لا تقول اني ذكرت ولا تقـول انـي نسيـــت
كيف يعني يذكرك انسان لحظـه مانســـاك
ادري اني صدق احبك وادري انك مادريـت
اني حتى ضد نفسي صـرت ياعمـري معـــاك
لو اقول اشكثر احبك ! ما تصدق لـو حكيــت
داااام حبي فـوق والله مستـواي ومستـــواك
{كل حرفٍ لك كتبت} و {كل حرفٍ لي قريت}
{في شيٍ من عــناي} و {فيه شيٍ من غـــلاك}
في غيابك ياحبيبي ياكـثـر ماقلــت ليــت
وياكثر ما قيل عني في غيابـك وش بـلاك
مو مهم اللي جرى لي المهم انك رضيت
دام يزعلني زعلّك ودام يرضيني رضـاك
انت دمع ٍ في عيوني مابكيتـه لـو بكيـــت
وانت كل اللي كتبته وأنا بس اللـي قــراك
وانت دربٍ من بديته فـي حياتـي ماانتهيــت
وانت تعني لـي بهالدينـا نجاتـي والهــــلاك
جيتك أتأسف حبيبي وأعترف انـي خطيــت
جيتك اسبق لهفة اشواقـي ويسبقنـي غـــلاك
وانا مدري{شلت قلبي لك} بعد عمري وجيـت
والا {قلبي شالــني لك } يابعد عمـري وجـاك
جيت اقول {اني احبك} شفت عينـك استحيت
في عيونك قدرة الله وأشهـد أن الله عطــــاك