جفت عروق الحكي .. والراس شاب
والورق شرهان .. من ثورة حبر

طاحت احلامي .. من متون السحاب
وامطرتني ، حزن واعتاب .. وعبر

ماتت امالي .. وانا توي شباب
وفي صحاري العمر ! ماهل الصبر

صاحبي ، والليل مسراه .. أرتياب
شوف طول البعد ( ماصدق خبر )

أسبح بحور الوصال .. ولا أهاب
وفي بحر فرقاك ( أغرقني شبر )

تنبت اللوعات .. في جفن العتاب
لاتختل طيفك .. بصمت و عبر

كل دمعه ! تورق اغصان ، العذاب
وكل ياس ٍ ! يحفر لفرحي ، قبر

ضاق ( صدر الشوق ) من جرح ، وسراب
وانت صدر ٍ .. ممتلي ، صد .. وكبر

اللقا ! : شيخ ٍ تعرض .. لـاغتراب
البقى بسمه .. وأيامـه غبـر

ليه أجوعك وانتظر .. منك زهاب . . ؟
ليه انا أضمى وانتظر .. مزن الحبر . . ؟

ولو تحاول .. تذكر أسباب الغياب .. !
كسرة الأغصان .. مافيها جبر