عَبْرهـ



شيخ الحبر مدفون في رمل الاوراق
.................... يبكيه حلم وذكريآت وأماني
رفت على غصون التناهيد , الاحداق
.................... والريح تصفر في ضلوع المحاني
بآنت ( طيور الهجر ) في حزة إشراق
.................... وماتت من ( اوقات المحبه ) ثواني

يامرحبا فيك وسنين المواصل عجاف
توّك على بال شعري واوّل القافيه
علّمتك إن الجسد يحتاج ( ستر و عفاف )
وإن الوفا والمحبّه تجلب العافيه


وعلّمتني من ليال البرد , وشلون أخاف
وعلّمتني وش تكون الطعنه الوافيه


أنته من ورود حلمي تقطف اللي تعاف
وانا رجولي على رمضى الجفا , حافيه


مع كل دمعه يثور بـ داخلي ألف قاف
ومع كل بسمه ! تجيني ضيقتي لافيه


كنت أتمنى لقانا يحتضنه ( الزفاف )
وصرت أتمنى نغيب ! بـ نيّةٍ صافيه


ومع خالص الجرح والتلويع والاعتراف : !
ماكنت قد الوفا وأحضاني الدافيه


أقسى جروح الهوى لاصرت منها تشاف !
فـ عيون منهو تحبّه والعدا الهافيه


وأٌقسى شعورٍ يسبب في خفوقي جفاف !
لاقلت : أحبّك ! وقال : ( تحبّك العافيه )

هذا غيابك شجر وانا انكسر فاسي
.................... والصمت ليلٍ عتيم ودمعتي قمرى


تلمع بعيني دموع وتحتضن كاسي
.................... ولا لقيت بـ ظـلام البعـد لي مسـرى


تطرد خيول السوالف باقي نعـاسي
.................... واقول للحلـم بالايـام ! انت ادرى


ايام حزني : بروق , وبعدك : أيباسي
.................... ولا لقيت لـ سحايب ضيقتي بشرى


ضميت جمر الغياب وهزني ياسي
................... وتاريخ عمري ( ثلاث جروح ) لـ الهجرى


دامك خذيتي خفوقي ردي انفاسي
................... محتاج أعيشك ( فرح ) لو مرةٍ أخرى


وابنتحر في عيونك واسجن أحساسي
.................. يمكن تجين المشاعر من ورا الذكرى

جفّت عروق الحكي والراس شاب
................... والورق شرهان من ثورة حبر


طاحت احلامي من متون السحاب
.................. وامطرتني , حزن واعتاب وعبر


ماتت امالي وانا توي شباب
.................. وفي صحاري العمر ! ماهلّ الصبر


صاحبي , والليل مسراه أرتياب
................... شوف طول البعد ( ماصدق خبر )


أسبح بحور الوصال ولا أهاب
.................. وفي بحر فرقآك ( أغرقني شبر ) !


تنبت اللوعات في جفن العتاب
................... لاتختل طيفك بـ صمت وعبر


كل دمعه ! تورق أغصان العذاب
.................... وكل ياسٍ ! يحفر لـ فرحي قبر


ضاق ( صدر الشوق ) من جرح وسراب
.................... وانت صدرٍ ممتلي صد وكبر


اللقا ! : شيخٍ تعرض لـ أغتراب
..................... البقى بـ سمـــه وأيـــامه غــبر


ليه أجوعك وانتظر منّك زهاب . .؟
..................... ليه انا اضمى وانتظر ( مزن الحبر ) . .؟


ولو تحاول تذكر أسباب الغياب ..!
..................... كسرة الاغصان ! مافيها جبر

لـ ..الليل في عيني متاهات وجروح
................................. ولـ ..الجرح دربٍ في خفوقي يقدّي


البارحه مستور واليوم مفضوح
................................. ياكثر مارددت ودي و ودّي


ياصاحبي صوت الامل , ليه مبحوح؟
................................. جاوب..ترى صمتك دخيلك يهدّي


ياكثر ماتجرح واسامحك بـ ..مزوح
................................. ياما جروحي واصله فوق حدّي


عطر الوفا لو هو من ثيابك يفوح.!
................................. ماكان قلبك عن رياضي يشدّي


تدري من اللي بـ ..الهوى دوم مذبوح؟
................................. اللي خذو قلبه وعاد امتردّي

وتدري من اللي سلم القلب لـ ..النوح؟

................................. الدمعه اللي بانت بـ ..وسط خدّي


شمس المحبه غاربه وانت , بتروح
................................. لكن عسى فرقاك ليله تعدّي


والطعنه اللي جت من كف مسموح!
................................. ماهيب من طبعي ولا طبع جدّي


برق الحزن في داخلي لايحٍ لوح
................................. يسقي محاديب الضلوع ويحدّي


وباب الامل قفّل ولاهو بـ ..مفتوح
................................. ياقرد حظي \ يابري حال كبدّي


وجرح الليالي يبني صروح و صروح
................................. من تجربة قلبٍ بـ ..حزنه يلدّي


وقيض العتب في هرجتي مابعد زوح
................................. وين السحاب؟ ووين بردك وبردّي؟


وبحر المشاعر كنّه الليل لـ ..البوح
................................. بس المصيبه ! وين جزري ومدّي


وحبر القلم لو ماوضعني على سفوح
................................. لكن ..! عطاني حلم ابقى لـ ..غدّي


تطعن..! ورمحك لـ ..الطعن ليه مشفوح ؟!
................................. تجرح..! وليل الجرح فيني يكدّي


ترحل..! وانا اللي من هبايبك مطروح
................................. تبعد..! وثوب الهجر ماهو بـ ..قدّي


اعطيك قلبي تعطي اوجاع وجروح
................................. وتهديني اللوعات واهديك وردّي


اصدق شعور احيان مامنه مصلوح
................................. لاصار خلك بـ ..الهوى مايندّي



لو المحبه تنشرى بـ ..جاه او روح
................................. سقت العمر يمك ولو كنت ندّي


لو الدموع حروف في كف مجروح
................................. شعري قسم بالله ينبت بيدّي


عطني خفوقي كان تبغاني اروح
................................. لنّي عقب فرقاك باعيش ضدّي..!

دَمْــعـــه


حبر العتب لو سال في دفتر اللوم
يمديه جفّ ولا وصل شخص غآلي


ومآضنتي بلقى بعد غيبته نوم
من يآخذ عيوني , ويرقد بدآلي . .؟