الــحــزن..

الله يسامحك آخر مانطقه اللسان
.................... ياحلمي اللي قضيت العمر وانا ارقبه

هذي محطاتنا / تجمع جروح الزمان
.................... وهذي سنين الغرام المعشبه ( مجدبه )

ايه انتهينا / ولاباقي زمان , ومكان
.................... الا وذكراك تآخذ منه , ( عمر وشبه )

هنا / كتبنا تفاصيل السهر / والحنان
.................... هنا نسينا النصيب ولوعته وسببه !

هنا بنينا من احلام المحبه ( كيان )
.................... هنا شربنا من افواه ( الكلام ) اعذبه

هنا لقينا ( طفل بيدين طفله ) وكان :
.................... يبكي على كتفها لن الزمان .. اتعبه

حكاية العاشق اللي ذاق مُر الهوان
.................... يلعن حنين السنين ويلعن التجربه !

كل شي ماعاد يسوى بعيني عشان
.................... اقدر ارد اعتبار .. ايامي المرعبه

مع خالص الحزن ياجرحي لك الامتنان
.................... رميتني في طريق العالم المذنبه

بمسح عيوني لو ان الدمع ماله امان
.................... بكره تزين الليالي والحزن اشطبه

خلاص ماعاد يمدي والبقى للزمان
.................... مافيه داعي اقول ( فراقنا) واكتبه !

مـخـرج:-
ماني بـ ميّت لاصارت فرحتي دنيا
ومن الطبيعي أذوق الضيق واكنّه !

أنا اكثر إنسان عاش الحزن فـ الدنيا
عساني القى العوض ( وأفوز بـ الجنّه ) !

... أتمنى أن تروق لذائقتكم الشعرية ...

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>