ان بغيت الحب هاك الحب كله
لا تلاعب بـ عزتي لعبة مذله ..
وانسحب منها قبل لا تبتديها !!
نفسي اللي شفت فيها الطيب (كله) ..
ما ابيك تشوف (بعض) الشر فيها !!
اعقل وخل الدلع واللعب خله ..
لا تضحي بعشرتي دامك تبيها !!
الدلع لا زاد عن حده أمله ..
وعشرة ٍ فيها ملل ما أشتريها !!
وانت خابر قلبي يوم يفش غله ..
به شرور ٍ مالك الا تتقيها !!
خل عفريت الغضب نايم محله ..
لا تصحيه ودروبه تكفى .. لا تجيها !!
وخل مسباح الرضا حاسب تفله ..
وطيبتي حاسب تفقّدها وعيها !!
لا تطالبني بعذر من دون زله ..
وتستغل اني عيونك مهتويها !!
قلبي لو يغضب .. تراه يعاف ظله !!
وحتى نبضاته ترى ما يشتهيها!!
ان بغيت الحب هاك الحب كله ..
المشاعر ملكك وتامر عليها !!
و ان بغيت تذلني .. دربك تدله ..
ما ابي اقتل عيون ٍ مت فيها.... !!