-*™£ منتدى آل شراحيل بفيفاء£™*- - عرض مشاركة واحدة

06-16-2011, 01:43 AM

جيت أتوكا على القلم .. بقدام تتهجى الرمال
جيت أكتب الممكن .. واحاول كيف ابيد المستحيل

جيت بجراحاتي الجديده .. جيت حال من المحُال
جيت أعتذر للحب .. واكتب امنياتي واستقيل

جيت اعزفك لحن المسا .. والشمس في حظن الزوال
جيت أكتبك فرحة لقا .. جيت أرسمك دمعة رحيل

جيتك وانا مابين رغباتي .. وخيباتي سجال
مدري أنا اصل الحكاية .. او أنا كنت البديل

ماجيت أبي صلح الليالي .. وانا ساحه للقتال
ولاجيت بشعل شوق .. يكفي مابقى فيني فتيل !

فيني دموع وذكريات .. وأمنيات وكم سؤال
فيني هزيمة وانتصار .. وبينهم كنت القتيل

مرات أدفن ضحكتي .. واقول ياحزني تعال
ومرات اضحك من فرح .. واحس بالدمعه تسيل

انا اشوفك كالحقيقه .. بس أقرب للخيال !
وانا اعترف انك ضياعي .. واعرف انك لي دليل

الخوف مو اني اموت .. الخوف أعيش بلا وصال
مالك سبيل لجيتي .. وانا ادور على السبيل

انا يكفيني قليلك .. لو قليلك أحتمال !
وانا يكفيني وجودك .. لو بقى منه قليل
احساس